神召會元朗錦光堂
神召會元朗錦光堂係香港一間基督教嘅教會，總部位於元朗鳳琴街22號，由於人數規模以及經常被基督教媒體報導，所以得到一啲公眾嘅關注。
歷史同部分發展記事
編輯佢哋前身係「基督教錦田福音堂」，1958年喺錦田創立，之後喺1991年12月遷往元朗教育路興發大廈，定名為「神召會元朗錦光堂」，之後佢地逐步擴張，而依家主要嘅會址係元朗鳳琴街22號，位置前身係美都戲院。
錦光堂喺2020年獲批租用元朗南生圍前小商新村公立學校嘅用地，計劃將佢發展做綜合社區服務中心[1]。佢哋亦有一啲社區服務工作，例如推廣禁毒[2]。
組織架構
編輯錦光堂按會友嘅年齡背景劃分為六個區：長者區、成青區、職青區、大專區、學生區同埋兒童教會。
另外，佢哋自1994年開設有錦光生命書房，喺新加坡同洛杉磯亦設有分堂，錦田舊址就開設咗「基督教尼泊爾錦光堂」。
佢哋亦設有專業團契，涵蓋商人、紀律部隊、會計金融界人士、醫護人員、教育界人士、社褔界人士以及工程師。
爭議
編輯來自網絡嘅批評
編輯有部份高登同連登嘅網民批評，錦光堂喺出席人數上有追數文化，亦對信眾喺時間同金錢奉獻上有唔少要求，但對參與者嘅心靈情緒狀態並唔關心[3][4]。
信徒領袖涉非禮案，教會隱瞞事件
編輯電玩界網絡紅人甄偉業本身亦係錦光堂教友，更加係教會「力捧」嘅信徒領袖，但佢喺2019年被揭發非禮教友，喺2020年12月28號被裁定罪成。不過，錦光堂之後向會眾交代事件嘅時候隱瞞詳情，又話感恩傳媒報導無牽連教會[5]。另外，錦光堂吳儀珠牧師甚至責難轉載有關新聞嘅會眾，話佢哋「攔阻慕道者決志信主」[6]。
香港反送中運動期間被批評
編輯喺香港反送中運動期間，錦光堂唔止一名牧師對運動公開表達負面態度。
其中喺2019年7月，沙田一場反送中抗議活動發生警民衝突，有啲示威者被警察打到頭破血流，唔少影片放咗上網。不過，吳儀珠就指責轉發呢啲片段嘅教友，話呢啲轉發行為撕裂社會，甚至反過來話係示威者毆打警察，又揚言唔認同嘅教友可以離開[7]。
另外堂主任劉金勝牧師，喺2019年-2020年期間，曾經多次公開誣衊同揶揄示威者「邪靈上身」[8] [9]，就算香港警察喺反送中運動入面嘅濫權問題備受批評，佢都話香港唔存在「暴政」，仲呼籲會眾投考警隊[10]。
參考來源
編輯- ↑ 〈舊村校獲資助修復為社區中心〉。Hong Kong's Information Services Department (香港中文)。喺2023-01-27搵到。
- ↑ 〈神召會元朗錦光堂外展活動 加強青少年抗毒力〉。《國度復興報(香港)》 (臺灣中文)。2009-07-22。喺2023-02-06搵到。
- ↑ 〈前元朗神召會錦光堂 hardcore 信徒，呢間教會真係好 L 走火〉。《LIHKG 討論區》。喺2023-02-06搵到。
{{cite web}}: CS1 maint: url-status (link) - ↑ 〈[耶拎]惡數錦光堂!!〉。《香港高登討論區》 (香港中文)。喺2023-02-06搵到。
{{cite web}}: CS1 maint: url-status (link) - ↑ 門徒媒體 (2021-01-01)。〈[獨家]神召會元朗錦光堂隱瞞電玩紅人甄偉業非禮案：感恩沒有牽連教會〉。《門徒媒體》 (臺灣中文)。喺2023-01-27搵到。
- ↑ 門徒媒體 (2021-01-05)。神召會錦光堂責會眾廣傳是「攔阻/ 〈甄偉業肇事後 神召會錦光堂責會眾廣傳是「攔阻慕道者決志信主」〉。《門徒媒體》 (臺灣中文)。喺2023-01-27搵到。
- ↑ 門徒媒體 (2019-07-25)。〈[獨家]神召會錦光堂肢體臉書分享沙田衝突片段 崇拜遭公開批判〉。《門徒媒體》 (臺灣中文)。喺2023-01-27搵到。
- ↑ 門徒媒體 (2019-07-31)。〈錦光堂肢體踢爆劉金勝誣衊示威者「邪靈上身」 一國一制才能解決香港問題〉。《門徒媒體》 (臺灣中文)。喺2023-01-27搵到。
- ↑ 門徒媒體 (2020-10-24)。〈[獨家]錦光堂劉金勝牧師揶揄抗爭信徒未捉摸過主：不會有前途〉。《門徒媒體》 (臺灣中文)。喺2023-01-27搵到。
- ↑ 門徒媒體 (2019-09-08)。〈[獨家]錦光堂劉金勝聲稱香港沒有暴政：沒有人坐牢、被殺〉。《門徒媒體》 (臺灣中文)。喺2023-01-27搵到。
- ↑ 〈神召會元朗錦光堂：藍色商家（其他）｜香港編年史〉。《香港編年史》。2021-01-31。喺2023-01-27搵到。