香港會議展覽中心
提示：呢篇文講嘅唔係香港展覽中心。香港會議展覽中心（英文：Hong Kong Convention and Exhibition Centre，粵拼：hoeng1 gong2 wui6 zin2 laam5 zung3 sam1，縮寫：HKCEC），簡稱會展，係香港一座用來開會同展覽嘅地方，嚮香港島灣仔北岸邊，嚮1988年11月開幕，屬香港貿易發展局，由香港會議展覽中心（管理）有限公司（新創建集團全資附屬機構）管理。
喺會展搞嘅活動唔單止有維多利亞港景色襯托，更因為佢鄰近市中心嘅位置畀到參與活動嘅人士近距離感受國際大都會嘅魅力。會展中心鄰近兩間五星級酒店，包括君悅酒店同萬麗海景酒店，同區內亦有接近六千間酒店客房，所以令旅客來往會展好方便。
工程結構
編輯香港會議展覽中心係香港第一個為會議同埋展覽而起嘅場地。另外，香港會議展覽中心係分唔同時期去擴建，所以每次擴建都冇為之前嗰一期工程嚟考慮。
第一期
編輯會展第1期於1988年11月25號喺灣仔海旁建成。當時會展向海嗰一面嘅玻璃幕牆係全世界面積最大。
第二期
編輯
1994年至1997年，會展耗資48億港元進行第2期擴建，嚮維多利亞港上一個面積6.5公頃嘅人工島起會展新翼，建築面積因而加倍。會展新翼屋頂以4萬平方呎嘅鋁合金造成，形狀似一隻飛鳥。1、2期會展之間以1條110米，橫跨海面嘅架空行人道連接。會展新翼有30米高玻璃幕牆、重有新設嘅180度海景嘅會議前廳；同埋可以容納4,300人進行大型會議嘅大禮堂。
會展新翼向海一面對開係金紫荊廣場，放有象徵香港主權移交嘅金紫荊雕像，亦係每日舉行升旗儀式嘅地方。
第二期擴建工程
編輯
.JPG)
為應付日後需求，會展喺2006年開始將第一期同第二期之間擴建，提供額外19,400平方米展覽場地。因為受到灣仔發展計劃第2期受阻嘅關係，擴建部分並冇填海，而係以反傳統由上而下「倒吊」式興建，重要用相等於興建中環國金二期嘅2.8萬噸鋼鐵以確保負重；由於工程唔可以影響會展日常運作，所以要整條臨時天橋連接一期同二期。
新翼展覽廳1A-1E被擴建後係會展入面最大嘅展館，佔地19,890平方米。新翼嘅展覽廳二、舊翼展覽廳五同中庭擴建嘅部份合併為展覽廳3，展覽廳3B-3E佔地14,982平方米，展覽廳3F-3G佔地8,917平方米。新翼嘅展覽廳三、舊翼展覽廳七同中庭擴建部份合併為展覽廳5，展覽廳5BC、5D、5E、5F-5G全部佔地23,582平方米。由2008年8月6號至2008年9月14號連接新翼舊翼嘅室內行人通道因擴建工程關係暫停開放。擴建工程現已完成，並已於2009年4月10號啟用。
各展覽廳重新命名如下：
| 舊名 | 新名 |
|---|---|
| 展覽廳 1A | 展覽廳 1A |
| 展覽廳 1B | 展覽廳 1B |
| 展覽廳 1C | 展覽廳 1C |
| 展覽廳 1（新擴建部份） | 展覽廳 1D |
| 展覽廳 1（新擴建部份） | 展覽廳 1E |
| 展覽廳 2A | 展覽廳 3B |
| 展覽廳 2B | 展覽廳 3C |
| 展覽廳 2（新擴建部份） | 展覽廳 3D |
| 展覽廳 2（新擴建部份） | 展覽廳 3E |
| 展覽廳 5B | 展覽廳 3F |
| 展覽廳 5A | 展覽廳 3G |
| 展覽廳 3 | 展覽廳 5BC |
| 展覽廳 3（新擴建部份） | 展覽廳 5D |
| 展覽廳 3（新擴建部份） | 展覽廳 5E |
| 展覽廳 7B | 展覽廳 5F |
| 展覽廳 7A | 展覽廳 5G |
| 會議室 201-212 | 會議室 N101-112 |
| 會議室 301-312 | 會議室 N201-212 |
| 會議室 401-410 | 會議室 S221-230 |
| 會議室 601-610 | 會議室 S421-430 |
設施
編輯香港會議展覽中心主要嘅設施包括有：
