考古學

研究過往人類活動嘅學科
(由考古學家跳轉過嚟)

考古學粵拼haau2 gu2 hok6)係通過發掘同調查古代人類嘅遺跡遺物同文獻嚟研究古代社會嘅一門人文科學。傳統上,考古學係文化人類學嘅一門分支學科,但係而家佢越來越獨立,變成一門獨立嘅學科。

考古學家同淨係研究歷史記載嘅歷史學家唔同,佢哋通過研究遠古人類嘅遺物,對冇歷史記載嘅史前文化亦進行研究。考古學家致力於探索人類文化嘅起源。

名稱溯源 編輯

漢語中考古學源自歐洲,而歐洲各國文字中嘅考古學都源於希臘文嘅 αρχαίολόγί,呢個詞係由 αρχαίος(意思係古代事物或古代)同 λόγος(意思係科學)組成,嚮古希臘泛指古代史嘅研究。嚮西元前4世紀柏拉圖就用呢個希臘文嘅單詞來指古代史嘅研究。呢個詞嚮一段時間內好少用,嚮17世紀時又重新再用返,用嚟表示古物同古跡嘅研究。17、18世紀嘅主要指嘅係古物中嘅美術品,到咗19世紀先泛指一切古物和古跡。

中國西元1-2世紀(東漢)已經有「古學」呢個名詞,來泛指研究古代嘅學問。到咗北宋中葉(11世紀),誕生咗一門研究青銅彝器同埋石刻嘅學問——金石學,即考古學嘅前身。嗰時「考」「古」二字亦開始一齊用。西元1092年成書嘅《考古圖》就已經率先使用咗「考古」呢一個名詞,不過嗰時指嘅係考證古文字同古文章。

研究物件 編輯

考古學研究嘅物件係實物。主要係物質嘅遺存,或者話係遺物同遺跡。而呢啲遺存應該係古代人類嘅活動遺留落嚟嘅。考古學嘅研究集中嚮對過去嘅研究上,包括過去文化所遺留低嘅各種資料。所以研究物件係屬於一定時間以前嘅古代。比如英國嘅考古學下限係諾曼人嘅入侵(1066年),法國係加洛林王朝嘅覆滅(987年),美洲各國係哥倫布發現新大陸(1492年),中國嘅一般係以明朝嘅滅亡(1644年)為下限。近年嚟,英國出現嘅中世紀考古學(Medieval Archeology)將時間嘅下限推到1640年。而美洲各國嘅工業考古學(Idustrial Archeology)研究近代工業初期嘅遺物。隨住時代嘅前進,呢啲下限都會進一步向後推。

考古學嘅歷史 編輯

起源 編輯

考古方法嘅發展 編輯

考古理論 編輯

考古學分支同埋相關學科 編輯

考古學中常用到嘅一啲學科:

第四紀地質學體質人類學古動物學古植物學物理學化學民族學民俗學社會學歷史學宗教學語言學自然科學史美術史建築史地層學

考古技術 編輯

睇埋 編輯