老泥妹係1990年代香港對一啲邊緣少女嘅稱呼，帶有貶義成份，據說喺1994年嘅《東周刊》首次出現[1]。粵語「老泥」意思係人體表皮上嘅污垢，一般係因為冇沖涼而形成。「老泥妹」因離家出走，只可以靠同其他人進行性行為先有機會沖涼，呢個現象其後更成為電影題材，例如《老泥妹》[2]、《老泥妹之四大天后》等。1990年代中以後，呢種稱呼喺社會上已經唔常見。
「老泥妹」嘅特徵包括：離家出走冇沖涼、濫交、講粗口、食煙、經常喺尖東蒲[3]同喺旺角一帶出沒。
