神岡站
神岡站（粵拼：san4 gong1 zaam6；英文：Shengang Station）係廣州地鐵14號綫嘅車站，2018年12月28號開通，喺從化區太平鎮神岡嘅廣從南路段入面，佛岡村太平湖田街口（珠江國際城門口西北角，105國道嘅K2507+300標記位）。
| 神岡 Shengang | |
| File:SanGongZaam WORD.jpg | |
| 神岡站嘅站名 | |
| 概覽 | |
|---|---|
| 冧巴 | 1410 |
| 位置 | 從化區太平鎮神岡佛岡村湖田街口 105國道嘅K2507+300標記位 |
| 座標 | 23°28′39.87″N 113°30′43.61″E / 23.4777417°N 113.5121139°E |
| 車站色 | |
| 經過路線 | 14 |
| 啟站 | 2018年12月28號 |
| 月台數 | 2 |
| 站口數 | 2 |
| 營運資訊 | |
| 車站服務時間 | 05:59～23:32 |
| 列車服務時間 | 06:04～23:27 |
| 廣州地鐵14號綫 嘉禾望崗 ◄太平 （3.9km） （5.4km）赤草► 東風 | |
結構
編輯外觀
編輯同其它14號綫嘅高架站一樣，呢個站嘅外觀方面，個樣似高鐵嘅高架站多啲，其中2樓部份睇落似玻璃牆。但佢有個地方同琶洲嘅會展中心唔一樣嘅係，呢個站最頂冇大隻紅字印住個站名響度。
樓層
編輯呢個站一共有3層樓嘅地上區域，其中地上1樓係出入口，有設備房同市政設施；地上2樓係站廳，有票務設施，客務中心同商鋪；地上3樓係14號綫月台。站內既有休息室，又有廁所，更加有母嬰室。其中休息室有2個，喺14號綫月台範圍入面。而廁所同母嬰室喺站廳收費區入面近西邊牆邊範圍，其中母嬰室喺廁所嘅女廁門口隔籬。
打掂
編輯| 地上 三樓 |
||
| 2月台 | ← 14號綫列車去太平站（行嘉禾望崗嗰邊） | |
| 1月台 | 14號綫列車去赤草站（行東風嗰邊） → | |
| 地上 二樓 |
站廳 | 售票機、客服中心、商舖、警務室、安檢設施 |
| 地面 | 出入口、設備房、市政設施 | |
打橫
編輯 |
站廳
編輯鐘落潭站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。
月台
編輯呢個站有兩個側式月台，喺廣從南路佛岡村嘅珠江國際城西北角隔籬嘅105國道上空。
商舖同自助服務
編輯呢個站冇商舖，但得臺自助服務。自助服務凈得部共享雨遮響度。
|
出入口
編輯| 神岡站冚唪唥嘅出入口 | ||||
|---|---|---|---|---|
|
呢個站有2個出入口，分别係A同B。
| 冧巴 | 標記 | 方位 | 去到邊度 |
|---|---|---|---|
出入口A   |
廣從南路 | 地鐵神岡站巴士站（東北行） | |
| 出入口B |
廣從南路 | 地鐵神岡站巴士站（西南行） | |
註： 有盲人引導徑 |  有輪椅升降臺 |  有斜道 | 有專用𨋢
| |||
頭尾班車信息同配線圖
編輯| 配線圖 | |||||
|---|---|---|---|---|---|
|
█ 14號綫 | |||||
|
|||||
|
|||||
|
|||||
|
|||||
|
|||||
|
▼太平站 | |||||
.svg){kind=small}
.svg){kind=small}
| 行去邊頭 | 頭班車 | 尾班車 | |||||
|---|---|---|---|---|---|---|---|
| 每日 | |||||||
| 14號綫 | |||||||
| 嘉禾望崗站 | 06:04 | 22:48 | |||||
| 東風站 | 06:13 | 23:27 | |||||
| 注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。 | |||||||
車站歷史
編輯規劃
編輯喺2003年份地鐵規劃方案入面，嗰時嘅新華綫[註 1]由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅佛公橋一帶。但2005年，新華綫嘅西段（花都汽車城⇆高增）被列入咗9號綫一部分[註 2]，而廣從路段（太和⇆街口）直到2008年份規劃先至重新提出。
2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣，呢個站亦唔變。雖然路線提出咗快綫嘅需求，但唔經呢個站[1]。而選址方面，就揀咗喺105國道嘅K2507+300標記位（佛岡村附近嘅珠江國際城西北邊）嚟起地鐵站。
施工
編輯
- 2015年10月11號，車站正式喐手起。
- 2017年3月20號，呢個站爆出選址嘅大龍鳳，話施工設計唔符合規範[註 3]。連附近嘅中石化順祥加油站話廣州地鐵方施工嘅神岡站，畀出張施工圖紙度過下距離同比例圖，擺明就係玩嘢[2]。事件出街之後好快俾好多廣州當地媒體播報。後嚟廣州地鐵官方話根據廣州市國規委批准咗嘅施工紙，話車站嘅主體結構離嗰兩個加油站分別係36.5m到38m，加上兩個出入口離加油站最近分別淨得50.7m同102m到。正因爲呢個加油站用嘅係地下LPG儲罐，好明顯係地鐵方施工地嘅距離明顯符合住房城鄉建設部畀出嘅《汽車加油加氣設計同施工規範》（GB50156-2012）要求[2][註 4]。所以廣州市安監局話根本就唔使將車站向東或向南移[2]。加上選址亦係地鐵方根據嗰時從化市（而家嘅從化區）嘅總體發展規劃而定[2]。
- 2017年11月18號朝早，呢個站到太平及鄧村[註 5]之間嘅高架樑框架正式貫通。
- 2017年11月21號，新和⇄鄧村[註 5]之間嘅環網電纜正式鋪好。
- 2018年8月8號丑時，呢個站到赤草（計埋出入鄧村停車場嗰橛）之間嘅接觸軌順利通過咗冷滑試驗。
- 2018年8月15號，隨住呢個站到赤草（計埋出入鄧村停車場嗰橛）之間正式三權移交，路線亦開始入咗營運前調試階段。
- 2018年9月26號，呢個站正式三權移交而開始營運前調試[4]
- 2018年11月30號申時，主綫一期嘅供電系統安裝工程Ⅱ標段（馬瀝⇄東風）順利搞掂單位工程驗收。
開通
編輯2018年12月28號晏晝，由於14號綫一期主綫部份正式開通，呢個站亦正式開放。
利用狀況
編輯呢個站主要畀喺佛岡村、神岡地區住啲村民同返學啲學生、及珠江國際城、珠江壹城啲小區居民出入為主。
附近嘅建築同景區
編輯
住宅小區
編輯- 珠江國際城
- 珠江壹城
村落
編輯- 佛岡村
- 神岡村
學校
編輯醫院
編輯- 神岡衛生院
註同攷
編輯
- 註
- ↑ 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。
- ↑ 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。
- ↑ 嗰時嘅質疑係話地鐵站揀咗喺離加油站好近嘅地方嚟施工，有市民擔心話一旦開工後到營運期間會搞出後果不堪設想嘅威脅。
- ↑ 根據中華人民共和國住房城鄉建設部畀出《汽車加油加氣設計同施工規範》（GB50156-2012）要求，喺加油站周邊起鐵路設施時，若果係地上LPG儲罐，至少要喺方圓45m以外嘅地方整；而地下LPG儲罐，至少要喺方圓22m以外嘅地方整[3]。
- ↑ 5.0 5.1 呢度講嘅「鄧村」係而家嘅赤草站。
- 攷
- ↑ 〈广州地铁14号线一期及知识城支线获批 站点公布〉。原著喺2016年3月5號歸檔。喺2019年1月30號搵到。
- ↑ 2.0 2.1 2.2 2.3 〈广州地铁14号线神岗站安全距离遭质疑 建议另行选址重建〉。金羊网。2017-03-20。原著喺2019-06-09歸檔。喺2019-10-14搵到。
- ↑ 中华人民共和国国家标准－汽车加油加气站设计与施工规范（GB50156-2012）
- ↑ 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-01-30搵到。
上一站·下一站
編輯| 上一站⇚⇚ 廣州地鐵 ⇛⇛下一站 | ||
| 太平站 嘉禾望崗站← |
神岡站 14號綫（主綫慢車） |
赤草站 →東風站 |