港島綫
港島綫（粵拼：gong2 dou2 sin3；英文：Island Line）係港鐵營運嘅路線之一，服務香港島北岸，由中西區嘅堅尼地城開始，去到東區嘅柴灣為止。呢條綫喺1985年5月31號分段通車，到1986年5月23號全線正式通車，至於其後規劃嘅港島綫西延（堅尼地城-柴灣）亦都終於喺2015年3月29號完全通車。截至2015年3月，本線有17個車站（同觀塘綫一樣係最多車站嘅港鐵綫），當中4個係轉車站（中環站（可以行去香港站轉東涌綫同機場快綫）、金鐘站、北角站同鰂魚涌站），杏花邨站同埋柴灣站兩個車站分別係地面同架空車站，其餘係地底車站。港島綫列車一列8卡，喺路線圖中以藍色代表。
| ||||||||||||||||||||||||
 ↓路線圖 ↑港島綫金鐘站2號月台 | ||||||||||||||||||||||||
 | ||||||||||||||||||||||||
| ||||||||||||||||||||||||
|
| ||||||||||||||||||||||||
路線圖
編輯
- 更新：西營盤站已經喺2015年3月29號啟用
歷史
編輯1980年12月23號，當時香港政府正式批准用 95 億港紙，動工起地鐵港島綫，亦否決將電車延長去柴灣嘅計劃。1983年底起好基本隧道結構，工程正式進入高潮。去到1985年5月31號，金鐘站至柴灣站一段正式投入服務，而金鐘站就做咗港島綫同埋荃灣綫嘅轉車站。之後，列車加到八卡。最後喺1986年5月23號，港島綫列車服務正式伸延到中環同埋上環，以上環站做總站，加咗中環站做港島綫同荃灣綫嘅轉車站。
港島綫通車初期，由於車隊唔夠，地鐵曾經一度設金鐘站（金鐘側線）來往太古站（太古側線）嘅短程特別班次，由1985年10月1號開始，所有港島綫列車都來往柴灣。
跟著觀塘綫嘅服務喺1989年10月1號伸延到香港島，鰂魚涌站成為港島綫同觀塘綫嘅轉車站。為咗進一步紓緩鰂魚涌站轉車嘅擠迫情況，政府提出「紓緩鰂魚涌站乘客擠塞工程」，決定擴建北角站，令佢成為當時第二個接駁觀塘綫嘅港島綫車站。工程喺1998年7月正式動工。新起嘅北角轉車月台喺2001年9月27號正式啟用，証實跨月台轉乘設計非常有效，本身喺鰂魚涌站轉車需要4分鐘，而喺北角站大幅縮短到唔使1分鐘。
1998年東涌綫同埋機場快綫正式通車，香港島嘅總站係香港站。地鐵將香港站同中環站用幾條行人自動運輸系統連埋，方便兩條綫嘅乘客轉乘港島綫。隨住將軍澳綫通車，北角站同鰂魚涌站喺2002年8月4號改做同將軍澳綫嘅轉車站。
2005年6月30號，政府批准地鐵起港島綫西延，由港島綫上環站向西延伸，經西營盤、香港大學兩個車站，去到堅尼地城總站。港島綫西延喺2009年開始起，2014年12月28號通車，而西營盤站就因為出口未整好延遲到2015年3月29號先啟用。
未來發展
編輯- 北港島綫
若果北港島綫用「換綫」方案落實興建嘅話，將來嘅港島綫將會一分為二，分別撥歸將軍澳綫同東涌綫。前者嘅終點站將會設喺堅尼地城站，而後者則到柴灣站為止，但由於需求仍難以興建，因此有關計劃須擱置。
但根據報章喺2008年5月報道，北港島綫將唔會瓜分港島綫路段，屆時將軍澳綫延線落成後，港島綫將會「一軌兩用」，由堅尼地城站嘅列車會開往寶琳站、康城站或柴灣站，當中天后站可以轉北港島綫（東涌綫延線）。而根據中西區區議員阮品強、何俊麒同埋甘乃威指出，港鐵將會響銅鑼灣站（時代廣場）A出口進行擴建工程連接跑馬地，以取代興建跑馬地站。
另外，北港島綫仲有一個方案（「交匯」），就係東延東涌綫、西延將軍澳綫去添馬站交匯，將軍澳綫加設銅鑼灣北、會展兩個站，最終喺2013年港鐵揀咗交匯方案。
用車
編輯全線採用英國製造嘅都城嘉慕電動列車（M-Train），總共有35列，由8個車廂組成；通車到而家一直採用，並喺1998年至到2001年之間全面翻新。由於車隊中都城嘉慕第2b代列車嘅控流系統同其他英製列車唔同，為咗方便管理同維修，呢啲列車由1985年投入服務到而家都只喺港島線行走。
| 下行（往堅尼地城） | 都城嘉慕電動列車車廂編組 | （往柴灣）上行 |
| AXXX（單數號碼） - CXXX（單數號碼） - DXXX - B4XX - C4XX - DXXX - CXXX（雙數號碼） - AXXX（雙數號碼） | ||
- 都城嘉慕電動列車車廂編組註解：
- AXXX - 有駕駛室負責操控的動力車廂
- BXXX - 動力車廂
- CXXX - 附集電弓的電力車廂
- DXXX - 拖卡
車站一覽‧接駁路線
編輯| 車站套色同埋名稱 | 喺邊區 | 車站接駁 | 啟用日期 |
|---|---|---|---|
| 港島綫 | |||
| 柴灣 | 東區 | 1985年5月31號 | |
| 杏花邨 | |||
| 筲箕灣 | |||
| 西灣河 | |||
| 太古 | |||
| 鰂魚涌 | 將軍澳綫 | ||
| 北角 | |||
| 炮台山 | |||
| 天后 | 灣仔區 | ||
| 銅鑼灣 | |||
| 灣仔 | [EXC] | ||
| 金鐘 | 中西區 | 荃灣綫、南港島綫、東鐵綫 | |
| 中環 | 荃灣綫 可以經香港站轉東涌綫或者機場快綫 |
1986年5月23號 | |
| 上環 | |||
| 西營盤 | 2015年3月29號 | ||
| 香港大學 | 南港島綫西段[SIL] | 2014年12月28號 | |
| 堅尼地城 | |||
| 附註 | |||
| EXC 灣仔站並唔係接駁東鐵綫嘅車站，但可以經柯布連道行人天橋行大約10分鐘去會展站，或者喺金鐘站轉車，灣仔站乘客行去會展站轉東鐵綫，會當兩程車計算。
SIL 根據港鐵公司提出嘅南港島綫方案，會起南港島綫東段同南港島綫西段，為港島南區提供鐵路服務。南港島綫東段已經喺2016年12月通車，而西段就未確定幾時通車。 | |||
出面網頁
編輯
| 港島綫 | ||
| 堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 | ||