牛丸

  想搵綽號「牛丸」嘅足球教練嘅話，請睇陳婉婷 (足球教練)。

牛丸係中國潮州嘅特色小食，牛肉整成肉丸。香港早年就有唔少潮州或汕頭人移民過來，故此牛丸亦落地生根，流行香港。

牛丸近攝

香港街頭售賣牛丸嘅小食店

史

牛丸源自客家菜。早年賣牛丸嘅小販，多數係客家人。小販行過汕頭街頭巷尾，擔住牛丸，一路挑，一路賣。晚黑，韓江一帶，韓堤路八角亭到公園後面，成日有艇穿梭，船頭掛盞燈仔，為泊嗰處嘅客家貨船賣宵夜，賣牛丸湯。二十世紀四十年代，新興街一帶飲食攤檔好多，羅錦章造牛丸最出名，有特色。以後又有外馬路大香山牛丸同鎮邦街牛丸，檔檔嘢食都賣。改革開放以後，牛丸成為潮汕美食美名遠揚，壟美齋牛丸，用料上等，口味正宗，最爲出名。

香港

潮州嘅手打牛丸非常出名。之不過香港出嘅牛丸，無潮州牛丸咁咬口。牛丸同牛筋丸等肉丸，多為香港冬季打甂爐常用佐料。亦用來送湯麵同河粉、米粉，如魚蛋牛丸麵、牛丸米等。

一九九九年，消費者委員會測試香港賣嘅牛丸樣本卅五種，有個樣本，有水楊酸，另一樣本，含過量苯甲酸，唔合法例，其餘均測試及格。

周星馳導演《食神》入面，就以「爆漿攋尿牛丸」為內容之一。

睇埋

• 魚蛋
• 墨魚丸
• 貢丸
• 香港街頭小食