自由式係游水比賽嘅其中一個項目，規則由國際泳聯總會制定。自由式嚴格嚟講唔係一種游水方式，自由式競賽嘅規則幾乎係冇任何限制。大多數運動員喺自由式比賽都係用捷泳，因為呢種泳式阻力細、速度均勻同游得快。好多人都誤會咗「捷泳」即係「自由式」，自由式嘅意思係參賽者可以用「任何方式」。但係混合泳比賽嘅自由式，一定要用蝶式、背泳或蛙式以外嘅泳式。
自由式
喺自由式比賽，參賽者可以使用任何泳式進行，但係喺個人四式同四式接力嘅項目，游自由式嗰陣唔可以游背泳、蛙式或蝶式。當轉身或到達終點嘅時候，自由式參賽者可以用身體任何部份掂池邊。
