習慣法

習慣法（英文：customary law），喺法律度係指喺特定社會環境之下，可以被客觀辨認出來嘅、已經建立咗嘅行為模式。一般來講，習慣法存在嘅環境有以下特徵：

• 可以觀察到一定嘅法律實踐
• 相關當事人認為佢具有法律效力

具體施行

香港

喺香港，習慣法係源自1843年嘅「大清律例」同傳統習俗，經修訂後實行。

根據1910年通過嘅「新界條例」，除咗部份同香港成文法例有衝突嘅條文之外，喺新界鄉村度可以按清朝律法同習俗去辦事，例如承繼財產、丁權等。條例亦訂明，有關土地嘅傳受，祗有男性先可以承繼，而女性就要得到遺囑同土地承辦書嘅授權至得。