皇后大道

皇后大道（英文：Queen's Road）係香港香港島上面嘅一條馬路。佢係第一條起嘅馬路，不過另一條馬路荷李活道就早過佢起好。皇后大道由堅尼地城去到灣仔，因為太長，就將佢分做三段。就係皇后大道西，皇后大道中同埋皇后大道東。其中皇后大道東金鐘一截，就改咗名做金鐘道，英文名叫Queensway。

1865年嘅皇后大道

大道西路牌

名改

皇后大道雖則用皇后命名，但其實唔係指皇后，而係維多利亞女皇。呢個錯誤係因為當時翻譯師爺唔夠水準，誤認為Queen一定係皇后。

因為呢條係香港早期好重要嘅馬路，所以人哋就叫佢大馬路。當時唔少人只係簡寫做大道中，大道西同埋大道東。而大道中，亦稱中環馬路^[1]。