疫苗猶豫

疫苗猶豫jik6 miu4 jau4 ji4（英文：vaccine hesitancy）指啲人唔肯打疫苗，當中有啲人甚至仲完全抗拒一切疫苗。

一個人（右）畀醫護人員同佢打疫苗。有咩因素令佢肯企定定畀醫護人員打疫苗呢？

疫苗係一啲打落人體度，增強個人對某隻或者某啲病嘅抵抗能力嘅劑，而接種就係同啲人（或者第啲動物）打疫苗嘅過程，對防治傳染病嚟講好重要。喺接種相關工作上，醫護人員成日要面對疫苗猶豫嘅問題；醫護人員想啲人打疫苗，但又唔想夾硬迫佢哋打。

應對

睇埋：信任

有醫療研究者運用信任呢個概念：人係種有社會性嘅動物，一個人會著重佢同其他人建立嘅關係，當中信任係關係嘅一個重要元素；如果阿 A 信任阿 B，通常係因為阿 B 喺過去一路有關照阿 A 或者以第啲方法對阿 A 好，而阿 A 亦會因而更加願意接納由阿 B 提供嘅資訊（肯信嗰件資訊係真確）。於是佢哋就做出以下噉嘅思考：

• 已知一個簡單事實，就係普通市民好多時都唔信任政客，但會信任（例如）佢睇開嗰位醫生；
• 假設「肯信嗰個人講嘅資訊」同「對嗰個人嘅信任」大致成正比，
• 噉「由政客呼籲啲人接種」應該冇「醫生各自呼籲佢哋睇開嘅人接種」咁能夠說服啲人相信「隻疫苗係掂嘅」呢件資訊；
• 所以「由醫生而唔係政客呼籲人接種」應該能夠提升啲人肯接種嘅機率；

有醫療研究剖析疫苗猶豫，發覺「改變呼籲者」嘅做法的確能夠有效噉改善啲家長對疫苗嘅態度同埋有關疫苗嘅知識。

睇埋

• 輕推理論，被指可以解決疫苗猶豫嘅問題。