寧波
29°52′39″N 121°32′49″E / 29.87750°N 121.54694°E
| 寧波 | |
|---|---|
| 宁波市 | |
 | |
| ---- | |
| 花名：簡稱：甬、寧[1]；遞啲名：甬城；舊名：鄞、句章、明州、慶元 | |
 寧波位置圖 | |
| 經緯度 | |
| 國 |  中華人民共和國 |
| 省 | 浙江 |
| 地級政區 | 副省級市 |
| 建城時間 | 738年設明州、1927年設寧波市 |
| 市長 | 盧子躍（代理） |
| 市委書記 | 劉奇 |
| 地理 | |
| 總面積 | 19574 km² |
| 水域面積 | 9758 km² |
| 人口 | |
| 總人口(2012) | 763.9萬人[2] |
| 市區 | 349.16萬人 |
| 人口密度 | 778人人/km² |
| 時間 | |
| 時區 | 中國時區（UTC+8） |
| ---- | |
市花：茶花 | |
| 網站： 寧波市政府 | |
寧波（粵拼：ning4 bo1；英文：Ningpo；普通話拼音：
Níngbō (幫手·有關)；寧波話： Nyinpou (幫手·有關)），又叫甬（讀湧，jung2），係中國一城，亦係一埠，喺浙江省東北岸，地處杭州灣南，東面對住東海，西有紹興，南有台州，同舟山隔住個海。行政上係副省級城市，叫寧波市。
「寧波」嘅意思係「海定則波寧」，因為寧波係中國重要埠頭，江南經濟發達、物阜民豐，對外貿易上寧波係個重要口岸，所以起個名求「海不揚波」。作為良港，佢有曲折而長嘅岸綫（1562公里長），經濟上2012年GDP 6524.70億人民幣[3]，人均GDP 8萬5475人民幣。寧波嘅民族有漢族、土家族、苗族、壯族。寧波轄11個縣級政區，148個鄉級政區。電話區號+86 (0)574，車牌浙B。
個名
編輯簡稱
編輯寧波簡稱「甬」，源自周代。「甬」係象形字，似古代嘅大鐘。奉化、鄞縣兩地嘅山似鐘，所以古代稱為甬山[4]，呢道條河就叫甬江，當地就叫做「甬」。
市名
編輯- 夏朝時呢道就叫做「鄞」（讀銀，粵音：ngan4）[5]，至今呢道有鄞州區。
- 前473年，句踐喺句余築城，改叫「句章」，喺寧波境內第一個城邑。
- 前222年（秦始皇二十五年）設會稽郡，寧波分屬鄞、鄮、句章三縣。
- 621年（唐武德四年），呢三縣設爲鄞州，625年（唐武德八年），併入越州。738年（唐開元二十五年），越州分出明州，742年（唐天寶元年）明州降爲餘姚郡，屬越州，758年（唐乾元元年），恢復爲明州。
- 1195年（宋紹熙五年），宋寧宗賜明州年號慶元，升爲慶元府。
- 1276年（元至元十三年），改府爲慶元宣尉司，遞年改為慶元路總管府。1376年（元至正二十七年），慶元路改為明州府。
- 1381年（明洪武十四年），因為明州同大明重名，而明州下轄定海縣（家下鎮海區），話「海定波寧」，於是改名爲寧波。
史
編輯7000年前呢道就有人種水稻，稱為河姆渡文化；春秋時代係越國之地。戰國時代屬楚，前222年秦國統一中國，設會稽郡。之後就係唐開元嘅明州、南宋嘅慶元府、元代嘅慶元路。蒙古軍曾經兩次從寧波出港，想征服日本。到明朝時改名爲寧波至今。
寧波歷來係個重要大埠，匯聚咗東亞、東南亞嘅商船，宋代時呢度設市舶司，管海貿邦交，講明寧波發展成國際都會，有外國僑民商人旅居。1523年寧波之亂，演變成嚴重外交事件，結果廢咗浙江、福建嘅市舶司，留番廣東一處，禁止日本商船入港，中日貿易斷咗，於是日後倭寇橫行。1842年南京條約規定五口通商，寧波係其中一個。由於寧波嘅商貿傳統，寧波人善於做生意，寧波商幫係中國一大商人群體。
