燈籠洲
想搵荃灣嘅燈籠洲嘅話，請睇燈籠洲 (荃灣)。燈籠洲（Tang Lung Chau），亦叫奇力島（Kellett Island），又寫吉列島、加列島，係香港一島，喺東角對出，現已同香港填地相連，歸入東區，西面就係灣仔區，響銅鑼灣北便海面。
香港官方地圖入便，燈籠洲英文叫Kellett Island，得自英國水師量地官Kellett。
香港開埠之後，燈籠洲成為英軍軍火庫。一九五五年銅鑼灣避風塘嗰陣，已經有海堤由波斯富街駁去島度。一九六三年，燈籠洲對岸香港島，起咗燈籠洲街市，喺渣甸坊度。由於後尾填地起咗好多樓，街市同島亦不復相望。
一九六九年，因為起香港海底隧道港島入口填海工程，燈籠洲沒入香港島。而家起咗香港遊艇會、香港警官俱樂部同理香港海底隧道港島入口。
一九九一年，香港遊艇會改建，地底發現個陶罐，裝咗二千幾個隋、唐同埋宋代錢幣，顯示過千年前，就有商船漁戶，停居島上，而家島冇人住。