胭脂扣

胭脂扣
*Rouge*
胭脂扣; Rouge
資料明細
導演	關錦鵬
監製	成龍
製片	羅國強、王雅琳
編劇	邱戴安平、李碧華
故仔	李碧華
統籌	陳自強
主演	梅艷芳; 張國榮; 萬梓良; 朱寶意
配樂作曲	黎小田、鄧少林
片尾曲	〈胭脂扣〉／梅艷芳
攝影	黃仲標
剪輯	張耀宗
製片商	嘉禾(香港)有限公司; 威禾電影製作有限公司; 嘉峰電影有限公司
片長	96分鐘
產地	英屬香港
話	粵語
上畫同發行
上畫日期	臺灣：1987年12月5號; 英屬香港：1988年1月7號; 美國洛杉磯：1988年3月10號; 法國：1989年12月6號
發行商	嘉禾電影
票房	香港：HK$ 17,476,414.00; 台灣：NT$ 10,448,600.00

《胭脂扣》（英文：Rouge）係一套喺1987年出嘅香港電影，由梅艷芳、張國榮等人主演，關錦鵬導演，成龍監製，改編自李碧華嘅同名小說。故仔講緊有錢仔十二少同妓女如花之間嘅愛情故事。

劇情

一位石塘咀綺紅樓嘅「紅牌阿姑」（名妓）如花嚟到報館，問職員袁永定可唔可以幫佢登廣告，搵一個佢等咗53年嘅人^[4]^[5]。

鏡頭返去1934年嘅香港。南北行海味鋪太子爺陳振邦（十二少）係個成日去嫖妓、食鴉片嘅花花公子，對綺紅樓「名妓」如花一見鍾情，兩個人好快就成為情侶。但由於兩人身份同地位差太遠，陳家並唔接受佢哋，仲希望十二少同佢嘅表妹程淑賢結婚，跟住繼承家業。十二少想去學戲但唔成功，加上佢又冇賺錢嘅本事，根本走投無路，結果佢哋決定響1934年3月8日嘅23點食鴉片殉情自殺。如花同十二少講，如果出咩嘢事都要記住「3811」呢個記號^[5]。

時間返到嚟53年後。如花響陰間一直等唔到十二少，就返到人間搵佢^[6]。職員袁永定同佢女朋友凌楚絹都好同情如花，幫佢登廣告搵十二少，仲畀埋「3811」呢個記號。袁永定同凌楚絹最終響報紙嘅記錄搵到十二少，從十二少個仔嗰度得知原來十二少畀屋企人救返，之後同表妹程淑賢結婚，但佢唔識做生意，敗嗮身家，依家響片場做茄哩啡。如花最終響片場見返已經窮到燶嘅十二少，將當年十二少送畀佢嘅胭脂扣還返畀佢後，對十二少心死嘅如花返到陰間^[5]。

角色

演員	角色	介紹
梅艷芳	如花	綺紅樓嘅名妓，同「十二少」陳振邦拍拖，但畀陳家反對，於是同十二少殉情自殺。佢一個人到陰間等十二少53年都唔見人，就返到人間搵佢，點知十二少原來自殺唔成畀屋企人救返。
張國榮	陳振邦（十二少）^[a]	南北行海味鋪太子爺，同如花拍拖，但畀阿媽反對，就同如花殉情自殺，最後畀屋企人救返。後嚟同表妹程淑賢結婚，但敗唒身家，晚年響片場做茄哩啡。
萬梓良	袁永定	報館職員，因為同情如花而幫佢搵十二少。
朱寶意	凌楚絹	袁永定嘅女朋友，因為同情如花而幫佢搵十二少。
朱瑞棠	陳父	十二少老豆。
譚倩紅	陳母	十二少阿媽，反對如花同十二少喺埋一齊。
溫碧霞	程淑賢	十二少嘅老婆兼表妹，同佢生咗一個仔。
劉家榮	片場導演
惠英紅	片場女演員
謝賢	嫖客
汪禹	（客串）

製作

籌備同改編

《胭脂扣》原著小說係由李碧華創作，由經理人陳自強買返嚟《胭脂扣》小說嘅版權，佢打算改編成電影，而最開頭負責嘅導演係唐基明。原著李碧華同編劇鄧景生當時亦有參加改編，當時已經整成七八頁稿嘅劇本，但由於選角、劇本等多重嘅因素影響，唐基明最終離開劇組。

陳自強無耐就邀請當時啱跳槽到威禾無耐嘅關錦鵬做《胭脂扣》嘅新導演，關錦鵬認為《胭脂扣》小說版唔錯，所以就同意咗，並且搵嚟之前合作過嘅邱剛健嚟做編劇，決定將劇本重新寫過。關錦鵬覺得如花去人間搵十二少呢段最打動佢，所以將三十年代嘅事放響電影嘅前半段，而將如花搵十二少呢段故仔放響後半段。李碧華其實唔中意呢個改動，最後由關、邱兩個人合力先說服到李碧華。

選角

拍攝

攷

註

↑ 雖然叫十二少，但其實陳振邦響屋企排第二，之所以叫十二少係因為令家族聽起嚟好似好多後人、人丁旺盛，響香港上世紀30年代嘅望族好流行。^[7]

來源

↑ "Rouge (1987) Release Info" (英文). IMDb. 喺2021-06-18搵到.
↑ 〈1988 香港票房〉。中國電影票房榜。原著喺2021-01-30歸檔。喺2021-06-18搵到。
↑ 〈1987年台灣票房〉。《台灣電影資料庫》。原著喺2016-09-22歸檔。喺2021-06-09搵到。
↑ 林穎嵐 (2018-03-17)。〈【胭脂扣】哥哥曾承諾照顧梅姐一生現實卻重蹈如花十二少結局〉。《香港01》 (香港中文)。喺2022-05-15搵到。
↑ ^5.0 ^5.1 ^5.2 Movie.Talk。〈【《胭脂扣》今生摯愛親手還，十二少，我不再等了】〉。《電影滔客誌》。喺2022-05-15搵到。
↑ Bella儂儂。〈35年前的《華燈初上》？張國榮、梅艷芳經典《胭脂扣》重映，4看點回味酒家女與恩客、時空交錯揭開真相〉。《Bella.tw儂儂》 (臺灣中文)。喺2022-05-15搵到。{{cite web}}: CS1 maint: url-status (link)
↑ 《香港景觀文化導遊 - 2015年版》。香港註冊導遊協會。2015。頁 39。

出面網頁

《胭脂扣》喺互聯網電影資料庫嘅資料（英文）

呢篇胭脂扣係關於港產片嘅楔位文章，重未完成嘅。麻煩你幫手補充佢嘅內容。

[8] 雖然叫十二少，但其實陳振邦響屋企排第二，之所以叫十二少係因為令家族聽起嚟好似好多後人、人丁旺盛，響香港上世紀30年代嘅望族好流行。^[7]

[1] "Rouge (1987) Release Info" (英文). IMDb. 喺2021-06-18搵到.

[2] 〈1988 香港票房〉。中國電影票房榜。原著喺2021-01-30歸檔。喺2021-06-18搵到。

[3] 〈1987年台灣票房〉。《台灣電影資料庫》。原著喺2016-09-22歸檔。喺2021-06-09搵到。

[4] 林穎嵐 (2018-03-17)。〈【胭脂扣】哥哥曾承諾照顧梅姐一生現實卻重蹈如花十二少結局〉。《香港01》 (香港中文)。喺2022-05-15搵到。

[:0-5] 5.0 ^5.1 ^5.2 Movie.Talk。〈【《胭脂扣》今生摯愛親手還，十二少，我不再等了】〉。《電影滔客誌》。喺2022-05-15搵到。

[6] Bella儂儂。〈35年前的《華燈初上》？張國榮、梅艷芳經典《胭脂扣》重映，4看點回味酒家女與恩客、時空交錯揭開真相〉。《Bella.tw儂儂》 (臺灣中文)。喺2022-05-15搵到。{{cite web}}: CS1 maint: url-status (link)

[7] 《香港景觀文化導遊 - 2015年版》。香港註冊導遊協會。2015。頁 39。

[1]

[2]

[3]

[4]

[5]

[6]

[a]

[7]