銅鑼灣避風塘（Causeway Bay Typhoon Shelter）喺香港銅鑼灣，係維多利亞港其中一個主要嘅避風塘。避風塘佔地10.6公頃，作業船隻嘅泊位佔3.2公頃，遊樂船隻嘅泊位佔7.4公頃。
1883年，香港政府喺銅鑼灣填海，由銅鑼灣道填到高士威道。高士威道對出嘅海灣，修建成為香港第一個避風塘。1950年，個避風塘填平，原址起維多利亞公園，舊堤變成而家嘅維園道，而避風塘就搬到維園道對出。
