精索(英文:spermatic cord),係男人身體內一抽從腹股溝管英文Inguinal canal腹環到睾丸上端嘅圓索狀結構,屬於男性生殖系統嘅一部份。

解剖

 
男人兩抽精索連兩粒睾丸同埋條嘅解剖

每個男人有左右兩邊精索一對,每抽精索由輸精管睾丸動脈英文Testicular artery睾丸靜脈英文Testicular vein叢、神經線同埋淋巴管等組成,外面仲有幾層筋膜包繞住。[1]

睾丸靜脈叢係由好多睾丸靜脈相互吻合所成;睾丸靜脈有瓣膜,等啲血會回流心臟、防止血倒流返落粒睾丸。輸精管位於精索後內側,管壁較硬所以好容易隔住陰囊摸到。

功用

精索可以話係男人兩粒睾丸嘅生命線,因為血液神經線淋巴都經過佢到達或者離開睾丸。

疾病

常見精索疾病係精索靜脈曲張中文精索靜脈曲張,成因係睾丸靜脈嘅瓣膜失效,血液向下倒流積聚引致曲張,而大部分男人都喺左邊抽精索發病。精索靜脈曲張會影響陰囊血液循環以及導致溫度過高、降低精子數量同質素,妨礙生育[2]

緊急疾病有精索扭轉,引致睾丸扭曲,阻礙睾丸供更令睾丸壞死;九成精索扭轉個案都屬精索過長。[3]

參攷

  1. 陳龍威 (2010年10月27號). "精索靜脈曲張". am730. 喺2020年11月17號搵到.
  2. "男士久站 陰囊脹痛勿強忍". 明報健康網. 2018年6月12號. 喺2020年11月17號搵到.
  3. "精索扭轉可致睾丸壞死". 東方日報. 2015年5月22號. 喺2020年11月17號搵到.