化學反應

化學反應faa3 hok6 faan2 jing3係物質經化學變化而改變佢哋嘅結構、成份同埋性質嘅過程。化學反應都有原子核外電子嘅得或失，產生新嘅物質。化學反應可以分為好多唔同嘅類型，好似化合反應、分解反應呢啲。

化學反應係現代化學上最重要嘅概念之一。

分類

• 化合反應：由兩種或以上物質產生另一種物質嘅反應，例如燃燒氫氣，出水嘅反應
• 分解反應：由一種反應物產生兩種或以上其他物質嘅反應，好似石灰石受熱分解產生二氧化碳同生石灰咁
• 無機反應：指無機化合物嘅反應。
  • 置換反應/單取代反應：表示一個元素取代化合物入面嘅一個元素。例如喺鹽酸入面加鎂，產生氫氣同氯化鎂嘅反應
  • 複分解反應/雙取代反應：兩個化合物交換元素或離子形成唔同嘅化合物，好多發生喺水溶液之中。
• 有機反應：指有機化合物嘅反應。
  • 取代反應：底物同小分子物質交換原子或原子團嘅過程。
    1. 親核取代（單分子親核取代反應、雙分子親核取代反應）
    2. 親電取代（親電芳香取代）
    3. 自由基取代
  • 加成反應：底物不飽和度降低嘅過程，通常發生喺烯烴或者炔烴度。
    1. 親電加成
    2. 親核加成
    3. 自由基加成
  • 脫去反應 （消除反應）：底物不飽和度升高嘅過程，係加成反應嘅逆反應。
  • 重排反應：化合物發生結構上嘅重組，而唔改變化學組成。
  • 聚合反應：將好細嘅分子連埋，整一個好大嘅分子。
• 酸鹼反應：指酸同鹼發生作用產生「酸鹼加合物」嘅過程。呢度嘅酸、鹼可以有唔同定義：
  • 喺酸鹼電離理論裏面，酸溶喺水入面之後可以電離出水合氫離子嘅物質，鹼溶喺水之後可以電離出氫氧根離子囓物質
  • 喺酸鹼質子理論（又叫布侖斯惕-洛瑞酸鹼理論）裏面，酸可以俾質子人嘅嘢，鹼係接受質子嘅物質
  • 喺酸鹼電子理論入面，酸係接受電子對嘅物質，鹼係供應電子對嘅物質
  • 酸鹼中和：酸同鹼反應產生鹽同水。係複分解反應嘅一種。
• 氧化還原反應：指涉及電子轉移嘅反應（如：單取代反應同埋燃燒反應）。
  • 氧化：得到氧、失去電子、失去氫。
  • 還原：失去氧（得到氫）、得到電子。

方程式

喺廿一世紀嘅化學上，一場化學反應一般會攞化學方程式（chemical equation）嚟表達，一條化學方程式會用啲化學元素嘅符號嚟表示出嗰場化學反應入面有啲乜嘢元素郁咗同埋係點郁法，條式左邊嘅係反應物，而右邊嘅係反應產物，而且每嚿嘢仲會掕住個數表示每場反應要幾多粒嗰隻化學物質嘅粒子，即係好似下面條式噉：

${\ce {H2 + F2 -> 2HF}}$

喺呢場反應入面，一粒氫分子（${\ce {H2}}$）同一粒氟分子（${\ce {F2}}$）首先各自折開變成兩粒氫原子同兩粒氟原子，而佢哋再結合形兩粒氟化氫（${\ce {2}}$ 粒 ${\ce {HF}}$）分子－氫同氟呢兩種唔同嘅物質變咗做一種新物質。而除咗講清楚場反應涉及咗邊啲反應物同產物之外，一條化學方程式好多時仲會表示埋場反應產生嘅物理變化，例如放熱反應泛指發生嗰陣會釋放熱嘅化學反應，下面呢條式係表達緊甲烷（${\ce {CH4}}$）燃燒（同氧氣做反應）嘅過程：

${\ce {CH4 + 2O2 -> CO2 + 2H2O}}$；ΔH⚬ = - 890 kJ/mol

上面條式掕住嘅「ΔH⚬」係所謂嘅反應焓（enthalpy of reaction），簡單講就係反映場反應涉及嚿做反應嘅嘢出現咗幾多嘅熱能變化，負數就表示場反應釋放咗熱。化學方程式嘅做法令到寫化學嘢嗰陣唔使吓吓都出嗮場化學反應啲物質嘅全名，而且又清楚。

一嚿鎂（${\ce {Mg}}$）燃燒；齋靠肉眼就睇得出，反應前同反應後嚿嘢嘅特性唔同咗好多，而進一步嘅分析仲可以（例如）量度吓嚿嘢嘅質量變咗幾多。

睇埋

• 化學