第2屆日本民進黨黨魁選舉

第2屆日本民進黨黨魁選舉響2017年9月1號舉行。

第2屆日本民進黨黨魁選舉
日本選舉政治專題
‹ 2016 •  • 2017 ›
2017年9月1號
選舉類型				黨魁
選舉統計
總投票數						834
			前原誠司－民進黨
			投票數				502
			枝野幸男－民進黨
			投票數				332
民進黨黨魁
選前 蓮舫 民進黨						選後 前原誠司 民進黨

背景

四十九歲嘅蓮舫喺2016年憑高知名度贏出黨魁一職，但係就任之後就一直被雙重國籍風波纏繞；直到響7月初東京都議會選舉慘敗，議席由七席減到得返五席，成績係有史以來最差，蓮舫領導能力備受質疑，到7月27號晏晝蓮舫響黨總部召開記者會交代，指自己經過慎重考慮之後決定辭職，認為單靠黨內人事改組唔足以挽回民眾信任，佢形容選舉失利對佢來說只係一個契機，唔係辭任嘅直接原因，重強調國籍問題同辭職決定無關，民進黨接落來將要盡快選出新黨魁，佢希望透過換黨魁令到民進黨變得更強大，為國民響執政自民黨之外提供另一個選擇。

結果

五十五歲嘅前原誠司擊敗對手，前內閣官房長官枝野幸男，成為民進黨黨魁，係佢第二次出任日本第一大在野黨黨魁，任期去到2019年9月。。

後續

前原訪司將會立即着手研究黨內高層人事，盡快成立新嘅領導層。

分析

選前

傳媒估計2016年競逐黨魁不敵蓮舫嘅前外相前原誠司同埋前內閣官房長官枝野幸男都有可能係接任人選；呢次係民進黨響一個禮拜內再有領導層辭職，二號人物野田佳彥兩日前（25號）先為東京都議會選舉敗選負責辭去幹事長一職，蓮舫再辭黨魁，無疑係為日本政壇抌下震撼彈。由民主同維新兩黨合併成立嘅民進黨係日本最大在野黨，但由於無法擺脫民主黨執政時期嘅負面形象，支持度持續低迷。即使近期安倍內閣民望下滑，亦未能乘機反彈。

選後

分析認為前原訪司出任黨魁之後當務之急係要阻止議員退黨潮，重振低迷嘅黨勢，爭取成為一股有望實現政權替換嘅勢力。