竹昇麪

竹昇麪（粵拼：zuk1 sing1 min6）係用竹昇壓製嘅麪條，多係用鴨蛋做嘅全蛋麪（又叫銀絲麪）、擔桿麪，喺香港、澳門、廣東、廣西、貴州等地係雲吞麪常用嘅麪條。

整麪方法

整麪嗰陣，竹昇麪師傅會坐喺竹昇（一碌大茅竹）一頭，重複出力下壓竹昇另一頭下面個麪團，壓薄後再切成麪條。而且喺水中煮麪嗰陣要係用猛火加熱嘅。

品種

有講法話竹昇麪源自清朝末廣州西關 。爾隻麪分兩種，一種係加咗鴨蛋同鹼水嘅竹昇麪，另一種就係全用雞蛋整出嚟。第一種世藝加入鹼水嘅作法可以令麪質口感正啲。第二種世藝就令麪質較為爽身而且令雞蛋香味濃多啲。