煮飯仔，台灣叫扮家家酒，中國大陸叫過家家，係一種細路玩嘅角色扮演遊戲，即係指幾個朋友仔分別扮演一個屋企嘅成員，好似「阿爸」、「阿媽」、「阿仔」、「阿女」、「寵物」等等，做日常家庭活動，好似煮飯、湊細路、結婚等。玩煮飯仔又可以稱為扮煮飯仔。
玩煮飯仔
煮飯仔可能會用到簡單嘅道具，但係唔一定要用到。唔同嘅地方扮演嘅內容都有啲唔同，有啲玩法除咗模仿屋企成員外，重會加其他角色，通常係照顧者或者被照顧者，例如係醫生、護士、老師、學生等。有啲玩法會進行一個虛構嘅故事。
根據性別刻板印象，煮飯仔被認為係屬於女仔先玩嘅遊戲。
煮飯仔嘅規則係動態嘅，遊戲會因扮演嘅角色唔同而有唔同嘅玩法。一般嘅順序係：
- 分配角色
- 佈置場地
- 開始角色扮演
- 趣味：對話、想像同創造嘅過程中可以帶俾細路趣味。
- 滿足感：模仿大人、扮演照顧者帶俾細路滿足感。
- 新鮮感：對細路嚟講，現實世界通常好少有扮演照顧者嘅機會，而煮飯仔就難得可以噉做，細路會覺好新鮮。
- 教育意義：煮飯仔係一種同細路智力同埋認同發展相關嘅模仿行為。一般認為煮飯仔能夠滿足幼兒模彷大人嘅需求，發揮想像力同埋創造力，重會練習人際互動。
