廣州地鐵14號綫

廣州地鐵14號綫，第個名係從化綫（主綫）同知識城綫（支綫），係廣州地鐵第11條通車嘅綫路，綫路代表色係■栗色。不過路線分咗兩期嚟起：

• 首通段：連接白雲區嘅新和同黃埔區嘅鎮龍。
• 一期工程：連接白雲區嘅嘉禾望崗同從化區嘅東風。
• 二期工程：連接白雲區嘅嘉禾望崗同越秀區嘅廣州火車站。

廣州地鐵14號綫
概覽
營運地區	中國廣東廣州
服務類	城市軌道交通
線路類	市域快綫
線路長	54.1km+21.9km
- 總長	90.2km+21.9km
車站總數	13+9
軌道標準	1435mm
列車偏組	6卡編組B型列車
營運資訊
營運時期	2017年12月28號～而家
營運單位	廣州地鐵集團有限公司

佢亦係廣州地鐵入邊第一批整快慢綫嘅路綫之一。

歷史

規劃

喺1987年提出嘅「十字綫網」規劃入邊，嗰時嘅2號綫北段由三元里開始，跟住機場路北上，去到江夏為止，中間整4個站。呢個就係依家14號綫二期嘅部分路段。踏入2000年代，由於舊白雲機場搬到花都，為咗喺機場原地發展白雲新城，2號綫北延段綫位由機場路改到去咗跑道中軸綫嗰邊，令成條機場路冇地鐵經過。

另一方面，2003年嘅規劃方案入邊，嗰時嘅新華綫（曾經用過「9號綫」同「14號綫」嘅名）由花都汽車城出發，先經過人和同太和，再跟住廣從公路去到從化街口，全長60km。後嚟呢條綫嘅新華到人和段納入咗2010年實施方案，演變成依家嘅9號綫；而廣從路段被取消咗。

到咗2008年，新版嘅遠期規劃入邊提出咗新嘅14號綫。綫路行返舊9號綫嘅廣從路綫位同舊2號綫嘅機場路綫位，喺太和之後繼續南下，經過嘉禾同新市，到達廣州火車站。後嚟為咗方便實施，綫路分成咗一二期，以嘉禾望崗為界。

一期同支綫

2010年，爲咗落實廣州市嘅「北優」發展戰略、重有支持從化同埋知識城嘅地區發展，《廣州市軌道交通2011～2015年建設方案同埋2020年規劃方案公示》提出興建14號綫一期同支綫。當時嘅知識城支綫淨係由新和去到知識城南，半佬搞3個車站，後嚟先至延長去到鎮龍同21號綫換乘。

2012年1月9號，廣州兩會報告入面提到，14號綫一期工程由2、3號綫嘅轉車站——嘉禾望崗站開始，一直去到從化街口附近，全長54.1公里。佢嘅功能定位係通過縮短交通時間，加強市區同從化嘅經濟聯繫，解決從化啲人去廣州中心入邊嘅交通需求，照顧白雲區同從化區嘅發展。

2012年8月13號，中華人民共和國環保部開始發佈咗第二次環評，基本確定咗一期同支綫嘅走向同車站位。

嗰時，主綫有13座車站，其中地底站6座，高架站有7座；而支綫就喺原嚟嘅基礎上延長到鎮龍，凈係規劃咗7個站。到咗2013年4月13號，當日公開嘅支綫施工監理招標文件提到，支綫喺原嚟嘅7個站基礎上，喺馬頭莊站（而家係新南站）同埋知識城站之間加咗楓下站；喺知識城南站同埋康大站之間加咗個旺村站，一共係9個車站。晏啲時候，4月27號公開嘅主綫施工監理招標亦提到，原計劃高架嘅太和站改成咗地底站；停車場都改咗去石湖，喺石湖站同太和站嗰邊接軌。

原先14號綫一期主綫同埋支綫計劃喺2011年喐手、2015年通車。但係開工時間唔停噉推遲。雖然2012年份環評報告話要爭取喺年內開工，但根據發改委嘅批復，主綫計劃喺2013～2017年期間起，而支綫開工時間改成睇周邊開發程度而定。

2014年3月4號，廣東省發改委批准咗14號綫一期同埋知識城支綫嘅工程可行性研究報告，可以正式動工。

二期

2015年嘅廣州地鐵新一輪建設規劃（後嚟改成廣州地鐵第三輪建設規劃（2017～2023））入邊提到，14號綫二期綫路由嘉禾望崗出發，跟住行106國道，廣花公路同機場路一直向南行，最後去到廣州火車站同2、5、11呢三條綫轉乘。路線原先凈整咗鶴南、黃石路、崗貝同廣州火車站四個站，不過2017年4月2號又修改咗次規劃，除咗崗貝站冇變到之外，第啲車站都變咗：鶴南站向北移動，喺原位偏南位置加咗創意園站；黃石路站向南移兼改名做新市墟站，喺原位偏北位置加咗馬務站；重喺崗貝到火車站之間加咗樂嘉路站，原定轉12號綫嘅車站受到棠溪火車站改址到北站倉位嘅關係而從崗貝站改到去新市墟站。

2017年初，廣州將14號綫二期同淨低9條綫路打包成為第三期建設規劃，上報畀國家發改委。到咗3月20號，廣州地鐵第三期建設規劃獲得國家發改委批復，14號綫二期喺埋入邊。3月23號，14號綫二期進行咗第一次環評公示。

2017年5月初，有市人大代表提議喺鶴南站同嘉禾望崗站之間加彭邊站入嚟，後嚟俾市發改委通過咗。同年8月21號，14號綫二期進行第二次環評公示，入面正式加入咗彭邊站。

2017年10月27號，地鐵方發佈嘅招標公告入面話到南延段嘅轉車站方面，確定會停廣州火車站同埋新市墟站。重喺同年11月13號，確定咗南延段最後嘅路線，其中半佬一定會停彭邊站。

2017年12月12號，廣州市發展和改革委員會正式公佈佢嘅工程可行性研究報告。

2018年7月25號，原先規劃嘅馬務站亦改成轉車站，方便同啱提出嘅29號綫轉乘。

2018年10月31號，廣州市環保局發佈咗佢嘅二次環評公示。

三期

原先2013年定嘅地鐵規劃方案入面，14號綫遠期規劃去到從化街口之後繼續行，經過温泉同碧水灣，最後到良口墟為止。不過喺2017年7月31號，廣州地鐵設計研究院同新豐政府方傾咗交通對接問題，爭取路線喺良口鎮嘅基礎上繼續向東北延長到韶關新豐入面重達成共識。

施工

一期同支綫

2016年2月10號，新和站已經有些少開始施工跡象。

2016年12月14號，主綫嘅太平站凈起咗條樁基，未鋪橋面。

2017年2月15號，竹料站重喺度起緊。

2017年3月14號，鐘落潭站喺度起緊。

2017年4月29號，鄧村停車場已經成型。

2017年5月25號，街口站重喺度起緊。

2017年9月6號，馬頭莊站（而家嘅新南站）連同高鐵站一齊喺度起緊。

2017年11月26號，新和站附近已經有列車開始搞緊營運前調試。但嗰時用緊嘅係21號綫啲車。

• 2014年3月4號，廣東省發改委批准咗14號綫一期同埋知識城支綫嘅工程可行性研究報告，可以正式動工。
• 2014年3月17號，知識城支綫嘅第一部盾構機喺知識城站到知識城南站嘅區間開始發動。
• 2014年6月16號08:18（UTC+8），主綫嘅鄧村⇄江埔區間正式開挖。
• 2015年8月底，主綫嘅土建工程搞掂咗20%。其中嘉禾望崗站、東平站、石湖站、竹料站、黎家塘站、新和站、鄧村站、江埔站、街口站喺度搞緊土建施工，第啲車站搞緊前期入場工作。
• 2015年9月，主綫除咗東平到石湖區間、太平站、太和站同埋鐘落潭站搞緊前期入場工作外，其它站點同區間都搞緊土建工程。
• 2015年10月11號，太平站同埋鐘落潭站開始入場施工。
• 2015年10月15號，全綫第一部盾構機喺嘉禾望崗⇄東平之間嘅中間風井開挖。
• 2015年11月，除咗太和站同東平到石湖區間外，凈低車站嘅土建同區間盾構冚唪唥開嗮工。
• 2015年12月21號，江埔站封頂，成為主綫第一座封頂嘅車站。
• 2016年1月，江埔站正式封頂。
• 2016年2月28號，太和⇄竹料之間嘅盾構隧道正式開挖。
• 2016年4月10號，康大站（而家係湯村站）到旺村站區間雙綫貫通。
• 2016年5月初，最後一個車站太和站正式開始入場施工。
• 2016年5月15號，知識城南到知識城區間嘅右綫盾構隧道貫通。

2017年12月31號，竹料站已經起到見到基本外觀嘅框架。

2018年2月20號，黎家塘站嘅施工進度已經起到睇到站廳嘅基本框架。

2018年7月16號，喺新和站近2月台東北邊，雖然主綫軌道嘅第三軌已經裝咗，但木枕重未裝。

2018年8月31號，雖然神岡站個樣基本上都見到，但出面啲棚架重未拆。

2018年11月5號，喺新和站出面望去2號月台附近，發現有14號綫啲車喺度搞主綫營運前測試。

14號綫啱開通無耐嘅脫網營運提示圖。呢個畫面曾經喺2017年聖誕節到2018年中華人民共和國國慶期間喺廣州地鐵各站嘅售票機出現過。

• 2016年5月24號，凈低未開工嘅東平⇄石湖區間亦正式開始施工。
• 2016年7月中，石湖站正式封頂。
• 2016年7月24號，石湖到太和區間嘅左綫盾構隧道貫通，成為14號綫主綫第一條貫通嘅隧道。
• 2016年8月10號，旺村站到知識城南站區間嘅右綫盾構隧道貫通。
• 2016年11月底，嘉禾望崗到石湖區間嘅左綫隧道全面貫通。
• 2016年11月30號，知識城支綫開始鋪軌。
• 2016年12月5號，從化區入面第一條盾構隧道（中間風井⇄江埔站嘅左綫隧道）貫通。
• 2016年12月28號，東平⇄中間風井嘅左綫隧道順利貫通咗。
• 2017年1月2號，東平站到東石中間風井左綫區間貫通，成為主綫首個雙綫貫通嘅區間。
• 2017年2月23號，知識城支綫部分嘅楓下⇄知識城區間右線隧道順利貫通。
• 2017年3月3號，知識城支綫部份開始鋪軌。
• 2017年3月26號，“3.25”廣州第七熱電廠重大安全事故發生後，從化區長視察區內工地，重要求14號綫從化段全部停工檢查。
• 2017年3月30號，知識城支綫1標段搞掂埋最後一段主體結構（鎮龍⇄鎮龍北區間）嘅頂板施工。同日鐘落潭段鑽探施工時鑿穿咗中國電信第二京漢廣光纜，對粵北、粵西同湖南嘅通訊造成較大影響。
• 2017年3月31號，鄧村到江埔盾構區間雙綫貫通。
• 2017年3月尾，新和站封頂。同時全綫最後一部盾構機投入到太和⇄竹太中間風井區間嘅掘進入邊。
• 2017年4月6號，鄧村站封頂。
• 2017年4月18號，新和站嘅第一部自動電梯順利搞掂吊裝任務。
• 2017年4月27號，廣州地鐵方公佈咗知識城支綫嘅部份車站嘅最新站名。其中知識城北站改名做紅衛站，原先馬頭莊站變成知識城北站；而知識城南站改名做何棠下站，原先康大站變成知識城南站。
• 2017年4月30號，竹料站封頂。
• 2017年5月10號凌晨，知識城支綫最後一座車站——鎮龍站正式封頂。
• 2017年5月15號，主綫石湖⇄石太區間風井右綫盾構隧道貫通。同日石湖停車場正式封頂。
• 2017年5月28號，隨住最後一部盾構機喺馬頭莊站出洞，知識城支綫全綫隧道宣告貫通。
• 2017年6月21號朝早，石湖到太和區間嘅左綫盾構隧道正式貫通。
• 2017年7月9號，石湖停車場出入段綫正式貫通。
• 2017年7月27號，鄧村站嘅主體結構正式起好嗮。
• 2017年7月30號，知識城支綫左綫通道短軌全綫貫通。
• 2017年8月12號挨晚，知識城支綫正式軌通。
• 2017年8月22號晏晝，知識城支綫長軌全綫貫通。
• 2017年8月29號晏晝，知識城支綫第一部列車正式到咗鎮龍車輛段。
• 2017年8月31號，鎮龍車輛段正式完成熱滑試驗任務并三權移交。
• 2017年9月7號，廣州地鐵方公佈咗知識城支綫嘅最終站名，原先喺4月27號改名嘅知識城北站同知識城南站先後改名做新南站同湯村站。
• 2017年9月13號，知識城支綫南段通過咨詢、施工、監理、及地鐵、營運、設計等單位嘅聯合驗收。
• 2017年9月25號，知識城支綫南段通過調度指揮、屬地管理、及設備操作維護權聯合搞驗收。最後，三權冚唪唥通過嗮驗收。
• 2017年9月28號，主綫嘅鄧村站正式搞掂主體結構施工，開始進入機電安裝階段。
• 2017年10月8號，東平站到東石中間風井右綫區間貫通。
• 2017年10月18號，知識城綫南段正式開始營運調試，最先喺何棠下站開搞。
• 2017年10月22號上晝，喺從化地區嘅主綫高架部分正式全綫貫通。
• 2017年10月23號，知識城綫成功搞掂冷滑調試。
• 2017年10月28號，知識城綫成功搞掂接觸網受電調試。
• 2017年10月29號，街口站正式封頂。
• 2017年10月30號朝早，主綫鄧村站附近嘅（80m+150m+80m）大跨度鋼構拱橋中跨貫通。
• 2017年11月1號，主綫嘅供電系統Ⅱ標項目部喺鄧村站開搞，同日知識城綫全綫熱滑成功，鄧村站亦正式動工。
• 2017年11月2號凌晨，知識城支綫部分搞全綫營運前安全大檢查。
• 2017年11月6號，主綫嘅嘉禾望崗⇄東平區間風井左綫盾構隧道正式貫通。
• 2017年11月8號，主綫正式開始鋪軌，最先喺鄧村站開搞。
• 2017年11月11號，太和站封底。
• 2017年11月14號，知識城支綫嘅橋隧綫路搞緊檢修工作。
• 2017年11月15號，主綫嘅黎家塘⇄新和⇄太平之間嘅高架樑框架正式鋪好兼貫通。
• 2017年11月17號，知識城綫嘅車站設備安裝工程Ⅱ標段順利完成，通過驗收。
• 2017年11月18號朝早，主綫嘅太平⇄神岡⇄鄧村之間嘅高架樑框架正式貫通。至此主綫從化段嘅高架全部貫通。
• 2017年11月21號，新和⇄鄧村之間嘅環網電纜正式鋪好。
• 2017年11月22號，太平站正式封頂。
• 2017年11月25號朝早，隨住第一部試營運列車由鎮龍車輛段出發進入正綫，知識城綫全綫正式開始試營運。
• 2017年12月3號，知識城綫嘅站廳同月台部分正式著燈，入面重喺度搞緊最後嘅系統調試同列車時刻表演練。
• 2017年12月6號，知識城綫信號項順利通過工程驗收。
• 2017年12月9號，喺鄧村停車場附近嘅（８０＋１５０＋８０）ｍ大跨度連續鋼構橋成功貫通。
• 2017年12月17號，主綫嘅鄧村主所到新和站嘅臨時支援供電工程環網電纜順利成功送電。
• 2017年12月26號，喺鄧村車輛段嘅牵引變電所成功搞掂一次送電。
• 2017年12月28號深夜，隨住喺廣珠高速公路頭頂同廣州科技職業技術學院正門出面嘅高架連接位順利合攏之後，主綫高架段全程都起好嗮。
• 2018年1月5號挨晚，喺太平站近大城雲山樓盤嘅工地現場發生起重機吊臂斷裂，揼咗喺高架嘅地鐵軌道上邊，令橋面護欄揼咗大概1m闊嘅窿出嚟。事發後雖然未造成人員傷亡，但喺105國道從化太平場路段（西南到東北行方向）搞出大塞車。
• 2018年1月26號挨晚，隨住太和⇄竹料之間嘅右綫盾構隧道貫通之後，佢嘅雙綫盾構亦貫通嗮。
• 2018年1月30號上晝，隨住鐘落潭站順利封頂之後，一期冚唪唥嘅車站都封嗮頂。
• 2018年2月5號中午，主綫嘅江埔⇄街口區間嘅中間風井左綫盾構隧道正式貫通。
• 2018年2月6號，14號綫啲車正式到貨。
• 2018年3月12號，太平站周邊啲路軌已經鋪好嗮。
• 2018年3月14號，廣州地鐵集團總經理同建設事業總部副總經理、總經理助理一齊嚟到呢條綫嘅項目部睇下工程嘅最新進展。
• 2018年3月16號，太平站附近已經見到有火車仔開始搞緊冷滑試驗。
• 2018年3月19號晚黑，正綫正式迎嚟第一次動車調試。
• 2018年3月20號，鄧村車輛段同綜合基地嘅施工Ⅰ標都搞掂埋竣工驗收。
• 2018年3月22號晚黑，街口⇄中間風井區間嘅左綫盾構機拆吊工作順利搞掂。
• 2018年3月26號，街口站左綫17～18軸出土窿中板順利封板。
• 2018年3月27號上晝，14號綫第一部列車正式入駐兼調試。
• 2018年3月28號上晝，隨住一期最尾未鋪軌嘅基地——嘉禾望崗到東平之間嘅風井亦正式開始鋪軌之後，一期主綫冚唪唥嘅車站同區間亦進入咗全面鋪軌階段。
• 2018年3月29號晏晝，鄧村站嘅牽引牽引混合變電所成功搞掂一次性送電同熱滑成功。同日廣州市民政局開始向全社會徵集主綫啲站名，其中黎家塘站改名做馬瀝站，原先街口站變成東風站；而鄧村站改名做赤草站，原先江埔站變成街口站，石湖站變成兩隻名。
• 2018年4月16號，鄧村車輛段正式三權移交。
• 2018年4月24號，14號綫第一批列車到嗮位。
• 2018年4月29號，随住最後一組軌道排喺竹料⇄鐘落潭區間搞掂連接藉口，路線亦順利實現短軌貫通。
• 2018年5月8號，随住街口⇄江埔之間嘅中間風井右綫盾構隧道貫通，路線亦順利實現全綫貫通。
• 2018年5月16號凌晨，鄧村⇄江埔區間成功搞掂一次性送電。
• 2018年5月23號上晝，工地嘅頭個土建工程正式通過單位工程質量驗收。
• 2018年5月31號，隨住鐘落潭⇄馬瀝之間嘅最後一條鋼軌成功焊接，主綫軌道嘅高架段長軌亦全面貫通。
• 2018年6月8號晏晝，街口⇄中間風井之間嘅聯絡通道冷凍法加固施工順利通過咗專家組驗收。
• 2018年6月22號深夜，赤草⇄新太區間嘅牵引降壓混合變電所順利搞掂一次性送電。
• 2018年6月26號，14號綫嘅控制中心站正式成立。
• 2018年7月5號，主綫嘅軌道Ⅲ標項目附屬工程樣板段順利通過驗收。
• 2018年8月1號，主綫嘅軌道ⅩⅡ標項目順利通過完工驗收。
• 2018年8月2號，馬瀝站嘅主體鋼構吊裝已經搞掂嗮。
• 2018年8月6號，廣州地鐵官方公佈咗主綫嘅最終站名，原先喺3月29號改名嘅東平、石湖同街口三站先後改名做白雲東平站、夏良站同埋從化客運站。
• 2018年8月8號丑時，馬瀝⇄赤草（計埋出入鄧村停車場嗰橛）之間嘅接觸軌順利通過咗冷滑試驗。
• 2018年8月13號，14號綫主綫啲車正式開始喺馬瀝⇄赤草嘅主綫高架段搞熱滑試驗。
• 2018年8月15號，隨住馬瀝⇄赤草（計埋出入鄧村停車場嗰橛）之間正式三權移交，路線亦開始入咗營運前調試階段。亦確定咗主綫喺同年12月28號開通。
• 2018年8月31號，太和⇄竹料、竹料⇄鐘落潭嘅兩個區間、竹料站、及太和⇄新和之間嘅橋樑構件預制已經順利通過工程驗收。
• 2018年9月14號，主綫啲列車正式喺新和⇄鄧村停車場之間搞高速調試。
• 2018年9月26號酉時，喺石湖停車場成功搞掂咗主綫啲列車接觸網嘅熱滑試驗任務，同日喺嘉禾望崗⇄馬瀝之間正式三權移交。
• 2018年9月28號，石湖停車場順利三權移交。
• 2018年9月29號酉時，東風站嘅主體結構同防水分部工程順利通過嗮完工驗收。 　
• 2018年10月12號，從化客運站⇄東風嘅區間嘅盾構掘進同管片安裝、區間附屬同防水分部工程順利搞掂完工驗收。
• 2018年10月15號子時，從化客運站⇄東風嘅區間嘅變電所同環網成功搞掂咗一次性送電嘅任務。
• 2018年10月29號凌晨，知識城支綫同一期主綫之間順利搞掂咗信號網絡嘅割接貫通。
• 2018年10月30號，從化客運站同東風兩站正式三權移交。
• 2018年11月8號，主綫項目部順利通過咗工程驗收前檢查。
• 2018年11月17號，主綫開始營運前正常調試，期間唔搭客營運。
• 2018年11月21號，有網友喺網上透露咗主綫開通之後，會搞「一綫四分支」，同知識城支綫貫通營運，入面包括咗兩條快綫分支
• 2018年11月23號上晝，嗰日舉辦嘅一期（主綫）信號系統安裝工程單位工程驗收會議入面，順利通過嗮驗收報告。即係話一期（主綫）就快開通得。
• 2018年11月27號，從化客運站同埋佢到中間風井之間嘅區間順利通過地鐵單位工程驗收。
• 2018年11月30號申時，主綫一期嘅供電系統安裝工程Ⅱ標段（馬瀝⇄東風）順利搞掂單位工程驗收。
• 2018年12月13號，喺廣州同從化嘅各大媒體啲記者都試搭咗就快準備營運嘅主綫，重同時宣佈咗快車同慢車入面嘅跑馬指示燈同月台入面嘅指示燈都係唔同色。期間重揭開咗主綫一期嘅站廳同月台嘅神秘面紗。
• 2018年12月18號晏晝到挨晚，2018年穿梭之星地鐵主播大賽總決賽喺從化客運地鐵站嘅站廳入面舉辦，期間亦搞咗新綫試搭活動。範圍喺從化客運地鐵站一直去到嘉禾望崗站入面。
• 2018年12月26號中午，廣州地鐵官方發佈微博兼向全社會公佈，主綫一期將於2018年12月28號14:00（UTC+8）開通。

二期

• 2018年1月17號，廣東省發改委批准咗14號綫二期嘅工程可行性研究報告，可以正式動工。
• 2018年1月26號，新市墟站正式開始勘探。
• 2018年3月1號，馬務站正式開始勘探。
• 2018年3月6號，崗貝站正式開始勘探。
• 2018年3月17號，樂嘉路站開始勘探。
• 2018年3月21號，鶴南站開始勘探。
• 2018年3月23號，創意園站開始勘探。
• 2018年6月29號，廣州地鐵發佈咗14號綫二期工程嘅環境影響報告書。
• 2018年11月20號，二期路線正式開始喐手起。

營運

• 2017年12月28號06:00：隨住第一班車喺鎮龍北站正式開出，知識城綫部分（新和⇄鎮龍）正式開通。
• 2018年12月28號14:00：一期主綫（嘉禾望崗⇄東風）部份亦正式全綫開通，從嗰時開始廣州各個區都有地鐵坐，結束咗早期14號綫凈得脫網營運嘅一年歷史。
• 2019年12月17號，廣州地鐵宣佈，原先喺上年12月28號14:00開始營運嘅支綫快車（嘉禾望崗⇄鎮龍）從2019年12月20號開始正式停運。
• 2021年6月12號，廣州地鐵宣佈，原先快車嘅四站停靠站基礎上加停多個白雲東平站。

地鐵路線

14號綫首期同支綫圖示

廣州地鐵14號綫連接廣州火車站同從化良口，呈西南-東北走向，全長90.2km（唔計支綫），其中一期主綫從嘉禾望崗到從化街口，全長54.1km，整咗13座車站。支綫連接新和同鎮龍，全長21.9km，整咗9座車站（唔計新和站）。

概況

圖例：

粗字——轉車站　　綠底——凈得快線車經過嘅車站　　黃底——後嚟規劃時加上去嘅車站

一期

主綫（從化綫）

主綫規劃用快慢車模式營運。

嘉禾望崗站

白雲東平站

夏良站

太和站

竹料站

鐘落潭站

馬瀝站

新和站

太平站

神岡站

赤草站

從化客運站

東風站

車站樓層方面，一期除咗嘉禾望崗站、白雲東平站、夏良站、太和站、從化客運地鐵站、及東風站係地底車站之外，其它都係高架車站。

知識城支綫

新和站

紅衛站

新南站

楓下站

知識城站

何棠下站

旺村站

湯村站

鎮龍北站

鎮龍站

車站樓層方面，除咗新和站係高架車站之外，其它都係地底車站。

二期

廣州火車站

樂嘉路站

崗貝站

新市墟站

馬務站

創意園站

鶴南站

彭邊站

嘉禾望崗站

呢啲車站都係清一色地底車站。

三期

東風站

温泉新城站

温泉站

養生谷站

良口站

轉車站

• 嘉禾望崗站：轉2號綫同埋3號綫。

  喺地鐵2號綫同埋3號綫起緊呢個站嗰陣，冇事先留低轉車條件，係平行站廳換乘，3條綫嘅站廳會並排佈置。

• 新和站：轉知識城綫。

  呢個站係主綫同知識城綫嘅分軌站，係順向平行跨站台轉乘，14號綫主綫包夾知識城綫，預留咗知識城綫獨立運營嘅條件。

  新和站係廣州地鐵入面第一個高架轉乘站。

• 鎮龍站：轉21號綫。

  呢個站係順向平行跨站台轉乘，有21號綫同知識城綫嘅聯絡綫。

裝飾

14號知識城支綫嘅地底站月台部份，手扶梯後邊嘅牆面裝飾。

廣州地標影圖，家下喺14號綫知識城支綫除知識城同鎮龍兩站之外，其它地底任何一個站都睇到呢個裝飾。

馬賽克牆面，凈得知識城站先至睇到。

喺2017年12月28號開通嘅知識城支綫部份，除咗新和站、知識城站同鎮龍站嘅天花板用咗唔同顏色之外，其它站點都用咗粉紫紅色嘅色調。尤其係牆面，除咗新和站同鎮龍站用嘅係玻璃結構之外，其它車站都用嘅係同3號綫差唔多嘅風格，不過牆面除咗新和同鎮龍兩站係唔同色之外，其它站嘅牆面都係白一色。喺地底站嘅手扶梯後邊，除咗知識城站係帶玻璃同焗漆嘅馬賽克結構之外，其它站都係啲廣州地標個影混合花紋。

監控網路

2017年12月28號新開通嘅知識城支綫，配置咗全球首次全車30個高清視頻即時監控，列車每個車卡裝咗4台高清探頭，夾埋總共裝咗24部高清探頭，另外兩邊嘅司機室各安裝3部高清探頭。喺2018年計劃開通嘅14號主綫同21號綫都預埋裝呢套監控設備，車卡啲高清探頭可以高速下傳輸即時大容量訊息。預料未來監控網會推至成個廣州地鐵線網。

行車安排

喺14號綫嘅高架站，LED版都有寫最近三班車嘅概況。一般嚟講，慢車係紅字，快車係綠字。

14號綫從規劃到施工，一直到開通為止，提出過搞快慢車制度。佢係喺主綫同知識城支綫兩綫獨立營運嘅慢車基礎上，同時加開行喺主綫同貫通到知識城支綫嘅兩種快車制度。分別係以下呢三種班次：

類		營運範圍		中途停靠站	間隔	色彩規律
綫	車	起點	終點			車頭	LED字色
主	快	嘉禾望崗	東風	白雲東平、新和、從化客運站	35分04秒	橙	綠
	慢			各站	08分46秒	橙	紅
支	慢	新和	鎮龍	各站	7～9分鐘	橙	紅

一般嚟講，快車入面嘅LED跑馬燈字色係綠色，慢車入面嘅LED跑馬燈字色係紅色。尤其喺嘉禾望崗、白雲東平（2021年6月12號新增）、新和、從化客運站、東風、鎮龍呢五站，走咗一班慢車之後，若果下班係快車嘅話，月台範圍會以普粵英三語連續播下班係快車嘅廣播三次。同時喺月台嘅投影屏（地底站）及LED屏（高架站）、各站嘅電視屏幕入面都會有明顯嘅「快车」兩字。尤其係高架站有明顯嘅顏色區分。喺快車停靠站，起碼至少停90秒兼有以普粵英三語連續播下班係快車嘅廣播兩次。

其中嘉鎮快車曾經喺2018年12月28號到2019年12月19號間營運過，半佬淨停靠新和。

將來嘅發展

長短線

呢條線路喺二期開通之後會分開成長短線嚟行。

• 長線：廣州火車站往返良口
• 短線：廣州火車站往返東風

同知識城支綫一分為二

早期規劃二期嗰陣，知識城支綫將會拆成新綫嚟行，唔同14號綫相通。條行車綫將會變成新和往返鎮龍，不過東延方面亦有提到規劃。喺2015年嘅第一次規劃版，就係直接從鎮龍站出發，轉向西南偏南入永和開發區，到永和新豐村之後轉向西南偏西，兜到蘿崗香雪公園附近之後轉向東南偏南，跟住開創大道行，插入開發區西區，去到南崗站東南邊冇幾遠就轉向南，去到東江邊近東莞界之後轉向西，經過開發區西區中心，喺廣州開發區站西邊冇幾遠就轉向西北，最後去到夏園站為止。不過呢個方案隨住嗰時新規劃嘅23號綫攞咗蘿崗香雪公園到永和新豐村嗰橛，及東莞軌道交通方一直拗緊規劃嘅東莞軌道交通1號綫西延段有可能拎走從南崗站以東南嗰橛，加上俾好多網友同公眾批評而冇用到。

2017年增城地區公佈嘅地鐵規劃圖入面，話喺鎮龍站嘅基礎上將會繼續向東延長，先喺324國道北邊冇幾遠嘅地底行入廣州教育城，再轉東南到教育城站（而家嘅鳳崗站），之後轉向南，喺東北客車聯絡綫下邊經過，去到廣惠高速之後跟住條高速行，先經過嗰時改咗規劃嘅23號綫經過嘅香山大道站，再去到穗莞深城際軌道交通之後轉個大彎入新塘鎮，最後去到新塘站為止。不過規劃一直未落實。

2018年9月6號，喺增城區不動產登記中心嘅官方微博發佈嘅規劃圖片話，雖然同增城地區喺2017年公佈嘅地鐵規劃差唔多，但去到廣惠高速之後直接向南行，先經過16號綫規劃緊嘅沙埔站，再經過廣深鐵路同廣汕鐵路，跟住經過新沙站，之後過東江入去東莞，最後到中堂鎮江南村為止。

註同攷

註

攷