開主選單

座標: 23°6′35.96″N 113°14′45.10″E / 23.1099889°N 113.2458611°E / 23.1099889; 113.2458611

粵海關舊址
中華人民共和國
全國重點文物保護單位
OldGzCustoms.JPG
喺邊 Flag of the People's Republic of China.svg 中國廣東省廣州市荔灣區沿江西路
近現代重要史跡及代表性建築
時代 近代
6-1015
登錄 2001年
地圖

 粵海關舊址粵拼jyut6 hoi2 gwaan1 gau6 zi2英文Mansion of the Canton Customs),簡稱粵海關jyut6 hoi2 gwaan1),第個名係大鐘樓daai6 zung1 lau4),佢係中國廣東省廣州市入面嘅其中一棟近現代重要史迹同代表性嘅建築,喺荔灣區沿江西路,附近就係沙基慘案紀念碑西堤碼頭。呢個海關喺1685年嗰陣同江海關、津海關挾埋一齊,叫「清朝三大海關」。1993年8月,呢棟嘢俾廣州市人民政府公佈為廣州市文物保護單位;2006年05月25號重俾國務院批准咗,列為第六批全國重點文物保護單位

敘述

而家睇到嘅粵海關大樓係喺1916年起好嗰棟,因為舊嘅大樓喺1913年拆咗。家陣嘅粵海關係由英國建築師大衛迪克按返歐洲嘅古典建築樣嚟設計,華昌工程公司嚟負責起,喺1916年5月起好。棟樓有4層樓高,挾埋鐘樓就有31.85米高,建築面積442l平方米,鋼筋混凝土嘅框架結構。而樓頂嘅大鐘喺1915年開,佢重係而家中國內地歷史上最長嘅英制全機械傳動式立鐘。近排由於大鐘行嘅時間太耐,重有啲零部件出現咗嚴重嘅磨損現象,搞到大鐘時間出現咗好大嘅誤差,所以政府就將個大鐘維修咗兩次,恢復返準確時間。

喺1685年(康熙二十四年),清政府就起咗中國嘅第一批海關,分別喺廣東、福建江蘇同埋浙江,其中粵海關就整咗喺而家嘅廣州天字碼頭附近。

到咗19世紀嘅後期,由於中國爆發咗兩次鴉片戰爭,廣州俾英法聯軍霸咗之後,粵海關就俾啲鬼佬睺住。嗰時沙面島屬租界,方便畀啲鬼佬辦公務,就喺而家嘅六二三路附近,起咗棟有2層樓高嘅粵海關稅務司公署。結果大樓經過幾次重新裝修之後,重係因為火燭燒冧嗮,後嚟決定喺附近重新起過辦公點,即係而家嘅「大鐘樓」。

咸豐十年(1860年),粵海關稅務司就喺而家嘅粵海關址度正式起咗棟公署(外界話呢棟嘢係「洋關」)。到咗民國三年(1914年),粵海關大樓開始逳手起,民國五年(1916年)起好。呢棟大樓落成早過1927年嘅上海江海關大樓同埋1924年嘅武漢江漢關大樓啲。

1925年4月,粵海關嘅建築相就送咗去美國建築技術賽會度擺展覽。

2006年9月12號,廣州海關嘅辦公地點正式搬走,搬咗佢天河嗰邊。而凈低嘅粵海關大樓,大門上面嘅「廣州海關」四字移咗去珠江新城嗰邊。而海關總署喺2007年2月嗰陣就經過咗國務院嘅批准同答復,之前廣州海關嘅大鐘樓就起成中國海關博物館分館。而呢個工程喺2007年8月搞掂。喺2007年12月28號重向公眾適時對外開放。

附近交通

相關書籍

  • 馬英明《粵海關史述評》,廣東廣州,廣州航海高等專科學校航海文化研究所,2006年12月
  • 李金明《清代粵海關嘅設置同關稅徵收》,福建省廈門市,廈門大學歷史研究所,1995年4月

連出去