美女廚房

  呢篇文講《美女廚房》2000年代原裝版本。想搵2018年同名節目嘅話，請睇美女廚房 (2018年)。

《美女廚房》（英文：Beautiful Cooking）係香港一電視節目，主題係烹飪遊戲，由無綫電視製作。遊戲本身係日本朝日電視台所創，即《日本靚靚廚房》或者《辣妹圍裙》（日文《愛のエプロン》）。因為無綫買到朝日授權，就拍成《美女廚房》。節目口號係「美女廚房，食咗先講」，每集請女藝員三人比賽廚藝，亦請男藝員兩人做評判，第一輯大受歡迎，最高收視突破40點，打破咗《超級無敵獎門人》紀錄，成為最高收視嘅遊戲節目。

美女廚房 Beautiful Cooking
類型	烹飪遊戲電視節目
主持	鄭中基、方力申、梁漢文 鄭裕玲、錢嘉樂（第一輯17-18集） 蘇永康（第二輯18、25-26集） 森美（第二輯23集）
主演	第一輯：謝珊珊、黃卓慧、謝兆韵、孫慧雪、陳文靜 第二輯：劉俐、陳蕊蕊、王淑玲、丁樂鍶、梁懿晴（晴晴）、王寶寶、關婉珊
國家／地區	香港
輯數	2
集數	19（第一輯） 28（第二輯）
每集長度	60分鐘（含廣告）
主題曲	美女廚房
作曲	鄧智偉
填詞	陳詩慧
主唱	第一輯：鄭中基 第二輯：鄭中基、方力申、梁漢文
製作
製作人	電視廣播有限公司
監製	錢國偉
播映
首播頻道	翡翠台、高清翡翠台、Astro華麗台
播出日期	2006年5月28號—2007年2月17號 （第一輯） 2009年4月5號 － 2009年11月1號 （第二輯） 2009年4月12號 － 2009年10月18號 （Astro華麗台，第二輯） 2006年7月9號 暫停播映 2009年4月19號 暫停播映
相關節目
相關節目	《美女廚房》（2018年）
出面網頁
官方網站

第一輯

第一輯由鄭中基、方力申同梁漢文主持，喺2006年5月28號開始，逢禮拜日夜晚九點，喺翡翠台度播，一共19集。節目有助手謝珊珊、黃卓慧、謝兆韵、孫慧雪同陳文靜。

第二輯

第二輯同第一輯一樣，都喺翡翠台播出，另加高清翡翠台。時間喺2009年4月5號到11月1號，逢禮拜日夜晚九點半到十點廿五分，但2009年4月26號之後改為九點到十點。原本諗住出十八集，後尾收視太好，加多十集，一共廿八集。節目助手轉晒，變成劉俐、陳蕊蕊、王淑玲、丁樂鍶、梁懿晴、王寶寶同關婉珊。

爭議

節目雖然收視好，但亦引來唔少批評，例如：

• 節目形式抄日本電視節目《辣妹圍裙》，生活台嘅《日本靚靚廚房》。查實無綫有買到該節目嘅版權。
• 有啲參賽者廚藝差，畀觀眾投訴虐待動物，例如大力拍魚、畀魚跳到地咁。
• 有啲參賽者嘅衣著裝扮，唔適宜入廚，又或者節目唔啱細路睇。
• 成個節目所宣揚嘅價值觀，唔係教人烹飪樂趣，而係刻意令唔曉煮飯嘅參賽者出醜，同埋試食者誇張表演痛苦表情。電視台將呢種節目放喺黃金時段播出，容易搞到年輕一代唔願學煮嘢。
• 香港人都够嘥嘢食，節目多數參賽者都廚藝差，嘥嘢食。當中有唔少貴價海鮮。有啲參賽者，重表現出唔識煮嘢係理所當然，畀網友標籤做「港女」。
• 報章雜誌喺報道呢挻節目時，登嘅圖片經常低炒、高炒等角度來拍，拍埋女人露胸同露底鏡頭，畀網民叫做「美色廚房」。

前任： 殘酷一叮

最佳綜藝資訊節目 2006年

繼任： 向世界出發