炸兩

炸兩（粵拼：zaa3 loeng2，可以寫做炸両），又叫炸腸，係一種廣東嘅特色小食，喺香港流行。將腸粉同油炸鬼兩種嘢食夾埋而變成。用腸粉包住油炸鬼，而用嘅腸粉係齋腸，然後切成一段段，淋上豉油，有人鍾意糝sam2芝麻來食，食嗰時可以淋甜豉油，亦有啲人會點甜醬、芝麻醬食。香港人通常喺食粥時配炸兩，所以炸兩主要喺粥舖或大排檔有得賣，而家擴展到有啲酒樓當點心賣。

炸兩

炸兩橫切面

酒樓賣嘅炸兩

出處

1938年，日軍攻陷廣州。1940年之後，喺廣州泮塘鄉有間細茶居叫做「嚼荷仙館」，點心師傅為咗應付當時物資短缺，諗住畀食客用最少錢就同時食到腸粉同油炸鬼兩樣嘢，噉就創咗炸兩。將新鮮炸脆嘅油炸鬼，用熱辣辣嘅腸粉包住，整成內脆外滑嘅美味小食，（如果用咗凍冰冰嘅腸粉來包住無火氣淋蓆蓆嘅油炸鬼，就係完全兩回事。）推出之後好受歡迎，後來傳到去香港。