米線

米線係對一種雲南嘢食嘅稱呼，其他地方出產嘅同樣食品有時都叫米粉，不過做法唔同；有啲時候米線同米粉係唔相同嘅，米線一般較粗，而米粉就較幼。

米線

米線用米製成，長條狀，截面係圓形，色潔白，有韌性，放落熱水煮一陣後撈出，之後放入肉湯中，可以加入蔥花、醬油、鹽、味精、辣油、肉醬，趁熱食。粉絲同佢類似，不過口感唔同。

著名嘅米線首當其衝係過橋米線。過橋米線起源於雲南蒙自，有百幾年嘅歷史。佢特殊嘅地方在於肉湯同配料：肉湯含有一層厚厚嘅雞油用嚟保溫。肉湯溫度接近滾燙，不過雞油阻止咗蒸汽嘅揮發，所以就咁睇唔出佢滾燙出來。食嗰時將切到好薄嘅豬瘦肉片同打開嘅生鵪鶉蛋放入肉湯，用筷子輕輕攪拌令生食充分燙熟。然後將米線放入肉湯，加入上述嘅其他佐料拌勻食用。