第15屆日本民主黨黨魁選舉

第15屆日本民主黨黨魁選舉響2011年8月29號舉行。

第15屆日本民主黨黨魁選舉
日本選舉政治專題
‹ 2010 •  • 2012 ›
2011年8月29號
選舉類型				黨魁
選舉統計
選民人數						398
			野田佳彥－民主黨
			第一輪投票數				102
			第二輪投票數				215 ▲110.8%
									25.8%
									54.6%
			海江田萬里－民主黨
			第一輪投票數				143
			第二輪投票數				177 ▲23.8%
									36.2%
									45.4%
			前原誠司－民主黨
			投票數				74
			鹿野道彥－民主黨
			投票數				52
			馬淵澄夫－民主黨
			投票數				24
民主黨黨魁
選前 菅直人 民主黨						選後 野田佳彥 民主黨

背景

民主黨三百幾個國會議員響投票日朝早到東京一間酒店舉行大會選出新黨魁，接替辭職嘅菅直人首相個位。

五個候選人會各自發表十五分鐘政策演講，之後開始投票。如果冇一位候選人攞到過半數選票，就會由攞到最多票嘅兩個人響第二輪投票中到一決高下。

候選人

民主黨黨魁選舉確認有五人參選，係歷屆最多人參選嘅一次，爭三百九十八張選票，新黨魁會接任首相，成為日本五年來第六位首相。。

野田佳彥

五十四歲嘅野田佳彥，2010年開始做財務大臣，熱愛運動，擅長柔道。最大挑戰就係應對日圓高企問題，曾經入市干預。野田佳彥支持大幅減少國債，同埋加百分之五銷售稅。

響核問題到，佢唔贊成完全唔用核能，認為應該加強核電廠嘅安全監管。

而對華立場強硬，曾經話中國軍力擴張，嚴重威脅鄰國安全，又認為，響日本法律入面，並無戰犯嘅罪名，所以二次大戰入面所謂甲級戰犯，唔係戰犯。

結果

第一輪選舉

喺第一輪投票，海江田萬里攞到最多嘅一百四十三票，野田佳彥就攞到一百零二票排第二，兩個人會響第二輪投票到分勝負，預計最遲響當地時間下晝兩點會有結果。而原本嘅大熱門，前外相前原誠司只係攞到十四票，排第三。

第二輪選舉

野田佳彥響第二輪選舉攞到二百一十五票贏出接任首相。

民意調查

民意調查話，攞到民主黨元老小澤一郎支持嘅經濟產業大臣海江田萬里，暫時領先，共同社報道佢已經穩奪一百二十張選票。而最適合接任首相嘅前外相前原誠司，只有五十票左右，佢嘅支持者主要係新贏出選舉嘅後生議員。

後續

野田佳彥響8月30號到國會順利成為下一任首相。

分析

選前

分析認為，由於海江田萬里好難響第一輪投票攞到過半數選票，前原有可能響第二輪投票入面同財務大臣野田佳彥陣營聯手，匯合反小澤選票，反超前海江田萬里。

選後

野田佳彥一上台就要應付六大棘手問題。首先係要帶領日本走出地震海嘯之後嘅重建之路，盡快振興國家士氣；重要妥善處理好核危機引發嘅困局，安撫國內擔心嘅情緒；同時要訂出新能源政策，解決能源供應唔夠嘅問題。經濟方面，日圓匯價走勢過強令到日本金融市場容易動盪，另外就係要削減龐大國債，避免過於被動，影響經濟穩定。最後就係要解決人口老化舊問題，訂出適當嘅社會保障政策。有分析話，上面六個棘手問題，唔係一朝一夕可以搞掂，如果唔盡快交出成績，下任首相可能又係一任短命首相。