自私基因論

自私基因論zi6 si1 gei1 jan1 leon6（英文：selfish gene theory / gene's eye view）係進化論上嘅一個觀點。主張進化嘅基礎係基因－廿世紀嘅進化論一般認為，物競天擇令生物會傾向嘗試維持自己嘅存在，但事實表明咗，有好多生物都會作出利他或者類似利他嘅行為。呢種現象被指係因為利他行為對啲基因嘅傳播有利。

一對螳螂喺度交配；隻螳螂乸一路交配一路食隻螳螂公嘅頭。

概論

舉個例說明：喺好多種嘅蜘蛛當中，啲蜘蛛公會犧牲自己，俾同自己交配緊嗰隻蜘蛛乸食自己落肚，而啲蜘蛛乸喺啲後代出世之後又會犧牲自己，用自己嘅身體做糧食餵啲後代。由自私基因嘅角度睇，呢種行為減低隻生物個體生存嘅機率，但就能夠提升啲後代生存嘅機率，亦即係會提升「引起呢種行為嘅基因」能夠流傳落去嘅機率－根據自私基因論，物競天擇係以基因做中心嘅，喺某啲情況下，就算一個基因減低一隻生物生存嘅機率，如果個基因「減低隻生物生存機率」嘅過程能夠提高個基因自身成功噉傳播嘅機率（個基因做出「自私」嘅舉動，犧牲帶有佢嗰隻生物），呢個基因喺物競天擇嘅過程裏面都有可能會佔優。

睇埋

• 親屬選擇
• 基因
• 利他
• 進化論
• 食同類

文獻

• Dawkins, R. (1976). The Selfish Gene. Oxford University Press, Oxford, UK.