維基百科

油潑扯麵

油潑扯麵（粵拼：jau4 put3 ce2 min6），陝西當地嗌「麵」（粵拼：beng2 beng2 min6）[未記出處或冇根據]，係陝西關中地區流行嘅傳統風味麵食，屬扯麵，通過搓、抻、捹、扯呢啲步驟嚟整，麵又闊又厚，似「褲頭帶」，口感勁，食之前放各種「臊」或「辣嘢」而令味道又辣又香。佢喺關中十大怪有「扯麵像褲頭帶」嘅稱呼。

麵
嘅一種常見寫法（58畫）
字嘅一種筆順

「」係書寫最複雜、筆劃最多嘅中文字，最常見字型係58畫，另有寫法有成71畫[1]。

讀音同字型

編輯

讀音來源

編輯
 
「 」字拓片，小篆體，年代唔知。其寫法右側為「刂」，內含「糸」，「穴」下無「工」或「九」，「心」位於「月」與「刂」之內[2]。

關於「 」字嘅讀音點嚟講法好多，民間有七種講法，大多數都同擬聲有啦掕，其中五種都係整麵嗰陣會「BiángBiang」聲噉響而有呢個名，亦有啲話喺古代洗衫時用棍搏衫時出嘅聲[3]，或者由古文獻成日出現嘅「餅」字轉成兒化音而嚟[4][5][6]。

字型同歌謠

編輯

  麵喺陝西關中地區廣泛流傳，各地「 」傳統寫法唔一樣，衍生出十幾種寫法。各種寫法筆劃，最少嘅五十四劃，最多嘅有七十一劃以上[1]。對應「 」字，民間流傳有歌謠對應寫法，但各地亦流傳有唔同版本。

以「六書」理論嚟講，「 」字屬會意造字。

另外，關中亦有啲人將佢寫成「奤」字，好明顯話成麵比較闊，但發音都讀「biáng」[7]。

爲咗方便記住「𰻝」字，民間流傳對應寫法嘅歌謠，歌謠基本解釋如下：

歌謠（粵語翻譯）內容 含意
一點飛上天 最頂部寫一點（直點或頓點都得）。
黃河彎兩邊 點下加一個左右兩端彎落去嘅「冖」，組成「宀部件」。
八字擘大口 「宀部件」下面寫「八部件」。
言字入去唞 裏邊寫「言部件」。
左一扭，右一扭 「言部件」左右各寫一個「繑絲邊」，即「幺部件」或「糸部件」。
左一長，右一長 再下面嘅左右兩邊，各寫一個「長部件」。
中間夾住隻馬大王 兩個「長部件」之間寫「馬部件」。
心字底 下面寫「心部件」。
月偏旁 左邊寫「月部件」或「肉月邊」。
留個鈎仔掛麻糖 右邊加個好似鈎嘅部件，多數係「刂部件」或「戈部件」，亦有形似訛變做「ㄘ、丁、寸、才」。
推架車車逛咸陽 最後寫一個大大嘅「辶部件」載住上述各部件。

不過，歌謠喺各地流傳嘅版本都不盡相同。下表顯示了呢個字嘅一啲字形同埋歌謠。

字型 畫數 構字式 歌謠（粵語翻譯）同說明 流傳區域
  58畫 ⿺⻍⿳⿱宀八⿲月⿱⿲幺言幺⿲長馬長刂心 一點飛上天，黃河彎兩邊，八字擘大口，言字入去唞；左一扭，右一扭；左一長，右一長；中間放隻馬大王。心字底，月偏旁，留個鈎仔掛麻糖，推架車車入咸陽。[7][8] 各區域都較爲常見
★ 呢個表嘅畫數，基本上依傳承字形計算。除咗個別指明適用地區或字型嘅字形，佢哋會按嗰個指定情況嘅畫數計算。
  • 歌謠中的「左一扭右一扭」、「你一扭我一扭」等等，可以寫做「幺」或「糸」。「糸」喺臺灣手寫同中國標準度變形做「糹」，但唔簡化做「纟」。
  • 兩個「糸」與「言」組成「䜌」，依《簡化字總表》可類推簡化作「亦」。但兩個「幺」同「言」嘅組合無法推類簡化。「言」都唔簡化做「讠」。
  • 「馬」依傳承字形統一計算做10畫，「马」計算做3畫。
  • 「長」統一計算做8畫，「长」計算做4畫。
  • 歌謠中的「鈎仔」，多數寫做「刂」，亦可以寫做「戈」，甚至仲有寫成「ㄘ、才、寸、丁」等變形。
  • 「⻍」依傳承字形統一計算做4畫。除非講明係臺灣手寫「⻎」或中國標準「⻌」，先至計算做3畫。
  57畫 ⿺⻎⿳⿱宀八⿲月⿱⿲幺言幺⿲長馬長刂心 同上。係臺灣手寫。
  • 採用部件：⻎（手寫辵部，算作3画）、⺼（肉月部）、幺言幺
  57畫 ⿺⻌⿳⿱宀八⿲月⿱⿲幺言幺⿲長馬長刂心 同上。係國標繁體字字形（《通用規範漢字表》風格嘅繁體）。
  • 採用部件：⻌（單點，算作3画）、月、幺言幺
  42畫 ⿺⻍⿳⿱宀八⿲月⿱⿲幺言幺⿲长马长刂心 同上。係上面三種字形嘅簡體寫法。
  • 採用部件：⻌（單點，算作3画）、月、幺言幺
 各區域都較爲常見
  64畫 ⿺⻍⿳穴⿲⺼⿱䜌⿲長馬長刂心 同上。係漢字文化圈傳統字體字型，兼顧字義。
  • 採用部件：⻍（雙點，算做4畫）、⺼（肉月部）、䜌
  63畫 ⿺⻎⿳穴⿲⺼⿱䜌⿲長馬長刂心 同上。係臺灣手寫。
  • 採用部件：⻎（手寫辵部，算做3畫）、⺼（肉月部）、䜌
  63畫 ⿺⻌⿳穴⿲月⿱䜌⿲長馬長刂心 同上。係國標繁體字字形（《通用規範漢字表》風格嘅繁體）。
  • 採用部件：⻌（單點，算做3畫）、月、䜌
  35畫 ⿺⻌⿳穴⿲月⿱亦⿲长马长刂心 同上。係國標簡化字字形。（《通用規範漢字表》風格嘅簡體）。
  • 採用部件：⻌（單點，算做3畫）、月、亦（字形經調整，即「恋」之上）
  61畫 ⿺⻍⿳⿳宀八工⿱⿲幺言幺⿲月⿲長馬長刂心 一點上咗天，黃河彎兩邊，八字擘大口，工[注 1]字入去唞，你扭下，我扭下，放隻言入中間㗎喇，你識長，我都識長，入面坐咗隻馬大王，心字底，月偏旁，留個鈎仔掛麻糖，推部車仔遊咸陽。 較爲常見，西安等地常見
  61畫 ⿺⻍⿳⿳宀八工⿲月⿱⿲幺言幺⿲長馬長刂心 同上[9] 西安、藍田縣一帶最常見
  66畫 ⿺辶⿳⿱宀八⿲月⿱⿲糸言糸⿲長馬長戈心 一點飛上天，黃河彎兩邊，八字擘大口，言字入去唞；左一扭，右一扭；左一長，右一長；中間夾住隻馬大王。心襯底，月照光，留個鈎仔掛麻糖，推架車車逛咸陽。[7] 較爲常見
一點飛上天，黃河彎兩邊，八字擘大口，言字入去唞；左一扭，右一扭；左一長，右一長；中間夾住隻馬大王。心肚底，月肚邊，留個鈎仔掛衣裳，推架車車逛咸陽。[10] 戶縣祖庵鎮一帶
  62畫 ⿺辶⿳⿱宀八⿰月⿱⿲糸言糸⿲長馬長心 一點上咗天[注 2]，黃河彎兩邊，八字擘大口，言字入去唞；你一扭，我一扭，一下扭成呢六點六；你一長[注 3]，我一長，當中夾個馬大王；心字底，月偏旁，坐架車車逛咸陽[10] 戶縣最常見
  56畫 ⿳⿱宀八⿲月⿱⿲幺言幺⿲長馬長戈心 （同上）……攞個鈎仔掛麻糖。[10] 戶縣次常見
  64畫 ⿺辶⿳⿱宀八⿲月⿱⿲糸言糸⿲長馬長ㄘ心 一點上天玩，黃河兩大彎；八字擘大口，你一扭，我一扭，言字入去唞；你一長[注 4]，我一長，中間夾個馬二郎，心肚底，月肚旁，揳個鈎仔掛衣裳，坐架車車遊咸陽。[10] 戶縣西南部白廟一帶
  68畫 ⿺辶⿳⿻山⿰日日⿰月⿱⿲糸言糸⿲長馬長心 高高山上兩個日，言字兩邊都有絲；……心肚底，月肚旁，坐架車車遊咸陽。[10] 戶縣西南部白廟一帶
  66畫 ⿺⻍⿳⿳宀八九⿲月⿱⿲糸言糸⿲長馬長刂心 一點篤雲間，黃河兩岸彎；八字擘大口，九字入去唞；你一絲，我一絲，當中加個言進士；你一長，我一長，當中加個馬二郎；心字底，月偏旁，抌個鈎仔掛麻糖，坐架車車上咸陽[10] 戶縣渭豐鄉
  66畫 ⿺⻍⿳⿳宀八九⿲月⿱⿲糸言糸⿲長馬長丁心 同上 [10] 戶縣渭豐鄉
  67畫 ⿺⻍⿳⿳宀八九⿲月⿱⿲糸言糸⿲長馬長寸心 同上[10] 戶縣渭豐鄉
  69畫 ⿺⻍⿳⿳宀八工⿲月⿱⿲糸言糸⿲長馬長戈心 [10] 西安、咸陽
  66畫 ⿺⻍⿱⿰⿳宀八⿰月⿱⿲糸言糸⿲長馬長戈心 [10] 西安、咸陽
  70畫 ⿺⻍⿳⿳宀八王⿲月⿱⿲糸言糸⿲長馬長戈心 ……王字入去唞…… [10] 涇陽 一帶
  65畫 ⿺辶⿳⿱宀八⿲月⿱⿲糸言糸⿲長馬長才心 [5]
一點飛上天，河水流兩邊，八字擘大口，言字入去唞，左扭扭，右扭扭，你家長，我家長，當中夾個馬大王，心襯底，月照光，留個鈎仔掛麻糖，坐上車車逛咸陽。[10] 關中東部白水一帶
老哇[注 5]一點飛上天，門口黃河彎兩邊。中間八字擘大口，口出一言入去唞，你喺東邊扭一扭，我喺西邊扭一扭。左長長，右長長，中間霸住馬大王。月邊心底留個鈎，擔掛麻糖走咸陽，坐架車車逛西安。[10] 關中東部白水一帶
一點上咗天，黃河彎兩邊，八字擘大口，言字入去唞，你一扭我一扭，你一長我一長，當中加個馬大王，心字底月字旁，掛個丁丁叫馬杠，坐住車車逛咸陽。[10] 關中東部白水一帶
寶蓋頭，八字腰，左防肉月右防刀，你一扭，我一扭，中間有言唔開口，左綁長，右綁長，當中坐個馬大王，心喺底，隨軍推車送軍糧，兵掃六國走四方，保得秦王坐咸陽。[11] 唔清楚

字型構造同歌謠出處

編輯

「 」字型構造概括咗油潑扯麵嘅特性，體現咗原料、調料、製作工藝、辛勤操作、食客感受等，話陝西啲人心底好大、大苦大樂嘅性格氣質，映射咗山川嘅地理同世態而組成陝西特色嘅飲食文化[8]。

「 」字嘅部件可以連到去唔同嘅內容嚟解讀：

整麪過程[10]

編輯
  • 「穴」：揣麵[註 1]。
    當地人多數用瓷盆嚟揣。
  • 「言」：「鹽」。
    揣麵過程入面要用鹽。
  • 「九」：好耐[註 2]
    揣完麵之後，放半日咁耐。
  • 「幺」或「糸」字型，即「絞」，指搋後嘅麵團需要反複搓，先能筋道。
  • 「工」字型（部分寫法），指「功夫」，指製作過程中所嘅工夫。
  • 「馬」字型，代指「一馬平川」，指麵條十分闊，猶如褲頭帶。
  • 「長」字型，指麵條唔凈係闊，而且長。
  • 「月」字型，即「肉」，麵之中可放入肉做調味。
  • 「刂」、「戈」、「寸」、「丁」等字型，指用菜刀切，可特指關中地區嘅切麵刀。
  • 「心」字型，指一心一意。
  • 「辶」字型，即「噦」，即「車車」，古咸陽成日見嘅車。

秦人文化構造字型

編輯

陝西國際商貿學院教授傅功振稱，「 」字各部份表示咗秦人文化元素 [12]。

  • 「穴」字型，指渭河流域嘅秦人，古代穴居。
  • 「言」字型，指「鹽」，係百味之祖，對秦人飲食嚟講好緊要嘅調料。
  • 「糸」同「長」字型，體現秦人整麵過程嘅動作同喜悅。
  • 「心」字型，體現秦人忠厚朴魯、誠信熱忱嘅性情。
  • 「月」字型，通「肉」，指彪悍嘅秦人鍾意食肉，秦人為「虎狼之師」。
  • 「馬」同「戈」字型，體現秦人尚武。
  • 歌謠之中所謂「馬大王」，指秦將白起打贏趙奢後裔「馬服諸侯王」、「坐車返咸陽」嘅故仔。
  • 歌謠之中「咸陽」，突出秦地中心為咸陽。

車夫形象構造歌謠

編輯

陝西民俗學會理事靳應祿稱，「 」字表示推獨輪車賣麵車夫嘅形象[3]。戶縣大王鎮康王村有老人講，「 」字就產生喺康王村一帶，與過去嘅地軲轆車有啦掕[10]。

  • 「一點飛上天」，指賣麵車夫嘅草帽。
  • 「留個鈎仔掛麻糖」，指掛嘅麻糖。
  • 「東一扭，西一扭」，指推車走路時左右扭動以保持平衡。
  • 「左一長，右一長」，指車幫上搭著嘅長形麵袋。
  • 「馬」字同「穴」字，分別代表咗男、女。
  • 發音「Biáng」形容肚餓時食麵，嘴裏頭發嘅聲，同時暗指性交，將「食、色、性」黐埋一齊。

第啲講法

編輯

咸陽市有研究者認為 字歌謠係秦始皇大軍嘅「軍歌」，藉以展現虎狼之師嘅魄力。

亦有講法話，呢支歌仔係秦國嘅招賢令，用嚟招攬六國賢士歸秦[3]。

造字傳說同埋研究

編輯
 
西安一間賣  麵嘅舖頭
而呢間舖個 字係噉寫嘅： 

關於「 」呢隻字嘅造字同點嚟嘅講法勁多，民間傳說好多都係夾硬解釋。

無名秀才造字傳說

編輯

民間傳說「 」字係民間一個冇名嘅秀才造出嚟嘅，但係就唔知咩時代。

據講，好耐好耐以前有個窮到燶又餓到打嗮鼓嘅秀才趕去咸陽嗰陣，咁啱經過間麵檔，聽到入面傳嚟「Biáng——Biáng——」噉嘅整麵聲，跟住走入去吔咗碗色香味俱全嘅麵，而啲麵闊到似足褲頭帶噉。

佢吔完，點知冇錢埋唔到單，就喊住噉囈（ngai1）麵檔老細可唔可以寫隻字嚟頂數。佢按照店家「BiángBiáng麵」嘅發音，感慨自己身世，於是一路唱歌：「一點飛上天，黃河彎兩邊；八字擘大口，言字入去唞，左一扭，右一扭；西一長，東一長，中間夾住隻馬大王；心字底，月字旁，留個鈎仔掛麻糖；推咗架車逛咸陽」，一路寫低咗「 」呢隻字[3]。

秦始皇造字傳說

編輯

又有傳說話「 」字係秦始皇下令造嘅。

據講，秦朝嗰陣，咸陽街頭有個伯爺公推車沿街一路嗌一路賣BiángBiáng麵，由渭河攞水，見食客，就用力拉麵團，直到變成又長又闊，掟入滾水煮熟，入碗加調料同油。

住咸陽嘅秦始皇食厭咗山珍海味。一個宦官出街買咗碗「BiángBiáng麵」畀佢，秦始皇見到即刻有嗮食神，更加當佢係「御用麵」，唔畀平民係噉意就食到，亦因為噉佢就整個咁𠮩𠹌嘅字出嚟，令百姓寫唔出[3]。

清初洪幫圖符研究

編輯
 
重慶一帶嘅zuí字[13]
 
四川一帶嘅zuí字[13]
 
潮州話地區嘅soih4字[14][15]

喺四川盆地，流傳住兩個婦孺皆知嘅複雜漢字「 」同「 」 ，佢哋嘅內部結構同「 」字好類似。類似結構嘅漢字喺十幾個省市流傳，300幾年嚟都有出現，但淨係喺民間度流傳，從來冇傳統典籍收錄。

重慶一帶嘅「 」字同四川一帶嘅「 」字，都讀做「zuí」，即係當地​方言入面嘅「賊」，意指強盜。為咗方便記憶，佢哋同樣亦有歌謠對應[注 6][注 7]，喺當地鄉村中人人都識背誦。[16][13]

有觀點認為，呢啲漢字同清初東南沿海地區啱啱興起嘅洪幫圖符極之類似，可能係洪幫隱語秘符，由於洪幫各派係由南至北噉樣擴展傳播，呢種圖符亦因為噉傳播各地，尤其係四川盆地，演化為漢字。 [13]

 
洪幫開香堂所掛圖符[17]
 
洪幫開香堂，其右上角掛有圖符[17]

喺而家仲留存緊嘅資料度顯示，洪幫興起初期，東南沿海一帶嘅開香堂佈置入面有圖符[17]與四川盆地流行嘅「 」同「 」兩隻字幾乎成個餅印噉。

由於洪幫歷嚟都有組裝祕字用嚟做隱語嘅傳統[注 8]，我哋可以用拆字法解讀呢個圖符：[13]

  • 上部「亠、二、口、糸、糸」同下部「心」（小篆體）構成咗「戀」字，指「留戀」 [注 9]。
  • 左右兩旁嘅「月」同「戈」（或「刂」）喺圖符中原為對稱形狀，如新月初升，指「月」[注 10]，省寫代指「明（朝）」。
  • 中部嘅「馬」、「長」同下面嘅「辶」，隱含「一馬當先」、「馬行千里」、「長途跋涉」之類含義。

所以，圖符入面可能隱含「留戀大明，一馬當先」噉嘅意思。喺傳播過程入面，可能慢慢發生變化，最終演化成當地民間字符，傳播越遠，字型變化亦都可能越大。可以睇得出，四川盆地嘅「 」同「 」兩字省略咗「辶」，而陝西嘅「 」字加咗「穴」字頭。

得意嘅係呢個字流傳到潮州話地區嗰陣，畀當地民眾覺得同「戀愛」個「戀」字同義，不過讀音唔同，喺江夏懋亭氏編著嘅《彙集雅俗通十五音全本》中，收入潮州話「雞」部（oi）、「時」母（s）、陰入調，讀音爲「soih4」，同當地話「𩐅椅腳」、「𩐅齒縫」（廣東話叫「楔凳腳」、「楔牙罅」）個「𩐅」字同音[14]。根據《潮汕十八音字典普通話對照》，呢個字同「戀」字係同義唔同字、唔同音，各部件都可以解釋戀愛嘅狀態：「言」談，係戀愛嘅中心；「絲」係「纏綿」二字嘅偏旁；「日」、「月」同兩個「長」代表時時刻刻、長長久久，戰「馬」同「干戈」反映三角戀同情敵爭持嘅情況。當地人認爲呢個字形將戀愛描述得錯綜複雜、淋漓盡致[15]。

對比四川盆地一帶嘅「zuí」字同埋洪幫開香堂嘅圖符，呢個「soih4」字亦都相當似，淨係多咗「日」同「干」兩嚿嘢。若果洪幫圖符入面嘅「月」係「明朝」（大明）個「明」字嘅省寫，「soih4」嘅寫法就係「日」同「月」齊現。而「干」同「戈」都係武器。可以相信呢個「soih4」字嘅字形，亦係同一來源[18]。

呢個「soih4」字仲未獲統一碼收錄。王謝揚（Xieyang Wang）喺2017年已經向Unicode申請收入呢個字。[19]

辭書收錄

編輯

電腦輸入同顯示

編輯

收錄入統一碼

編輯

喺2006年，井作恒（John Jenkins）同康立論（Lee Collins）喺電郵傾過之後，就交咗「 」字，比而家嘅字形少咗個「心部件」[21]。然而，呢個字交到IRG之後，喺2007年，Marnen Laibow-Koser指出井作恒畀出嚟嘅構字式（IDS序列）爲「⿺辶⿱穴⿰月⿰⿲⿱幺長⿱言馬⿱幺長刂」，佢嘅長度係18個碼位，唔符合當時《核心規約》入面長度唔可以超過16嘅規定[22]（後來《核心規約》刪去咗呢個限制）。2008年，TCA同埋日方認爲呢個提案嘅字「字形模糊」，應該要釐清[23]。2009年，呢個字轉移到中日韓統一表意文字擴展區E提案後，山本知（Yamamoto Satoshi）指出佢缺少咗「心部件」呢個問題[24]，最終呢個字嘅提案畀人移除咗。喺「急用漢字」區嘅收錄討論度，與會者亦都傾過呢個字，最終日方同韓方代表認爲佢唔算急用[25]，只可以移去審議擴展區G收錄字嘅WS 2015中。[26]

同時，范銘（Ming Fan）[27]向統一碼提交增收「 」字嘅申請。其後，喺統一碼審議新字收錄嘅WS 2015度，呢個字嘅正體代號爲UTC-00791，以胡勁濤、孫立新、史鵬飛等著作嘅《都市方言辭典（陝西卷）》作爲證據；佢嘅類推簡化字則爲UTC-01312，使用嘅證據爲施韻佳、梁貴紅、崇蓉蓉等喺《重慶科技學院學報（社會科學版）》發表嘅文章〈Biáng形紋樣探究〉[28]。遺憾嘅係，提交嘅字形與引用證據之間有差異，正體嘅提交字形係呢個字最常見嘅寫法「 」，但引用證據中入面嘅寫法，卻少咗「刂部件」而且「月部件」變大咗，寫成「 」；簡體的提交字形爲「 」，但係引用證據嗰篇文章中顯示嘅對應正體係「 」，「刂部件」變成了「戈部件」，兩個「幺部件」亦變成「糸部件」。呢啲字形差異唔只引起討論[29]，仲引起過意料之外嘅衍生提案，譬如日本嘅鈴木俊哉（Suzuki Toshiya）提出過「中日韓合體表意字符（CJK Complex Ideographic Symbol）」呢個概念，以「 」字嚟兼容各種異體，甚至可以容許「 」噉樣的字[30][31]。

卒之，呢個漢字喺2020年3月10號更新嘅Unicode 13.0版本裏面，畀統一碼聯盟收錄喺中日韓統一表意文字擴展區G區塊入面。[32][33][34][35] 正體字嘅編碼係U+30EDE 𰻞 ，簡化字嘅編碼係U+30EDD 𰻝 [36]。

思源字體

編輯

思源宋體同埋思源黑體通過組字嘅特性，可以將「⿺辶⿳穴⿰月⿰⿲⿱幺長⿱言馬⿱幺長刂心」顯示做「 」。

2.000版起嘅思源黑體已經收錄呢隻字，但由於嗰陣統一碼都仲未發佈，喺更新前都仲未可以正常噉用。[37]

飲食民俗

編輯

民間歌謠

編輯

關中民謠有支歌仔係噉樣唱嘅：

「
八百里秦川塵土飛揚
三千萬老陝齊吼秦腔[注 13]
調[注 14]一老碗  麵喜氣洋洋
沒放油潑辣子嘟嘟囔囔[注 15]
 」

賈平凹將佢概括為：

「
一老碗麵，吼著秦腔，沒辣子，嘟嘟囔囔
 」

呢展現咗關中剛烈火辣嘅秦風秦味，以及佢哋對  麵同油潑辣子嘅熱愛[38][39]。

關中俗諺：

「
打出嘅媳婦，搓出嘅麵
 」

意指過門新婦 san1 pou5需要打罵令佢聽話，整  麵亦都要反覆搓壓先有「筋道」[38]。

陝西民謠：

「
食麵要食  子，聽戲要聽桄桄子
 」
「
一碗麵，一折戲，看咗秦腔去種地
 」

意指  麵同秦腔對百姓生活嘅重要性。 [40]

民間傳說

編輯

康熙皇帝相關傳說

編輯

相傳，清朝康熙皇帝扮成商人巡查西北地區，路過陝西省臨潼縣魚池村嗰陣，借住喺一戶房姓人家，房家攞  麵嚟招待。康熙好鍾意呢隻面，有讚冇彈，乘機問佢款麵點整，房家人話：「紅嘴綠葉玉石板，金色魚兒浮水面，釜中兩沸即成餐」，並且詳細噉交待咗原料、配料同製作方法。康熙返京之後命御膳房烹製，但都唔成功，就嗌房氏入京幫佢整  麵。為咗多謝佢，皇帝恩准魚池村唔使納糧。因此名震天下[1]。

市場與文化推廣

編輯
 
嗌做「Noodle King」嘅  麵連鎖店（西安南院門總店）

  麵喺關中地區同埋城市都極之流行，陝西西安呢啲地方有好多  麵檔，北京等外地城市都有  麵檔賣呢款麵。

近年嚟，一間個名嗌做「Noodle King」嘅  麵連鎖店喺西安同埋第啲城市都開咗好多分店，將  麵品牌化運營。

2003年12月，西安眼鏡山野人家嘅眼鏡山野  麵俾中國烹飪協會認定做第三屆「中華名小食」[41]。

作為陝西麵食嘅代表之一，加上獨一無二嘅讀音同埋字型，  麵有住豐富又獨特嘅民俗文化。 2009年10月，西安市非物質文化遺產保護中心喺  麵故鄉嘅戶縣康王村組織咗  麵「老碗會」，當地村民希望將呢款麵嘅製作技藝申報非物質文化遺產，咁樣一嚟仲可以打造專營  麵嘅餐飲旅遊村[11]。

註

編輯
  1. ↑ 喺關中方言入面叫「搋麵」。
  2. ↑ 實際係「久」字演變而嚟，因為舊時個「九」同「久」係通假字。
  1. ↑ 網上流傳呢句時將「工」寫成「二」，現實中唔見有類似字型，懷疑「二」字係「工」字之誤。
  2. ↑ 又作「飛上天」
  3. ↑ 讀coeng4
  4. ↑ 讀zoeng2
  5. ↑ 即烏鴉，「烏鴉」合音爲「哇」
  6. ↑ 重慶一帶「 」字歌謠為：「一點一橫長，二字下來口字方；兩邊絲繞繞，拉根板凳來坐倒；你也長，我也長，中間夾個馬兒郎；心字來打底，月字來包牆，打個金鈎銀鈎掛衣裳。」
  7. ↑ 四川一帶「 」字嘅常見歌謠為：「一點一橫長，二字口言旁；絲繞對絲繞，長對長，中間一個馬兒郎。心在底，月在旁，兩個鈎鈎照月亮。」，綿陽一帶為「……兩邊絲繞繞，馬兒郎，長又長，心字底，月字旁，扯根金鈎鈎掛衣裳，揀砣石頭砸你娘。」，巴中一帶為「……兩橫下面口字方；兩邊絲繞繞……你也長，我也長，中間來個馬大王；用心來打底，用月來相伴，金鈎銀鈎掛衣裳。」
  8. ↑ 洪幫傳統上有「一片丹心」、「反清」、「復明」等詞構成嘅組裝字。
  9. ↑ 「戀」字嘅傳統書法中，成日將「亠」頭擴大覆蓋全字。見書法字典：戀 互聯網檔案館嘅歸檔，歸檔日期2019年9月24號，.
  10. ↑ 「月」字喺甲骨文同金文中常寫作鈎狀新月樣式。
  11. ↑ 《漢語大字典》「辶」部中筆畫最多字係30畫嘅「𨙧」，《[ [中華字海]]》辶部中筆劃最多字係36畫嘅「 」。
  12. ↑ 喺《中國方志庫》同《中國基本古籍庫》中檢索歌謠內容暫時無果。
  13. ↑ 又作“三千萬人民高唱秦腔”
  14. ↑ 表示“食”，又作“食”
  15. ↑ 又作“沒有油潑辣子嘟嘟囔囔”，又作“油潑辣子少咗嘟嘟囔囔”

攷

編輯
  1. ↑ 1.0 1.1 1.2 趙淑蘭 (2009)。"話說關中  麵"。《陝西檔案》 (06)。
  2. ↑ 謝琳 (2010)。〈民間漢字藝術的形態與心態〉。《藝術探索》 (01)。
  3. ↑ 3.0 3.1 3.2 3.3 3.4 黃曉峰. Biang字的背後. 中國文化報. 2009-10-28.
  4. ↑ 范紫東。《關西方言考》。
  5. ↑ 5.0 5.1 張志春 (2008)。〈他山之石,可以攻玉——借助考古與方言學研究重構歷史記憶的麵食意象〉。《咸陽師範學院學報》 (05)。
  6. ↑ 任克 (1995)。《關中方言詞語考釋》。西安地圖出版社。頁 14-15。
  7. ↑ 7.0 7.1 7.2 梁澄清 (2009)。〈再說biangbiang麵〉。《咸陽師範學院學報》 (01)。
  8. ↑ 8.0 8.1 喻文華 (2009)。〈中國傳統漢字編排設計的研究與應用〉。《首都師範大學碩士論文》。
  9. ↑ 劉萬興 (2003)。《方塘集》。西安：三秦出版社。
  10. ↑ 10.00 10.01 10.02 10.03 10.04 10.05 10.06 10.07 10.08 10.09 10.10 10.11 10.12 10.13 10.14 10.15 孫立新 (2009)。""biáng"字的文化解讀"。《咸陽師範學院學報》 (05)。
  11. ↑ 11.0 11.1 〈陝西八大怪中biangbiang麵的"biang"要申遺〉。三秦都市報。2009-10-22。原著喺2009-10-25歸檔。喺2011-01-20搵到。
  12. ↑ 傅功振 (2010)。〈秦音·秦字·秦人——也談biángbiang麵〉。《咸陽師範學院學報》。25 (1)。
  13. ↑ 13.0 13.1 13.2 13.3 13.4 余云華 (2002)。"怪字「 」、「 」、「 」考"。《民俗研究》 (02)。
  14. ↑ 14.0 14.1 江夏懋亭氏：《匯集雅俗通十五音全本》，1916年，頁14。
  15. ↑ 15.0 15.1 楊揚發:《潮汕十八音字典普通話對照》，汕頭：汕頭大學出版社，2001年7月，頁21，ISBN：7-81036-134-1
  16. ↑ 王純五 (1993)。《洪門·青幫·袍哥——中國舊時民間黑社會習俗》。四川：四川人民出版社。頁 71。ISBN 7-220-02058-9。
  17. ↑ 17.0 17.1 17.2 郭緒印 (1997)。《洪幫秘史》。上海：上海人民出版社。頁 67。ISBN 7-208-02244-5。
  18. ↑ 內木一郎：【知乎】一個順口溜的字，請問是什麼？——內木一郎嘅回答
  19. ↑ 王謝揚：Proposal to add one ideograph used in Teochew Dialects to UAX #45，2017年4月3日。
  20. ↑ 胡勁濤、孫立新、史鵬飛編著 (2008)。《都市方言辭典（陝西卷）》。陝西：太白文藝書版社。
  21. ↑ 井作恒：Proposed UTC C2 Submission. L2/06-364.
  22. ↑ Marnen Laibow-Koser：Re:Composition of not included Chinese characters.[失咗效嘅鏈]
  23. ↑ Chen Zhuang：CJK D V3.0 direction. IRG N1440.
  24. ↑ CJK Ext. E 6.0. Editorial Group. IRG N1597.
  25. ↑ 小林劍：IRG 41 Liason Report. L2/13-234.
  26. ↑ Kushim Jiang：如何看待 Unicode 13 收录 biang（U+30EDE）字？
  27. ↑ 陳永聰：《【知乎】「biáng」字怎麼讀！？——陳永聰嘅回答》，2016年12月30日。
  28. ↑ Unicode：IRG N2091R， 2015年11月2日
  29. ↑ 例如日本代表喺WS 2015第二版檢查時，指出引用證據存在嘅問題，見Japan Review on IRG Working Set 2015 ver 2.0 (IRGN2155: p.314-456)，2016年8月19日
  30. ↑ 鈴木俊哉：Proposal to add new block “CJK Complex Ideographic Symbols” (WG2 N4796)，2017年4月1日
  31. ↑ 陳永聰：《未竟集：現在我們是否需要一個新的表意文字區塊？》 互聯網檔案館嘅歸檔，歸檔日期2020年3月28號，.，2017年5月4日
  32. ↑ Unicode Technical Report #45
  33. ↑ 表意文字小組協會文件 UTC-00791
  34. ↑ "Unicode 13.0 Versioned Charts Index". www.unicode.org. 喺2020-03-10搵到.
  35. ↑ "Unicode 13.0.0". unicode.org. 喺2020-03-10搵到.
  36. ↑ Unibook Document - Additional repertoire for ISO/IEC 10646:2019 (6th ed.) CD-3, Draft (PDF)
  37. ↑ "Source Han Sans Version 2.000 Technical Tidbits". blogs.adobe.com. 原著喺2019-05-07歸檔. 喺2019-05-07搵到.
  38. ↑ 38.0 38.1 管益農. 油潑辣子彪彪麵. 中國商報. 2003-04-15.
  39. ↑ 尹得舉 (2007)。〈文化生態和民俗文化旅遊規劃研究〉。《西安建築科技大學碩士論文》。
  40. ↑ 王鶴 (2010)。〈口碑史料嘅收集整理對傳承秦腔藝術嘅作用〉。《當代戲劇》 (06)。
  41. ↑ 〈中華名小食〉。陝西省烹飪協會。原著喺2009-03-27歸檔。喺2011-01-20搵到。

睇埋

編輯
由「https://zh-yue.wikipedia.org/w/index.php?title=油潑扯麵&oldid=2209783」收