灣仔發電廠

灣仔發電廠係香港舊時一座發電廠，係香港頭一間電廠，喺而家香港島灣仔永豐街一帶。發電廠喺1889年起好，同喺1890年12月1號下晝6點開始供電。發電廠用蒸汽發電機組，總發電量大約係100千瓦。後嚟發電廠改用柴油發電機組，總發電量逐步提升到2,500千瓦。

隨住1910年起，供電範圍由中環伸展到西環同山頂，香港電燈發現灣仔發電廠逐漸唔夠用，就喺1913年選址北角起北角發電廠，同喺1919年夏季正式取代灣仔發電廠。

灣仔發電廠附近嘅街道，取咗《三字經》中嘅「三光者，日月星」嚟命名，比喻電力帶嚟光明。呢啲街道包括日街、月街、星街、光明街同電氣街。