番薯糖水

番薯糖水係中國廣東嘅一種糖水，流行喺華南同香港。整法主要係由番薯、片糖或冰糖同水煮成，冬天時可以加入薑片用嚟驅寒。

番薯糖水

番薯糖水嘅特點係比較稀，但由於加入咗片糖，所以甜味好濃。番薯糖水嘅製法非常簡單，而過往番薯喺華南地區都好普遍，亦容易種，所以成為咗當地普羅大眾最普遍嘅嘢食。

過往喺華南地區嘅番薯得黃色嘅，但而家由於有喺日本入口嘅紫心番薯，加上香港人喺飲食方面鍾意搞花樣，令今日嘅番薯糖水亦變得色彩繽紛。