粉末

粉末，又叫粉或末，有時比喻為塵，講物質好細固體，固體整碎到好細好細，細細一堆。乾身，搖佢郁佢或者會流動。粉末大細在粒之下，粉末經已好難整到更細。粒通常唔會結成一嚿，但粉末係易啲會。

紅粉

粉末密度可，可大可小。壓佢就密啲實啲，相反就鬆啲散啲。會結成一嚿，皆因粉同粉之間，有范德華力拉埋。若果係粒呢，都有范德華力，不過本身范德華力太弱，粒本身嘅重量同慣性都遠大於佢，所以唔易結成一嚿。

若然粉末散於空中，整體表面積大過平時固體，方便化學反應。若本身燒得着，一着火就會爆炸。好似鈦粉咁，就會大爆炸，好危險。

粉末一覽

食品粉末

• 麵粉類: 小麥粉、玉米粉、米粉等，用喺烘焙同烹飪。
• 調味粉: 辣椒粉、咖哩粉、蒜粉、洋蔥粉等，用嚟調味。
• 飲品粉: 可可粉、奶粉、抹茶粉、咖啡粉等，用喺製作飲品。
• 蛋白粉: 乳清蛋白、大豆蛋白等，用喺健身同營養補充。

化工粉末

• 顏料粉: 用喺塗料、油墨同染料，例如鈦白粉、氧化鐵粉。
• 金屬粉: 鋁粉、鐵粉、銅粉，用喺金屬加工同3D打印。
• 石墨粉: 用喺潤滑同導電。
• 塑料粉: 聚乙烯粉、聚丙烯粉，用喺塑料製造。

藥用粉末

• 藥物原料粉: 用喺藥物製劑，例如阿司匹林粉、抗生素粉。
• 中藥粉: 例如人參粉、靈芝粉、黃芪粉，用喺保健同治療。
• 醫療輔料粉: 滑石粉、乳糖粉，用喺藥片製作同護膚。

工業粉末

• 建築材料粉: 水泥粉、石膏粉、石灰粉，用喺建築工程。
• 耐火材料粉: 矽粉、氧化鋁粉，用喺高溫環境。
• 陶瓷粉: 用喺陶瓷製品製造。

科學與技術粉末

• 超細粉末: 石墨烯粉、碳納米管粉，用喺新材料研究。
• 磁性粉末: 鐵氧體粉，用喺磁性材料。
• 導電粉末: 金屬氧化物粉，用喺電子元件製造。

美容與個人護理粉末

• 化妝粉: 蜜粉、腮紅粉、眼影粉，用喺美容化妝。
• 磨砂粉: 杏仁粉、磨砂顆粒，用喺皮膚去角質。
• 藥用護膚粉: 爽身粉、抗菌粉，用喺皮膚保養。