筆畫
筆畫（粵拼：bat1 waak6；亦寫作「筆劃」[註 1]）指漢字書寫嗰陣，唔間斷噉一次連續寫成嘅一條線條。日常使用嗰陣，一般都指楷書書寫同印刷字形（例如明體）嘅筆畫。包括本條目描述嘅內容都係。如果要指篆籀甲金或者草書嘅筆畫，多數會另外說明。筆畫係漢字嘅最細構成單位。筆畫可以分做基本筆畫同複合筆畫兩大類。
基本說明
編輯傳統上，楷書同印刷字形嘅基本筆畫有八種，包括：橫（
）、豎（
）、撇（
）、捺（
）、點（
）、挑（
）、鈎（
）、彎（
）。現代仲新增咗曲（
）同圈（
）兩種。當中，前六種基本筆畫可以獨立出現，圈亦都可以。但係鈎就唔得，必定要同其他筆畫組成複合筆畫。彎同曲喺一啲罕見嘅特殊漢字裏面亦都可以獨立出現，但係喺絕大部份場合度，佢哋只會同其他筆畫組成複合筆畫。
至於複合筆畫，就係由上述兩或多種筆畫組合而成。兩個基本筆畫嘅組合處稱爲折。例如橫鈎（
）有一個折，豎鈎（
）都有一個折，豎曲鈎（
）有兩個折，橫撇曲鈎（
）就有三個折，橫撇橫撇鈎（
）更加有四個折。
現代以數字鍵盤嚟輸入漢字嘅嘅基本「筆形」，就成日會將捺歸入點，將挑歸入橫，將各種複合筆畫歸入折或彎，成爲「橫、豎、撇、點、折（或稱彎）」五種基本筆形。由於「札」字啱啱好由「橫、豎、撇、點、豎曲鈎」呢五筆順序組成，因此大家成日用「札字法」嚟稱呼呢五種筆形歸類。
筆畫有先後嘅順序，參見筆順。筆畫嘅書寫亦有方向性，唔允許逆反。例如：
歷史
編輯歷史上，最早總結漢字筆畫嘅係東晉嘅衛鑠（衛夫人），佢嘅著作《筆陣圖》入面將漢字總結做七條「筆陣」（又稱「七勢」），包括：橫、點、撇、折、豎、捺、鈎。然而，呢本著作畀人懷疑係僞託嘅[1]。
受七條「筆陣」影響，後來書法家（有講法係王羲之、崔子玉、鍾繇、智永、張旭）進一步歸納出「永字八法」，將「永」字分析成八筆：側（點）、勒（橫）、努（豎）、趯（鈎）、策（挑）、掠（長撇或彎）、啄（短撇）、磔（捺）。[1]
唐朝書法家進一步說明呢八法，例如顏真卿有《永字八法頌》：「側：蹲鴟而墜石，勒：緩縱以藏機，弩：灣環而勢曲，峻：快以如錐，策：依稀而似勒，掠：仿佛以宜肥，啄：騰淩而速進，磔：抑踖以遲移。」柳宗元亦有《永字八法頌》，話：「側：不愧臥，勒：常患平，努：過直而力敗，趯：宜存而勢生，策：仰收而暗揭，掠：左出而鋒輕，啄：倉皇而疾掩，磔：趯趞以開張。」
由八法略爲調整，就成爲後人成日講嘅「點、橫、豎、鈎、挑、彎、撇、捺」八種楷書筆畫。後來，啲人調整排序，再將「彎」分做扭左邊嘅「彎」與扭右邊嘅「曲」，加上罕見漢字先至有嘅「圈」，噉就成爲現代筆畫。
各種筆畫
編輯| 筆畫 | 中文名稱 | 英文名稱 | 序號 | 字例 | 備註 | ||||||
|---|---|---|---|---|---|---|---|---|---|---|---|
| 明 | 楷 | 傳統名稱 | 臺灣名稱 | 大陸簡稱 | 大陸全稱 | 其他名稱 | Unicode | 傳承名稱 | 國標 | ||
| |
 |
橫 | 橫 | 橫 | 橫 | 勒 | H | H | 1 | 三 言 隹 花 | 書法嗰陣或者分長橫同短橫。 |
 |
 |
斜橫 | --- | (斜橫) | (斜橫) | (H) | SH | (1) | 七 弋 宅 戈 | 或者併入橫。 | |
| |
 |
挑 | 挑 | 提 | 提 | 趯、策 | T | U | 1.1 | 刁 求 虫 劃 | |
 |
 |
點挑 | --- | (仰點) | (仰點) | 點趯、點提 | (T) | DU | (1.1) | 汁 冰 洗 游 | 或者併入挑。 |
| |
 |
豎 | 豎 | 豎 | 豎 | 直、棟、弩 | S | V | 2 | 十 圭 川 仆 | 書法嗰陣或者分垂露豎同懸針豎。 |
 |
 |
斜豎 | --- | (斜豎) | (斜豎) | (S) | SV | (2) | 丑 五 亙 貫 | 或者併入豎。 | |
 |
 |
右斜豎 | --- | --- | --- | (S) | RSV | (2) | 𠙴 㐃 | 或者併入豎、斜豎。 | |
| |
 |
撇 | 撇 | 撇 | 撇 | 斜撇、掠 | P | T | 3 | 竹 大 乂 勺 | 書法嗰陣或者分長撇同短撇。 |
 |
 |
扁撇 | --- | (平撇) | (平撇) | 啄 | (P) | FT | (3) | 千 乏 禾 斤 | 或者併入撇。 |
 |
 |
直撇 | 豎撇 | 豎撇 | 豎撇 | SP | WT | (3) | 九 厄 月 幾 | ||
| |
 |
點 | 點 | 點 | 點 | 頓點、側點、側 | D | D | 4 | 主 卜 夕 凡 | |
 |
 |
長點 | 長頓點 | (長點) | (長點) | (D) | ED | (4) | 囪 囟 这 凶 | 或者併入點。 | |
 |
 |
左點 | --- | (左點) | (左點) | 左側點 | (D) | LD | (4) | 心 忙 恭 烹 | 或者併入點。 |
 |
 |
直點 | --- | --- | --- | 豎點、頭點、頂點 | (D) | WD | (4) | 六 文 宇 空 | 或者併入點。 |
| |
 |
捺 | 捺 | 捺 | 捺 | 磔 | N | P | 4.1 | 人 木 尺 冬 | 書法嗰陣或者分長捺同短捺。 |
 |
 |
挑捺 | --- | 提捺 | 提捺 | 飾筆捺 | TN | UP | 4.2 | 文 廴 父 爻 | 主要見於舊字形。 |
 |
 |
橫捺 | --- | --- | --- | 大捺、長捺、彎捺 | (TN) | HP | (4.2) | 入 八 內 全 | 或者併入捺、挑捺。大陸宋體作 形。
|
 |
 |
扁捺 | --- | (平捺) | (平捺) | 臥捺、底捺 | (N) | FP | (4.1) | 走 足 廴 麵 | 或者併入捺。 |
 |
 |
挑扁捺 | --- | --- | --- | 底捺、艇捺 | (TN) | UFP | (4.2) | 之 乏 巡 迴 | 或者併入扁捺、捺。 |
| |
 |
彎 | 彎 | (彎) | (彎) | 左彎 | (W) | C | --- | 過 过 這 这 | 只限楷體。 |
| |
 |
曲 | --- | --- | --- | 彎、右彎 | (X) | A | --- | ||
| |
 |
圈 | --- | 圈 | 圈 | 圓 | Q | O | --- | 〇 㔔 㪳 㫈 | |
| |
 |
橫鈎 | 橫鈎 | 橫鈎 | 橫鈎 | HG | HJ | 5.3 | 冧 欠 冝 蛋 | ||
 |
 |
挑鈎 | --- | --- | --- | 斜橫鈎 | (HG) | UJ | (5.3) | 也 乜 池 馳 | 只限臺灣楷書，或者併入橫鈎。 |
 |
 |
橫撇 | 橫撇 | 橫撇 | 橫折撇 | HP | HT | 5.2 | 夕 水 登 令 | ||
 |
 |
橫斜 | --- | --- | --- | 橫斜豎 | (HP) | HSV | (5.1) | 今 彔 互 恆 | 或者併入橫撇、橫豎。 |
 |
 |
橫豎 | 橫折 | 橫折 | 橫折豎 | HZ | HV | 5.1 | 口 己 臼 典 | ||
 |
 |
橫豎鈎 | 橫折鈎 | 橫折鈎 | 橫折豎鈎 | 月鈎、司鈎 | HZG | HVJ | 5.15 | 而 永 印 令 | |
 |
 |
橫撇鈎 | --- | --- | --- | 勿鈎、幻鈎、橫斜鈎 | (HZG) | HTJ | (5.15) | 勺 方 力 母 | 或者併入橫豎鈎、彎鈎。 |
 |
 |
挑撇鈎 | --- | --- | --- | 也鈎、斜橫豎鈎 | (HZG) | UTJ | (5.15) | 也 乜 池 馳 | 或者併入橫豎鈎。 |
 |
 |
橫豎橫 | 橫折橫 | 橫折折 | 橫折豎折橫 | 凹折 | HZZ | HVH | 5.12 | 凹 兕 卍 雋 | |
 |
 |
橫豎挑 | --- | 橫折提 | 橫折豎折提 | 言挑、橫豎趯 | HZT | HVU | 5.14 | 殼 鸠 说 计 | |
 |
 |
橫曲 | --- | 橫折彎 | 橫折豎彎橫 | 朵彎、橫彎 | HZW | HA | 5.13 | 朵 沿 殳 没 | |
 |
 |
橫曲鈎 | --- | 橫折彎鈎 | 橫折豎彎橫鈎 | 九鈎、橫彎鈎 | HZWG | HAJ | 5.22 | 九 几 凡 亢 | |
 |
 |
橫捺鈎 | 橫斜鈎 | 橫斜鈎 | 橫折捺鈎 | 風鈎、橫彎鈎 | (HZWG) | HPJ | 5.16 | 風 迅 飛 凰 | 或者併入橫曲鈎。 |
| |
 |
橫撇曲鈎 | 橫曲鈎 | 橫斜彎鈎 | 橫折豎彎橫鈎 | 乙鈎 | HXWG | HTAJ | (5.22) | 乙 氹 乞 乭 | |
 |
 |
橫撇彎 | --- | --- | --- | --- | HTC | --- | 過 过 這 这 | 只限楷體。或者分拆作橫撇、彎兩筆。 楷體嘅橫撇彎，喺傳統明體度變成橫豎， 喺中華民國嘅國字標準宋體度變成橫撇橫撇。 | |
 |
 |
橫撇橫撇 | --- | 橫折折撇 | 橫折豎折橫折撇 | 建折 | HZZP | HTHT | 5.21 | 延 建 巡 及 | 或者分拆作橫撇、橫撇兩筆。 |
 |
 |
橫撇彎鈎 | --- | 橫撇彎鈎 | 橫折撇折彎豎鈎 | 耳鈎 | HPWG | HTCJ | 5.23 | 陳 陌 那 耶 | 或者分拆作橫撇、彎鈎兩筆。 |
 |
 |
橫豎橫豎 | 橫折橫折 | 橫折折折 | 橫折豎折橫折豎 | 凸折 | HZZZ | HVHV | 5.20 | 凸 𡸭 𠱂 𢫋 | |
| |
 |
橫撇橫撇鈎 | 橫撇橫折鈎 | 橫折折折鈎 | 橫折豎折橫折豎鈎 | 乃鈎 | HZZZG | HTHTJ | 5.25 | 乃 孕 仍 盈 | 或者分拆作橫撇、橫撇鈎兩筆。 |
 |
 |
豎挑 | 豎挑 | 豎提 | 豎折提 | 豎趯 | ST | VU | 5.6 | 卬 氏 衣 比 | |
 |
 |
豎橫 | 豎折 | 豎折 | 豎折橫 | SZ | VH | 5.4 | 山 世 匡 直 | ||
 |
 |
豎曲 | --- | 豎彎 | 豎彎橫 | SW | VA | 5.5 | 區 亡 四 匹 | 或者併入豎橫。 | |
| |
 |
豎曲鈎 | 豎曲鈎 | 豎彎鈎 | 豎彎橫鈎 | 兒鈎 | SWG | VAJ | 5.19 | 孔 已 亂 也 | |
 |
 |
豎橫豎 | 豎橫折 | 豎折折 | 豎折橫折豎 | 鼎折 | SZZ | VHV | 5.17 | 鼎 亞 吳 卐 | |
 |
 |
豎橫撇 | --- | 豎折撇 | 豎折橫折撇 | (SZZ) | VHT | 5.18 | 奊 捑 𠱐 𧦮 | 或者併入豎橫豎。 | |
 |
 |
豎橫撇鈎 | 豎橫折鈎 | 豎折折鈎 | 豎折橫折豎鈎 | 丐鈎 | SZWG | VHTJ | 5.24 | 弓 弟 丐 弱 | |
| |
 |
豎鈎 | 豎鈎 | 豎鈎 | 豎鈎 | SG | VJ | 2.1 | 小 水 到 寸 | ||
 |
 |
豎彎 | --- | 豎彎左 | 豎彎左 | 左豎彎 | SWZ | VC | --- | 肅 嘯 蕭 瀟 | 只限香港楷書。 |
 |
 |
豎彎鈎 | --- | --- | --- | 豎左彎鈎、左豎彎鈎 | --- | VCJ | --- | 𨙨 𨛜 𨞠 𨞰 | |
 |
 |
撇挑 | 撇挑 | 撇折 | 撇折橫 | 撇趯 | PZ | TU | 5.7 | 去 公 玄 鄉 | 或者併入撇橫。 |
 |
 |
撇橫 | --- | --- | --- | (SZ) | TH | (5.4) | 互 母 牙 车 | 或者併入撇挑、豎橫。 | |
 |
 |
撇點 | 撇頓點 | 撇點 | 撇折點 | PD | TD | 5.8 | 巡 兪 巢 粼 | ||
 |
 |
直撇點 | --- | --- | --- | 女折 | (PD) | WTD | (5.8) | 女 如 姦 㜢 | 或者併入撇點。 |
 |
 |
撇橫撇 | --- | (豎折撇) | (豎折橫折撇) | 专折 | (SZZ) | THT | (5.18) | 夨 𠨮 专 砖 | 或者併入豎橫豎。 |
 |
 |
撇橫撇鈎 | --- | (豎折折鈎) | (豎折橫折豎鈎) | 马鈎 | (SZWG) | THTJ | (5.24) | 巧 亟 汙 號 | 或者併入豎橫撇鈎。 |
 |
 |
撇鈎 | --- | 撇鈎 | 撇鈎 | 左彎鈎 | PG | TJ | 5.9 | 乄 | |
 |
 |
彎鈎 | 彎鈎 | 彎鈎 | 彎豎鈎 | WG | CJ | 5.10 | 狗 豸 豕 象 | ||
 |
 |
扁捺鈎 | 臥鈎 | 扁斜鈎 | 臥鈎 | 心鈎 | BXG | FPJ | --- | 心 必 沁 厯 | 只限楷體。 |
 |
 |
捺鈎 | 斜鈎 | 斜鈎 | 捺鈎 | 戈鈎、代鈎 | XG | PJ | 5.11 | 弋 戈 我 銭 | |
 |
 |
撇橫撇曲鈎 | --- | --- | --- | --- | THTAJ | --- | 𠃉 𦲳 𦴱 鳦 | ||
 |
 |
撇圈點 | --- | --- | --- | --- | TOD | --- | 𡧑 𡆢 | ||
有啲未完全楷書化嘅特殊漢字，含有上表冇列出嘅罕見筆畫，例如：𠆭、𠇇、𠍋、𠪳、𡦹、𢀓、𦮙、𦹗、𬻷、𬼂、𭁇、𭅃、𭍻、𭑊、𭚥、𭤪、𭥟、𮓠、𮥹。
有啲特殊漢字，含有反轉嘅，即係左右鏡像嘅筆畫，如：𢇖、𨺅。
仲有啲特殊漢字，成個字係其他漢字嘅180度倒轉，或者含有180度倒轉嘅部件。嗰啲180度筆畫亦冇喺上表列出，例如：𠄏、𠄔、𢨋、𧹂、𮗙。
部份筆畫詳析
編輯橫
編輯橫（ ）係基本筆畫，書寫方向由左至右，明體作水平線，楷體多數會極輕微噉向上斜。[2]
斜橫（ ）係變化形態筆畫，由左下至右上，但收筆處唔呈尖細形，維持「橫」嘅收筆。雖然挑亦都係左下至右上，但係收筆處呈尖細形。[2]
挑
編輯挑（ ）又叫提，係基本筆畫，其定義爲由左下至右上嘅筆畫，收筆處多呈尖細形。書法近似斜橫，但必須向上提起，並且須爲尖尾。例如「扌」嘅第三筆。末筆爲「橫」嘅部件位於左旁時，多數會避讓變作「挑」，如「坭」嘅「土旁」、「劃」嘅「畫旁」。然而作爲複合筆畫嘅一部份嗰陣，由於尾部會連接其他筆畫，因此只要方向係由左下至右上，其尾部係否尖細並唔係重點。[2]喺「札字法」筆形歸類嗰陣，挑筆都會歸入橫屬。
此外，喺「氵」同「冫」偏旁裏，末筆嘅挑成日都會寫做點挑（ ），先向下寫成水滴狀，之後才將筆尖向右上挑起。
豎
編輯 
豎（ ）係基本筆畫，由上至下，明體作垂直線，楷體或者會輕微向左或右傾斜。有短豎、長豎。長豎喺書法裏又分「垂露豎」同「懸針豎」，前者收筆處呈圓潤形，後者收筆處呈尖細形。書法入面豎筆向下貫穿，且唔係最後一筆嘅豎筆，多數用垂露豎，亦可以用豎鈎，如「木」、「朱」、「束」、「來」等字；如果係最後一筆，則可以用懸針豎，例如「千」、「中」、「聿」、「巾」等字。有啲書法流派只用垂露豎，唔用懸針豎。「垂露豎」可以代替「懸針豎」，但「懸針豎」唔可以代替「垂露豎」。[2]
撇
編輯撇（ ）係基本筆畫，其定義爲由右上至左下拋出去嘅筆畫，收筆處多呈尖細形。然而作爲複合筆畫嘅一部份嗰陣，由於尾部會連接其他筆畫，因此只要方向係由右上至左下，其尾部係否尖細並唔係重點。佢成日有直撇（ ）、扁撇（ ）等變化形態。[2]
點
編輯
點係基本筆畫。最常見嘅點，亦稱頓點（ ），寫法係由左上至右下按壓，開筆處呈尖細形，收筆處呈圓潤形[2]。對於其他筆畫，如果冇特別比較需要，一般唔使強調佢嘅長短，但對於點，大家成日會強調佢係唔係長點。因爲喺毛筆書法嗰陣，短嘅點可以淨係將筆鋒按壓，唔使拖曳筆管，就已經寫成；長嘅點卻必須拖曳筆管。
除此以外，仲有其他方向嘅點，包括由右上至左下嘅左點（ ），以及由上或左上至下嘅直點（ ）。直點出現喺「宀」、「广」、「疒」、「六」、「高」等字嘅頂部。有啲人會將直點當成係短豎，其實，直點起筆部份雖然眞係好似「豎」噉，但係佢長度短小，起筆之後冇耐就即刻收筆，佢嘅收筆同豎唔相同。[2]目前臺灣嘅國字標準字體、大陸嘅新字形都棄用直點，將過往作直點嘅字全都改成頓點，但係喺傳統書法、傳統明體造型上，以及喺日、韓嘅漢字裏面，仍然保留大量直點。
捺
編輯捺（ ）係基本筆畫，其定義爲由左上至右下壓下去嘅筆畫，收筆處多呈寬粗形。書法入面形狀如蠶，頭鈍尾尖。然而作爲複合筆畫嘅一部份嗰陣，由於尾部會連接其他筆畫，因此只要方向係由左上至右下，其尾部係否寬粗並唔係重點。某啲舊字形彫刻工匠成日將捺彫成挑捺（ ），首先向右上短短地噉挑起，然後再向右下捺下去，挑只屬裝飾，佔整筆很小比例，同區別捺部件無關，可以用普通嘅捺完全取代。[2]
另外，橫捺（ ）亦係以捺爲主體嘅複合筆畫，先稍爲由左至右作橫筆嘅起筆，然後再向右下捺下去，用於「入」、「內」、「八」、「籴」等字。楷體橫向起筆部份未必明顯，短短嘅橫筆部份變得呈弧形；明體裏橫筆部份清晰，不過大陸標準嘅宋體字依楷體改形，橫捺造型亦變成「 」噉樣呈弧形。[2]
楷書書法嗰陣，有啲派別有「字無兩捺」嘅傳統，除咗最主要嘅捺筆外，其餘嘅捺會改爲長點，如「餐」嘅「又」部件、「遨」嘅「攵」部件，原來嘅捺筆都會寫成長點。但亦有啲派別唔拘泥於此。
現今有啲地區嘅教育標準字形，例如臺灣嘅國字標準字體，甚至規定喺並非有兩捺嘅一般情況下，普通嘅捺筆都要改做點。例如「央」、「英」、「映」、「美」、「矣」、「吳」、「奧」、「杏」、「李」、「査」、「香」等字嘅主要捺筆，傳統書法同明體造型通常都保持番捺，只有個別書家喺裝字嗰陣偶爾變作點，以求靈活變化。但係臺灣嘅國字標準字體卻規定呢啲字都必須作點，唔可以寫成捺筆[3]。有傳承字形硏訂者批評呢做法係：「應伸展者唔伸展，令字形儼如肌肉萎縮，絕對唔可取，必須以之爲戒。」[2]
而家嘅「札字法」筆形歸類入面，捺歸入點屬。原因一係最常見嘅點之方向係由左上到右下，同捺一樣，運筆方法亦係以按壓爲主。原因二係捺喺楷書書法裏面亦可能像上方所述般變成長點。
彎、曲
編輯彎係基本筆畫，但係喺絕大多數情況下，都唔會獨立出現，只會作爲複合筆畫嘅一部份。過去，只要弧形嘅筆畫，都可以稱爲彎。今日，我哋將順時針方向掟彎嘅弧形筆畫稱爲彎（ ），逆時針方向掟彎嘅弧形筆畫稱爲曲（ ）。[2]
手寫嘅「⻎」部係少數可以畀彎筆獨立出現嘅漢字部件，不過條件係要書寫者分四筆嚟寫，而且唔可以將呢彎寫成橫撇，噉先會出現獨立嘅彎筆。多數情況下，書寫者會用三筆嚟寫呢個部件，第二筆作橫撇彎或橫撇橫撇，於是彎就冇得獨立出現嘞。
彎同曲都經常出現喺複合筆畫裏面。然而，由於撇同捺亦成日有輕微弧度，如果佢哋出現喺複合筆畫度，有啲人就會混淆兩者。一般嚟講，彎同曲嘅弧度都係明顯嘅，掟彎後嘅方向比原方向相差近90度或以上。而撇同捺則以斜爲主，弧度係輕微嘅。由於彎或曲嘅掟彎幅度大，喺計算一筆複合筆畫有多少折嗰陣，彎或曲會算作一折。但係撇同捺那輕微嘅弧度並唔會算進去。
而家嘅「札字法」筆形歸類入面，彎、曲都歸入折屬（亦稱彎屬）。
鈎
編輯鈎係喺折後面短小嘅、呈尖細形收筆嘅筆畫。佢只可以喺複合筆畫度出現，唔能夠獨立出現。含有鈎嘅筆畫都必定係複合筆畫。[2]
鈎嘅方向有多種，但係基本上，方向都會係前面嗰筆基本筆畫嘅急速轉向，同前面嗰筆基本筆畫形成銳角。
折
編輯折係指將基本筆畫組合成複合筆畫嗰陣，形成咗「角」嘅筆畫組合處。[2]理論上，鈎嘅前方亦有折，但係嗰折通常都已經包含喺鈎嘅定義入面，所以大家都會將後面接住鈎嘅折省略唔提。唔計鈎，常見嘅折多數會折向下或者折向右。
Unicode嘅定義裏，聲稱折係90度角。呢點並唔符合事實。例如橫撇橫撇（ ）嘅三個折都係大約45度；橫捺鈎（ ）嘅第一折顯然大過90度，第二折（鈎前嗰一折）則明顯細過90度。
複合筆畫大多數都含有折，因此「折」呢字亦成日代指複合筆畫。複合筆畫有好多種，常見嘅有豎鈎（ ）、橫鈎（ ）、豎曲鈎（ ）、橫豎鈎（ ）等。此外，喺簡化字中出咗啲罕見筆畫，例如「专」字中間嘅撇橫撇，係過去喺傳統正體字裏甚少見到嘅。[2]
複合筆畫嘅命名有四種方法。
第一種好似中國大陸全稱噉，將構成複合筆畫嘅部份全部都加起嚟，淨係省略鈎前面嘅「折」字。因此「 」係橫鈎，「 」係橫折撇，「 」係橫折豎，「 」係橫折豎鈎，「 」係橫折豎折橫折撇，「 」係橫折豎折橫折豎。呢種命名有時會顯得很冗長，甚至畀漢字書法敎授指責佢令人頭昏眼花[4]，所以唔常用。
第二種好似傳統名稱噉，將構成複合筆畫嘅部份全部都加起嚟，然後省略「折」字。因此「 」係橫鈎，「 」係橫撇，「 」係橫豎，「 」係橫豎鈎，「 」係橫撇橫撇，「 」係橫豎橫豎。[2]由於折只係方向轉換而起嘅角度，而基本筆畫本身就有方向，所以個名唔用「折」字唔會引起混淆[4]。本條目嘅內文，主要用呢種傳統名稱作爲筆畫名字。
第三種好似中國大陸簡稱噉，將構成複合筆畫嘅部份全部都加起嚟，然後省略「折」字後方嘅基本筆畫名，不過遇到鈎就省略鈎前面嘅「折」字。因此「 」係橫鈎，「 」係橫折，「 」係橫折鈎，「 」係橫折折折。呢命名方法嘅缺點係，有時省略「折」字後方嘅基本筆畫名，會造成混淆。例如「橫折撇」同「橫折豎」，如果都省略「折」字後方嘅基本筆畫名，兩者都會變成「橫折」，於是又有一啲例外，譬如「 」係橫撇，省略「折」字，以免同「 」相混；「 」係橫折折撇，開頭兩折都省略「折」字後方嘅基本筆畫名，但係末尾嗰折卻省略「折」字，以免同「 」相混。對於幾時省略「折」字，幾時省略「折」字後方嘅基本筆畫名，呢種命名方式嘅內部做法並唔統一。而且呢種命名方式強調「折」字，甚至好似「橫折折折」噉連用幾個「折」字，但係省略咗折去邊個方向嘅說明或提示，受到漢字書法敎授嘅批評：「折左折右、折上折下，折到去邊？」並且主張當事人應該廣納雅言，好好檢討修正呢種筆畫名稱[4]。
第四種是民間俗稱，選一個含有嗰種折筆嘅簡單常用單字，稱作「×折」（不含鈎嘅複合筆畫）或者「×鈎」（含鈎嘅複合筆畫）。例如「 」叫月鈎或者司鈎，「 」叫建折，「 」叫凸折。未必所有複合筆畫都擁有呢種民間俗稱。例如「 」（橫鈎）、「 」（橫撇）、「 」（橫豎）等等就冇嘞。
而家嘅「札字法」筆形歸類入面，複合筆畫都歸入折屬（亦稱彎屬）。
英文命名
編輯Unicode名稱
編輯喺Unicode（統一碼）度，漢字筆畫係用一啲歸類嘅代表字母嚟命名。代表字母取自官話拼音嘅首字母。包括：
| 字母 | B | D | G | H | N | P | Q | S | T | W | X | Z |
|---|---|---|---|---|---|---|---|---|---|---|---|---|
| 筆畫方向 |  |
 |
 |
 |
 |
 |
 |
 |
 |
 |
 |
|
| 中文 | 扁 | 點 | 鈎 | 橫 | 捺 | 撇 | 圈 | 豎 | 提 | 彎 | 斜 | 折 |
| 普通話拼音 | Biǎn | Diǎn | Gōu | Héng | Nà | Piě | Quān | Shù | Tí | Wān | Xié | Zhé |
筆畫嘅具體命名，已經列咗喺上面「漢字筆畫名稱表」嘅「英文名稱」欄入面。帶括號嗰啲，表示Unicode認爲嗰種筆畫可以合併，並未獨立列出嗰種筆畫，因此標註上合併筆畫嘅名稱。
然而，有一啲筆畫嘅命名，並唔完全符合上表。例如「SWZ」來自「豎彎左（Shù Wān Zuǒ）」，當中嘅「Z」唔係上表所示嘅「折」。又如「 」喺被合併至「捺（N）」前，係定名作「PN」嘅，呢個英文名來自「平捺（Píng Nà）」，當中嘅「P」唔係上表所示嘅「撇」。「平」字指嘅係扁平，如果按照規則，應該定名作「扁捺（BN）」先至啱。
又如「HZZZG」即「橫折折折鈎」，但第一同第二個折嘅角度都遠遠少於90度。「HZZP」即「橫折折撇」、「PZ」即「撇折」等筆畫嘅「折」字亦一樣，唔符合折曲大約90度嘅規定。又如「HZZP」即「橫折折撇」嘅前半部分，同「HPWG」即「橫撇彎鈎」嘅前半部分，其實係一樣嘅，但係就分別用咗「HZ（橫折）」同「HP（橫撇）」兩種唔同嘅命名。
傳承名稱
編輯喺傳承字形標準化文件入面，漢字筆畫亦係以一啲歸類嘅代表字母嚟命名。爲便於國際化，以及方便唔係講官話、而係講其他漢語嘅人，字母係取自英文意譯嘅首字母。而且爲免混淆，呢啲代表字母分成兩類。
第一類係代表基本筆畫（Basic stroke）嘅字母：
| 字母 | H | V | T | P | D | U | C | A | J | O |
|---|---|---|---|---|---|---|---|---|---|---|
| 筆畫形狀 |  |
 |
 |
 |
 |
 |
 |
 |
 |
|
| 中文 | 橫 | 豎 | 撇 | 捺 | 點 | 挑 | 彎 | 曲 | 鈎 | 圈 |
| 英文 | Horizontal | Vertical | Throw | Press | Dot | Upward horizontal |
Clockwise curve |
Anticlockwise curve |
J-hook | Oval |
第二類係代表變化形態（Deformed）嘅字母：
| 字母 | F | W | S | L | R | E | N | I | M | Z |
|---|---|---|---|---|---|---|---|---|---|---|
| 變化形態 |  |
 |
 |
 |
 |
 |
 |
 |
 |
|
| 中文 | 扁 | 直 | 斜 | 左 | 右 | 長 | 短 | 倒 | 反 | 折 |
| 英文 | Flat | Wilted | Slanted | Left | Right | Extended | Narrowed | Inverted | Mirrored | Zag |
基本筆畫組成複合筆畫（Compound stroke）嗰陣，通常組合嘅地方都會有折。因此喺複合筆畫嘅名稱裏，即使將「折（Z）」省略掉，都唔會構成誤會。爲免名稱冗長，傳承筆畫名稱一般都會省略「折（Z）」。
電腦應用
編輯Unicode嘅「中日韓筆畫（CJK Strokes）」區（U+31C0–U+31EF）收納咗36種筆畫：
| 中日韓筆畫（CJK Strokes）[1] Unicode.org chart (PDF) | ||||||||||||||||
| 0 | 1 | 2 | 3 | 4 | 5 | 6 | 7 | 8 | 9 | A | B | C | D | E | F | |
| U+31Cx | ㇀ | ㇁ | ㇂ | ㇃ | ㇄ | ㇅ | ㇆ | ㇇ | ㇈ | ㇉ | ㇊ | ㇋ | ㇌ | ㇍ | ㇎ | ㇏ |
| U+31Dx | ㇐ | ㇑ | ㇒ | ㇓ | ㇔ | ㇕ | ㇖ | ㇗ | ㇘ | ㇙ | ㇚ | ㇛ | ㇜ | ㇝ | ㇞ | ㇟ |
| U+31Ex | ㇠ | ㇡ | ㇢ | ㇣ | ||||||||||||
注釋
| ||||||||||||||||
大家可以睇到，有好多筆畫，Unicode都冇收錄。當中有唔少係因爲被Unicode當成可以同其他筆畫合併，例如：
- 斜橫（
）被當成可以同橫（
）合併。 - 斜豎（
）、右斜豎（
）被當成可以同豎（
）合併。 - 左點（
）、直點（
）被當成可以同點（
）合併。 - 橫捺（
）、挑扁捺（
）被當成可以同挑捺（
）合併。 - 扁捺（
）被當成可以同捺（
）合併。 - 橫斜（
）被當成可以同橫撇（
）合併。 - 挑鈎（
）被當成可以同橫鈎（
）合併。 - 橫撇鈎（
）、挑撇鈎（
）被當成可以同橫豎鈎（
）合併。 - 橫曲鈎（
）被當成可以同橫捺鈎（
）合併。 - 豎橫撇（
）、撇橫撇（
）被當成可以同豎橫豎（
）合併。 - 撇橫（
）被當成可以同豎橫（
）合併。 - 撇橫彎鈎（
）被當成可以同豎橫彎鈎（
）合併。 - 直撇點（
）被當成可以同撇點（
）合併……等等。
然而，喺部份標準裏面，呢啲筆畫係唔可以合併嘅。例如明體嘅「辶」部，如果將佢嘅挑扁捺更換成捺，字形唔單止會變得詭異，甚至可能被視爲錯字。「夨」字嘅撇橫撇，如果換做豎橫豎，亦都只會變成錯字。又例如橫曲鈎同橫捺鈎喺傳承字形推薦形體裏面，亦都有區分，係唔能夠相混嘅。呢啲冇收錄入Unicode裏面嘅筆畫，可能只係喺某啲字、某啲情況裏同第二啲筆畫相通，並唔一定喺任何情況下，都能夠用別嘅筆畫取代。
另外有少數喺香港增補字符集入面嘅筆畫或單筆畫漢字，喺舊版入面放喺私人造字區裏，喺新版嗰陣改爲對應到「中日韓統一漢字」嘅「擴展B（Ext-B）」區。連同部份單筆畫漢字如下：
| 編碼 | 筆畫 | 舊版編碼 | 備註 |
|---|---|---|---|
| 2E84 | ⺄ | 形近「㇈」(31C8)。唔少字型將2E84整成橫捺鈎，將31C8整成橫曲鈎。 | |
| 3007 | 〇 | 形同「㇣」(31E3)。 | |
| 4E00 | 一 | 形同「㇐」(31D0)。 | |
| 4E28 | 丨 | 形同「㇑」(31D1)。 | |
| 4E3F | 丿 | 形近「㇓」(31D3)，但亦有字型整成形近「㇒」(31D2)。 | |
| 4E36 | 丶 | 形同「㇔」(31D4)。 | |
| 4E40 | 乀 | 形近「㇝」(31DD)，但亦有字型整成形近「㇏」(31CF)。 | |
| 4E41 | 乁 | 形近「㇝」(31DD)。 | |
| 4E59 | 乙 | 形同「㇠」(31E0)。 | |
| 4E5A | 乚 | 形同「㇟」(31DF)。 | |
| 4E5B | 乛 | 形同「㇖」(31D6)。 | |
| 4E85 | 亅 | 形同「㇚」(31DA)。 | |
| 200C9 | 𠃉 | ||
| 200CA | 𠃊 | F311 | 形同「㇗」(31D7)。 |
| 200CB | 𠃋 | F30E | 撇挑，非撇橫。同「㇜」(31DC)唔同形。 |
| 200CC | 𠃌 | 形近「㇆」(31C6)。唔少字型將200CC整成橫撇彎，將31C6整成橫豎彎。 | |
| 200CD | 𠃍 | F30B | 形同「㇕」(31D5)。 |
| 200CE | 𠃎 | 形近「㇘」(31D8)。 | |
| 200D1 | 𠃑 | F30A | 形同「㇞」(31DE)。 |
| 2010C | 𠄌 | F308 | 豎挑，非豎橫。形同「㇙」(31D9)，但同「㇗」(31D7)唔同。 |
| 2010E | 𠄎 | F316 | 形同「㇡」(31E1)。 |
| 21FE8 | 𡿨 | F30F | 形同「㇛」(31DB)。 |
筆畫數最多嘅漢字
編輯
睇埋
編輯註釋
編輯- ↑ 喺《第一批異形詞整理表》入面規定，“筆畫”係規範詞形。
參考文獻
編輯引用
編輯- ↑ 1.0 1.1 李家樹、吳長和：《漢字的演變和發展趨向》，香港：香港大學出版社, 2005年12月1日。頁137。
- ↑ 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 2.13 2.14 傳承字形標準化文件：《傳承字形筆畫表》
- ↑ 中華民國敎育部：常用國字標準字體筆順學習網 互聯網檔案館嘅歸檔，歸檔日期2010年8月26號，.
- ↑ 4.0 4.1 4.2 李郁周：《書寫與書法論集》，臺北，蕙風堂，1996年。
- ↑ Proposed additions to the CJK Strokes block of the UCS (PDF), 表意文字小組, 2006年4月3日, pp. 頁3
{{citation}}: Cite has empty unknown parameter:|1=(help) - ↑ 6.0 6.1 《傳承字形筆畫表》，傳承字形標準化文件，2017年11月22日，頁 頁2
{{citation}}: Cite has empty unknown parameter:|1=(help) - ↑ 見於《字彙補》、《漢語大字典》
- ↑ 見於《中文大辭典》、《大漢和辭典》
- ↑ tron
- ↑ IRGN 1250 -- Japan: Request for Removal of Characters from CJK D work. 2006.11.17
來源
編輯- Unicode：CJK Strokes, Range: 31C0–31EF
- The Unicode® Standard Core Specification：Appendix F - Documentation of CJK Strokes
- IRG Rapporteur：Proposal to add twenty strokes to Unicode（此計劃書喺2007年7月30日嘅Unicode Pipeline Stage 6上獲通過。）
- 傳承字形標準化文件：傳承字形筆畫表
- 中華民國敎育部：國字筆畫併類表
- 中華人民共和國教育部 國家語言文字工作委員會：信息處理用GB 13000.1字符集漢字部件規範
- 中華人民共和國教育部 國家語言文字工作委員會：GB13000.1字符集漢字折筆規範
- Tom Bishop、Richard Cook：Character Description Language (CDL): The Set of Basic CJK Unified Stroke Types
- Yannis Haralambous：Seeking Meaning in a Space Made out of Strokes, Radicals, Characters and Compounds
- 小學第三學年華文課程說明：漢字筆畫名稱表