老襯亭
老襯亭係香港一亭，原叫山坳亭，喺香港山頂，已拆。之後亭地嘅樓，卽爐峰塔同凌霄閣，都叫老襯亭。老襯亭實爲山頂纜車嘅山頂總站，實地喺歌賦山同扯旗山之間，喺爐峰峽之處。老襯亭同山頂纜車，係香港大酒店公司所有。舊時公司亦有山頂酒店，就係老襯亭後面，喺家下嘅山頂廣場笪地。
史
編輯老襯亭最初係個亭，用來睇風景，毁於香港日治時期。二十世紀五十年代，香港大酒店出資起樓，是爲山頂站嘅樓。一九七二年，原地建爐峰塔，八月廿九號開張，頂層有西餐廳，餐廳落一層做咖啡室，而底層做中菜餐館。塔喺一九九三年再拆，起個座凌霄閣。
名
編輯老襯有搵笨嘅意思，老襯亭實際意思，亦無從得知。傳說有幾個。一說遊人千辛萬苦上山，到觀光亭睇風景，好鬼搵笨；二說二十世紀五十年代，香港地有話，「香港地老襯死唔晒」、「太平山頂望落去老襯數唔晒」。遊人喺亭內，望落山腳，見到唔少老襯，卽係笨人；三說老親轉音成老襯，卽係親家，企喺亭望落山，搵未來老親，卽係「捃老親」，亦寫搵老襯。
參攷
編輯- 《吾土吾情：老襯亭望落……》 ，韋基舜，成報，2005年9月8日
- 〈物有所值：山頂與纜車〉。文匯報。2004-05-19。原著喺2022-06-11歸檔。
- 香港山頂 老襯亭 前後 相冊