聖公會聖基道兒童院
聖公會聖基道兒童院（英文：Sheng Kung Hui St. Christopher's Home）響1935年由聖公會港澳教區何明華會督創辦，最初主要係收留當時社會上戰亂嘅孤兒，現時已發展為多元化兒童服務機構，係香港擁有最多兒童之家服務名額嘅非政府機構。總辦事處設喺北角香港青年協會大廈。
史
編輯
聖基道兒童院初名「大埔農化孤兒院」，院舍響新界大埔滘大埔道十三咪半，即「鹿茵山莊」現址，院內有學校，院童響課餘會開墾山邊梯田耕作，學習農畜同手工藝等技能。1954年改名「聖基道化院」，院務擴展到營辦全港多間細路服務嘅慈善機構。1994年結束「大埔聖基道兒童院」院務，喺沙田設立嬰兒部同埋響港、九、新界各區成立24個兒童之家，為來自破碎家庭嘅細路同青少年提供住宿照顧服務。
發展
編輯聖公會響兒童院搬走後，向政府申請將院舍改做神職人員宿舍被拒，及後響1990年獲批准發展住宅物業，聖公會揀同長江實業合作發展。由於地皮由聖公會提供，補地價同建築費等由長實負擔，物業落成後長實預留三分之一嘅樓面畀聖公會[1]。院舍地皮最終發展成為佔地超過196萬平方呎包括22幢獨立花園洋房、5幢高座住宅同5幢低座住宅嘅「鹿茵山莊」，響1998年落成賣出，以超過萬蚊呎價推售，一度引起市場震動[2]。
稅務局認為聖公會響土地發展上獲得巨額利潤，徵收七年來合共1億8,000萬港元利得稅，聖公會以所得嘅鹿茵山莊單位安排退休神職人員入住，而所得資金全撥慈善用途，不服稅務上訴委員會裁決，上訴至高等法院。
服務
編輯兒童之家同寄養服務嘅申請均須透過社會福利署中央轉介系統轉介，膳食同住宿免費，但小朋友嘅家人或監護人須支付入住小朋友嘅其他個人開支，如書簿費、零用錢等。
兒童之家
編輯聖基道兒童院響香港共設有24間兒童之家，每個家舍服務8名細路。兒童之家專為4至18歲，因家庭問題需要暫時離家嘅細路同青少年，提供近似家庭模式嘅24小時住宿照顧服務。
|
|
|
寄養服務
編輯聖基道兒童院提供35個一般寄養服務名額，另有15個緊急寄養服務名額。寄養服務為細路配對合適嘅寄養家庭，畀細路可以喺安全穩定嘅環境內居住。
幼兒教育
編輯聖基道兒童院響2006年初增設幼兒教育服務，為2-6歲細路提供學前教育同日託服務。現時開咗兩間幼兒院，每間幼兒園可容納一百名小朋友，服務名額合共二百位。
- 幼兒院
- 聖公會聖基道幼兒園（葵涌）
- 聖公會聖基道幼兒園（灣仔）
兒童健康發展綜合服務
編輯於2007年響灣仔運盛大廈開展「健苗軒」，提供細路全人健康嘅指導同訓練、細路健康評估同跟進服務，推行宣揚細路健康訊息嘅學校同社區教育活動。
新來港人士服務
編輯聖基道兒童院響1999年10月喺沙田區開設為來港唔夠4年嘅新來港細路同家庭提供「一站式」嘅支援服務。
- 新來港人士服務中心同外展服務
新來港人士服務中心響瀝源邨綠泉樓，中心主動接觸服務對象，並提供社區資訊諮詢、教育服務、適應小組、共融活動、個案輔導同轉介服務。外展服務主要聯繫社區嘅服務點如學校、教會同各機構，接觸缺乏支援嘅新來港人士同低收入家庭。
- 聖基道普通話學院
學院幫新來港人士考取專業普通話教授資格，以專業服務社群。
-
位於博康邨已停止服務嘅嬰兒部 -
響瀝源邨嘅服務中心
參考
編輯- ↑ 發展商與地主屢合作
- ↑ 〈大埔新盤靜候賣地佳音〉。原著喺2016年3月4號歸檔。喺2011年8月9號搵到。
