理察·史特勞斯

 理察·基鄂·史特勞斯粵拼lei5 caat3 gei1 ngok6 si2 dak6 lou4 si1德文Richard Georg Strauss國際音標[rɪːxart ɡeːoːrk ʃtraʊs]1864年6月11號1949年9月8號;內地譯理查德·施特勞斯,臺灣譯理查·史特勞斯),係德國浪漫末期到現代初期嘅作曲家、指揮家。佢擅長交響詩中文交響詩歌劇藝術歌曲。雖然佢姓史特勞斯,不過佢同嗰個出名嘅維也納音樂世家無乜關係,所以一般嗌佢做理察·史特勞斯來同呢個世家區分。

理察·史特勞斯
Postcard-1910 Strauss Richard.jpg
姓名原文Richard Strauss
出生日1864年6月11號 喺Wikidata改呢個
出生地慕尼黑 喺Wikidata改呢個
本名Richard Croix Strauss
死亡日1949年9月8號 喺Wikidata改呢個 (85歲)
死亡地Garmisch-Partenkirchen 喺Wikidata改呢個
國籍德國 喺Wikidata改呢個
識嘅語言德文 喺Wikidata改呢個
信奉Christian atheism 喺Wikidata改呢個
職業作曲家指揮家、librettist、音樂人 喺Wikidata改呢個
風格歌劇交響曲古典樂 喺Wikidata改呢個
名作Also sprach Zarathustra、Salome、Der Rosenkavalier、Ariadne auf Naxos、Elektra 喺Wikidata改呢個
配偶Pauline de Ahna 喺Wikidata改呢個
阿爸Franz Strauss 喺Wikidata改呢個
阿媽Josephine Strauss 喺Wikidata改呢個
Strauss3.jpg

早年

理察·史特勞斯出生喺慕尼黑,佢屋企就有藝術氛圍,佢老豆喺慕尼黑戲院度吹圓號嘅。所以佢自細就從佢老豆度學音樂,喺六歲時就開始作曲。

喺佢後生時,史特勞斯一直有機會參與到慕尼黑戲院嘅樂團綵排,佢重同呢度嘅樂團副指揮學到咗樂理、和音。

1882年,佢入咗慕尼黑大學讀哲學專業同藝術史。不過讀咗一年後,史特勞斯退咗學,去咗柏林學音樂,之後成爲咗彪羅嘅樂團助理,之後1885年,因爲彪羅辭職,佢做咗樂團指揮。呢段時期佢嘅作品相當保守,明顯受舒曼孟德爾遜嘅風格影響,而呢兩位作曲家都係佢老豆成日敎畀佢嘅典範。呢個時期嘅史特勞斯嘅典型作品係《圓號協奏曲1號》(作於1882年─1883年),直到今日,呢支作品都時不時攞來上演。

1894年,理察·史特勞斯同女高音亞娜結婚,日後佢老婆成爲佢作曲靈感。喺佢接落嘅成世人當中,佢嘅大部份作品都係爲女高音而作,而佢幾乎所有嘅歌劇作品都係圍住女高音凼凼轉。

交響詩

史特勞斯嘅風格係自佢遇着亞歷山大·歇他英文Alexander Ritter之後先開始變,呢個人同樣都係作曲家,同時亦係當時有名嘅小提琴家。就係歇他佢勸史特勞斯離棄保守風格,令史特勞斯開始寫交響詩。同時佢亦推薦史特勞斯去睇華格納嘅樂論、同埋叔本華嘅著作。後來史特勞斯指揮過歇他嘅一部歌劇,而歇他亦爲史特勞斯嘅交響詩《死與變容英文Death and Transfiguration》寫過首詩。

喺歇他嘅影響之下,史特勞斯嘅作品出現新風。1889年佢嘅交響詩《唐璜》首演,啲反響半讚半彈。之後史特勞斯又寫咗一系列嘅交響詩,包括《意大利之旅英文Aus Italien》(1886年)、《死與變容中文死與變容》(1888年──1889年)、《Till Eulenspiegels lustige Streiche》(1895年)、《查拉圖斯特拉如是說》(1896年)。

歌劇

到19世紀末,史特勞斯開始注意到歌劇。佢嘅頭兩部作品,《Guntram》(1894年)同《Feuersnot》(1901年),畀批評界視爲失敗。不過,到1905年時佢發表《莎樂美》(出自奧斯卡·王爾德嘅劇本),輿論嘅反應亦如《唐璜》噉非議不斷。當呢部作品呈演喺紐約大都會歌劇院時,只演咗第一晚,淨低嘅都取消曬。

史特勞斯之後嘅歌劇作品係《伊歷他》(Elektra),呢個係佢同詩人胡戈·馮·賀夫曼斯泰德文Hugo von Hofmannsthal合作嘅第一部作品。兩個人喺之後無數作品合作多次。之後啲作品如《玫瑰騎士德文Der Rosenkavalier》(1910年)亦攞到喺輿論嘅大成功。史特勞斯繼續創作歌劇直到1940年。啲作品包括有《納梭斯島嘅亞里戛拿》(1912年)、《冇影嘅女人德文Die Frau ohne Schatten》(1918年)、《埃及嘅海倫娜德文Die ägyptische Helena》(1927年)、《亞夏比拉德文Arabella (Strauss)》(1932年),呢啲都係同賀夫曼斯泰合作嘅;《間奏曲德文Intermezzo (Strauss)》(1923年),呢部作品由史特勞斯自己寫劇本;《安靜嘅女人》(1934年)由茨威格寫劇本;《和平日》(1936年)、《達芙妮》(1937年),由約瑟夫·格里戈德文Joseph Gregor同茨威格寫劇本;《達娜嘅愛德文Die Liebe der Danae》(1940年)由格里戈寫劇本;《隨想曲意大利文Capriccio (Strauss)》(1941年)由吉里文斯·吉孝斯寫劇本。

出面網頁