呢篇文講嘅唔係魚膥魚蛋仔

魚蛋(粵語:jyu4 daan2)係廣泛分佈喺中國南部、香港澳門,同東南亞嘅小食,喺香港特別常見。佢係用魚肉同埋澱粉,撈埋調味料整成。佢多數都係圓碌碌形狀,但係亦都有第二啲樣,好似正立方體咁。香港嘅食肆通常寫佢做魚蛋普通話就通常叫佢做魚旦

香港地道魚蛋

魚蛋喺斯堪的納維亞都可以揾到。

製作方法 編輯

東方嘅魚蛋製法係將先將魚切絲或壓平。然後再將魚肉一面加鹽一面撈均,直至質地軟滑為止。呢個技巧類似蟹柳嘅製作過程,都係靠咁嚟將魚肉入面本來紏纏一齊嘅蛋白質拉開,令肉質變得有彈性。

斯堪的納維亞嘅魚蛋係用完全壓成肉泥嘅魚,牛奶同薯仔粉混合,再揉成球形整出嚟嘅。用呢個方法整嘅魚蛋質地比較柔軟。

世界各地嘅魚蛋 編輯

中國福州 編輯

福州嘅魚蛋係魚肉同免治豬肉混合整成。

香港 編輯

香港嘅魚蛋始於1950年代嘅流動小販。呢種魚蛋用油過,外層金黃色,用好平嘅鯊魚肉製作,爽口彈牙。通常用竹籤串起幾粒賣、亦有啲係用紙杯裝住。小食檔每串 / 每杯有幾粒就唔定,價錢視乎食檔喺邊度(大約 4 至 10 一串 / 杯)。有啲小食檔專賣魚蛋,就好似西方嘅熱狗攤。食嗰時通常會落辣椒醬咖喱醬甜醬。一般嘅魚蛋檔有味同原味兩款魚蛋畀人揀,辣味魚蛋通常浸喺咖喱汁(叫咖喱魚蛋)或者沙爹汁,而原味嘅魚蛋就會浸喺清湯整熱。

統計 編輯

2002年嗰陣有人統計過,香港人每日食 55 噸(即係大約 375 萬粒)魚蛋,即係每年大約 13 億粒,又即係每人每年平均食 196 粒魚蛋[1]

台灣 編輯

台灣嘅魚蛋主要用虱目魚肉整成。虱目魚嘅肉令台灣魚蛋有獨特嘅質感同味道。呢個亦都係虱目魚嘅主要食法。

印尼 編輯

印尼,魚蛋叫「bakso ikan」(印尼文,意思係「魚肉丸」)。印尼嘅「bakso」(肉丸)多數用牛肉整,但間中會有用魚肉整嘅。印尼人偏好將呢啲魚肉丸同豆腐,魚肉烏打同湯一齊上。

菲律賓 編輯

魚肉丸喺菲律賓係幾受歡迎嘅地道小食。菲律賓最常見嘅魚蛋叫做「bola-bola」(菲律賓文,意思係「球球」),形狀有啲扁扁地,多數用墨魚或者鱈魚整成,再配甜辣醬或者甜酸醬。

泰國 編輯

泰國美食入面通常將魚肉丸炸或者燒。有時會加泰式咖哩。泰式魚肉丸主要用七星飛刀整。

斯堪的納維亞 編輯

瑞典嘅「Fiskbullar」同挪威嘅「Fiskeboller」通常係罐裝賣。瑞典人鍾意將魚肉丸同薯蓉或者一齊上,再配魚子醬或者其他海鮮醬汁。而挪威人就鍾意將佢哋嘅魚肉丸同薯仔加白汁一齊上,或者加咖哩或蘿蔔條。

睇埋 編輯

編輯

  1. 蘋果日報》,2002年8月8號