羅湖編組站（Lo Wu Marshaling Yard）係港鐵公司管轄嘅貨運車站（2007年兩鐵合併前由九廣鐵路公司管轄）。車站喺香港上水虎地坳道，即係上水站同埋羅湖站之間一條東鐵綫專用支線上面，但係因為唔係客運站，所以唔顯示喺港鐵車站嘅路線圖入面。
上水屠房站初時係東鐵綫嘅貨運專用車站，辦理牲口終到，離港深邊界嘅羅湖只有兩分鐘車程，運牲口嘅貨運列車可以直接駛去屠房月臺落貨。但係家下運去上水屠房嘅牲口唔再用貨運列車，全部都係用貨車直接運送，羅湖編組站就淨係留返唻調度貨運列車同埋擺列車。
