羅渣士通訊
羅渣士通訊集團[1]（英文：Rogers Communications；TSX：RCI.A、RCI.B，紐交所：RCI[2]:152），又譯羅渣士通訊公司或者羅渣士傳訊[3]，係加拿大四大電訊公司之一[4]:9[註 1]，1960年成立[5]，總部喺多倫多[2]:152，2022年總收入153.96億加元，員工22000人，主要業務包括流動通訊、寬頻服務（包括寬頻網絡同有線電視）同媒體（包括電子媒體同體育）[2]:13–14, 18–19，淨計流動通訊業務嘅話屬於全國三大流動供應商之一[6]。
羅渣士曾經因為加西嘅蕭氏（Shaw Communications）喺安省做過寬頻服務而告過蕭氏[7]，蕭氏撤出安省之後，寬頻原本係加東主要由羅渣士控制，加西就主要由蕭氏控制；2021年，羅渣士宣佈有意收購蕭氏[8]，雖然受到多方反對[9]，但係2023年，聯邦工業部長商鵬飛（François-Philippe Champagne）同意有條件批准羅渣士以260億加元收購蕭氏[8]，令原本嘅五大電訊公司變成得返四大。
佢係做電台起家[2]:3，旗下擁有54間電台同多間電視台，除咗做多元文化廣播、有粵語節目嘅 OMNI 電視台之外，其他台包括 Sportsnet、Citytv、FX、FXX、OLN（Outdoor Life Network）、Today’s Shopping Choice 等等[2]:19。
除咗一般業務之外，羅渣士通訊亦都係多倫多藍鳥棒球隊（Toronto Blue Jays）嘅擁有者同羅渣士中心嘅業主[2]:19，另外，佢亦都間接持有 Maple Leaf Sports & Entertainment 公司大約三成八股權，即係間接有份多倫多速龍同多倫多嘅兩隊足球隊同一隊冰棍球隊[2]:130。
佢喺廣告一直都係用 ｢羅渣士｣ 呢個名，自己電視台嘅粵語節目亦一直都叫自己做羅渣士；除咗英文名之外，佢喺粵語從來冇用過第個中文名。
睇埋
編輯註
編輯- ↑ 出處講五大，當中包括蕭氏（Shaw），但係蕭氏已經被羅渣士收購咗。
攷
編輯- ↑ 〈羅渣士將在TTC地鐵系統提供5G網絡〉 (香港中文)。OMNI 電視台。2023年4月12號。喺2023年10月5號搵到。
- ↑ 2.0 2.1 2.2 2.3 2.4 2.5 2.6 Regaining Momentum: Rogers 2022 Annual Report (PDF) (報告). Rogers Communications. 2023.
- ↑ 〈聯邦宣佈批准羅渣士傳訊收購蕭氏傳訊〉 (香港中文)。OMNI 電視台。2023年4月1號。喺2023年10月5號搵到。
- ↑ Canadian Radio-television and Telecommunications Commission (2020). Annual highlights of the telecommunications sector 2020 (PDF) (報告) (加拿大英文). 喺2023年10月5號搵到.
- ↑ "About Rogers" (加拿大英文). Rogers Communications. 歸檔時間2023年1月8號. 喺2023年9月5號搵到.
{{cite web}}: CS1 maint: unfit URL (link) - ↑ Thurton, David (2020年7月29號). "Government's effort to publicize Big 3 cell service prices isn't driving them down, advocates say" (加拿大英文). 喺2023年10月5號搵到.
- ↑ Anderson, Steve (2009年9月13號). "Campaign Calls for Broadband Competition" (加拿大英文). 喺2023年10月5號搵到.
- ↑ 8.0 8.1 "Rogers takeover of Shaw finalized, deal now official" (加拿大英文). Canadian Press. 2023年4月3號. 喺2023年10月5號搵到.
- ↑ "OpenMedia community joins parliamentarians in condemning Rogers-Shaw deal" (加拿大英文). Open Media. 2022年3月8號. 喺2023年10月5號搵到.