文化公園站 (廣州)

文化公園站粵拼man4 faa6 gung1 jyun2 zaam6英文Cultural Park Station)係廣州地鐵6號綫8號綫嘅轉車站,喺荔灣區文化公園西南角。不過兩個站廳同兩個月台嘅開放時間都唔同,其中東西向站廳同6號綫月台喺2013年12月28號開放,而南北向站廳同8號綫月台喺2019年12月28號開放。

文化公園
Cultural Park
ManFaaGungJyunZaam WORD.jpg
文化公園站(6號綫)嘅站名
概覽
冧巴 608 814
位置 荔灣區文化公園嘅西南邊,沙面隔河對面東北角。
座標 23°06′32.52″N 113°14′58.96″E / 23.1090333°N 113.2497111°E / 23.1090333; 113.2497111座標: 23°06′32.52″N 113°14′58.96″E / 23.1090333°N 113.2497111°E / 23.1090333; 113.2497111
車站色     
經過路線 6 8
啟站 2013年12月28號
月台 2
站口數 4
營運資訊
車站服務時間 06:06~23:47
列車服務時間 06:11~23:42
廣州地鐵6號綫
潯峰崗 ◄黃沙 (860m) (900m)一德路► 香雪
廣州地鐵8號綫
(1km)同福西► 萬勝圍

佢既係廣州地鐵系統入面,站內其一有兩個廁所嘅車站,又係家下8號綫西北邊嘅尾站。

結構

樓層

呢個站一共有4層樓嘅地下區域,其中地下1樓係站廳,有票務設施同客務中心;地下2樓係車站設備;地下3樓係6號綫月台;地下4樓係8號綫月台。車站同大多數嘅6號綫8號綫車站一樣,冇休息室。廁所方面,喺8號綫站廳同月台範圍,唔理係免費區定收費區入面都有廁所,其中一個喺南站廳免費區範圍入面,另一個喺8號綫月台範圍南邊。而母嬰室喺8號綫月台範圍南邊嘅女廁隔籬。

打掂

地面
- 出入口
地下
一樓
站廳 自動售票機、商舖、車站警務室、安檢設施、文化牆
地下
二樓
設備區 車站設備
地下
三樓
8號綫緩衝樓 車站設備、同站廳月台連埋一齊
2月台 6號綫列車去黃沙站(行潯峰崗嗰邊)
島式月台,開左邊門
1月台 6號綫列車去一德路站(行香雪嗰邊)
地下
四樓
3月台 8號綫列車去華林寺站(行滘心嗰邊)
分離島式月台,開左邊門
4月台 8號綫列車去同福西站(行萬勝圍嗰邊)

打橫

 
文化公園站嘅6號綫站廳
 
文化公園站嘅6號綫月台
 
文化公園站嘅8號綫站廳
 
文化公園站嘅8號綫月台

站廳

呢個站嘅站廳個樣好似SF Square Head字體嘅「7」字噉,東西向係6號綫站廳,南北向係8號綫站廳,喺站廳中東邊地區屬收費區,俾好多舖頭同人行通道圍住嗮,入面有好多部扶手電梯同樓梯往返月台都得。

月台

呢個站嘅6號綫有個島式月台,喺文化公園(差唔多去到西堤二馬路)嘅地底嗰邊。而8號綫就有個分離島式月台,喺文化公園(差唔多到鎮安路)嗰邊。其中,6號綫喺上邊,8號綫喺下邊。

商鋪同自助服務

萬勝圍站嘅北站廳免費區入面有便利舖,另外重有自動櫃員機、自助影相機同埋自動販賣機,重有可以充羊城通,交水電費同交通嘅罰錢、查地鐵嘅路線、頭尾班車嘅服務。

商鋪
自助服務

出入口

呢個站一共有4個出入口,分別係A、B、D,E。雖然2017年11月14號實行咗「人過安全門,物過X光機,液體過檢測儀」嘅嚴格安檢制度,早期喺客流低峰期間,各出入口之間當成過街通道經過係毋須接受安檢而直接通過。但係遇到客流高峰期同附近有大型活動時,各個出入口之間當成過街通道經過係要接受安檢。

冧巴 標記 方位 去到邊度
站廳(6號綫
出入口A   西堤二馬路
西堤二馬路、新基路、人民南路、沿江西路、靖遠路、德興路、人民橋、廣州文化公園、文化公園巴士站(西行)、文化公園電車總站、廣州十三行博物館
出入口E 六二三路
西
十八甫南路、清平路、沙面北街、沙面大街、六二三路巴士站
站廳(8號綫
出入口B       西堤二馬路
東北
新基路、人民南路、沿江西路、靖遠路、德興路、人民橋、廣州文化公園、西堤码頭、文化公園巴士站(西行)
出入口D       鎮安路
鎮安路、杉木欄路、康王南路、十八甫路、和平東路、和平中路、十三行路、長樂路、興隆北路、康王南路巴士站、市政公廁(文化公園入面)
註:  有盲人引導徑 |   有斜道 |   有輪椅升降臺

頭尾班車信息同配線圖

配線圖

6號綫
一德路站

   
   
   
   

黃沙站

配線圖

8號綫

▲ 終點
   
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
   
   
   
   
珠江
   
行去邊頭 頭班車 尾班車
每日
6號綫
潯峰崗站 06:10 23:42
香雪站 06:14 23:04
8號綫
萬勝圍站 06:11 23:27
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站歷史

規劃

 
呢個站開通無耐,喺6號綫月台範圍事先留低咗轉8號綫嘅位

呢個站最先喺1965年嘅廣州地下電車系統規劃入面出現,嗰時係南北綫(文化公園⇄桂花崗)嘅南邊終點。到咗1988年嘅地鐵路網規劃改成初步方案4A嘅二期(文化公園⇄體育中心)終點站。位置大概喺鎮安路同六二三路交界西北邊,同而家個位差唔多。到咗1997年嘅地鐵路網規劃改成4號綫同7號綫嘅轉車車站,之後雖然路線變成而家嘅6號綫8號綫,但車站個位冇變到。

6號綫時期

工程

2006年10月,呢個站正式開始喐手起,直到2013年9月起好。

開通

2013年12月28號,6號綫一期開通之後,呢個站嘅東西方向月台正式開放[1]

8號綫

開工延誤

雖然原計劃喺2012年兩個站廳同兩綫月台一齊同步開通,但係直到2008年,因綫網調整而冇辦法一齊同時開工。嗰時定咗規劃嘅6號綫先下手為強,順手連車站北邊嘅折返綫一齊起埋。隨後雖然8號綫二期北延段一齊喐手起,但係由於同福西站附近爆出拆遷同文物保護之間嘅大龍鳳[2],令開通時間一拖再拖。

康王南路地陷事件

睇埋:康王路 (廣州)

喺2013年1月28號16點37分,康王南路杉木欄路嘅交界由於工地爆破得唔好,炸出咗個大坑。呢單地陷事件搞到有榕樹同埋舖頭俾個大坑食咗,事件冇造成人員傷亡[3]。正因為呢單嘢,原先計劃喺2013年12月28號同步開通嘅8號綫北延段到文化公園嗰橛要無限期延遲。雖然呢單地陷出現嘅大坑俾施工方填平咗,相關隧道亦重新鋪過。但冇影響到6號綫開通時間,不過影響咗8號綫起波口位。

8號綫波口位隨住2018年1月24號凌晨先至重新起好嗮[4]

霸咗文化公園總站一半嘅用地

從2018年8月18號開始,因路線要入場施工搞B出入口嘅關係,期間將原先喺文化公園總站停嘅105同106路電車先後縮短到黃沙同延長到芳村一帶停[5]。正因為噉,廣州嘅無軌電車界亦打破咗「芳村地區冇電車經過」嘅講法。

開通

2019年12月28號,8號綫北延段開通之後,呢個站嘅南北方向月台亦正式開放[6]

出入口

呢個站喺開通初期淨得A同D兩個出入口。而E出入口喺2014年3月17號開放,初期屬6號綫一部份,後嚟喺8號綫開通時改屬8號綫一部份。B出入口喺2019年12月28號開通8號綫北延段一部份時亦同步開放。

利用狀況

呢個站嘅附近係主要係畀東邊嘅文化公園、西邊嘅清平市場、南邊嘅人民橋,北邊嘅上下九步行街嚟出入站用嘅。響呢個站開通之前,啲乘客成日都嚟坐1號綫長壽路站落車,跟住去上下九步行街入面。喺2013年12月28號開咗6號綫之後,由於呢個站係比長壽路站近咗200幾米,所以有部份乘客搭6號綫到呢個站落車去上下九步行街入面。喺呢個站東北邊嘅文化公園,一到迎春花會、中秋燈會、羊城菊會等展覽或其它大型活動時,客流亦比平時多咗好多。

自從2019年12月28號成為6號綫8號綫嘅轉車站後,亦多咗喺呢個站過海到河南啲轉車客流入站轉車都有,所以呢個站嘅客流都幾旺下。

附近嘅建築同景區

廣州文化公園
粵海關舊址

公園

紀念區

商場

碼頭

6個重點站

 
文化公園站嘅文化牆
 
文化公園站嘅柱面裝飾

呢個站係6號線首期工程,九個文化站嘅其一文化站,站廳入面整咗「繽紛羊城 文化之窗」嘅文化藝術牆,內容圍繞廣州嘅文化公園、珠江邊嘅「一河兩岸」同嶺南民族文化。柱面裝飾係粵海關大樓。不過呢啲裝飾淨喺站廳同6號綫月台範圍先至搵到,8號綫月台範圍冇呢樣玩。

  1. 广州地铁六号线昨试运营 逾15万人次尝鲜
  2. "地铁八号线同福西站:拆迁范围涉洪德巷". 原著喺2015-04-19歸檔. 喺2015-04-19搵到.
  3. "地质与图纸不符爆破致地陷". 信息時報. 2013-01-29. 原著喺2014-01-03歸檔. 喺2014-04-21搵到.
  4. "文化公园站折返线隧道顺利开挖至分界里程". 中铁七局集团第三工程有限公司. 2018-01-24.
  5. "广州"辫辫车"首进芳村 106路延伸至茶滘路". 金羊网. 2018-08-20.
  6. 这天,八号线长“长”了!.广州地铁官方微信公众号.2019-12-27

上一站·下一站

上一站⇚⇚    廣州地鐵    ⇛⇛下一站
黃沙站
潯峰崗站
文化公園站
6號綫
一德路站
香雪站
華林寺站
滘心站
文化公園站
8號綫
同福西站
萬勝圍站
提醒:8號綫北段淨低部份(滘心⇄文化公園)重喺度起緊。