新臺幣

  「臺幣」跳轉到呢度。想搵1946年到1949年嘅臺幣，請睇「舊臺幣」。

新臺幣（英文：New Taiwan dollar），ISO 4217代號TWD（或簡稱為NT$、NTD），係中華民國國民政府撤退到臺灣後發行嘅法定貨幣，1949年6月15號開始流通。基本單位係圓，簡作元，國語口話用塊代圓；臺話以箍（白話字：kho͘）代圓。有人用毛代角。

新臺幣
ISO 4217	TWD
使用地	中華民國臺灣地區
通脹率	2.34%
單位
1/10	角
1/100	分
符號	NT$、NTD
又叫	塊
角	毛
銀仔
成日用	NT$1, NT$5, NT$10, NT$50
少用	NT$0.5, NT$20
銀紙
成日用	NT$100, NT$500, NT$1000
少用	NT$200, NT$2000
中央銀行	中華民國中央銀行
網站	www.cbc.gov.tw
印鈔局	中央印製廠
網站	www.cepp.gov.tw
鑄幣局	中央造幣廠
網站	www.cmc.gov.tw

目前發行銀仔包括：0.1圓（一角）、0.2圓（二角）、0.5圓（五角）、1圓、5圓、10圓、20圓及50圓。而銀紙單位就有：100圓、200圓、500圓、1000圓同2000圓。換算方式為：1圓＝10角＝100分。1角、2角同5角硬幣嘅發行量少，實際上亦幾乎冇用。日常生活只有郵票、汽油響計算單價時會用到角。例如響日常使用上，一般人如果要買0.5圓嘅郵票有兩種方法：一係買兩張，儲夠1圓，二係畀店方1圓，但店方唔會找錢（2000年後就冇呢種情況）。

存款利息，亦係四捨五入至1圓。如果需要，亦可以以角圓來作為交易媒介，但角圓限制每次唔可以用超過100個。

角圓（單個硬幣面額少過1圓）家陣多數用嚟收藏用，價值比面額重要貴。

簡史

區域貨幣

新臺幣嘅前身係臺幣，又叫做舊臺幣，響1946年5月22號開始發行。當初舊臺幣被定位為一種過渡時期嘅貨幣，日本殖台政府嘅臺灣銀行券同國民政府嘅臺幣一比一兌換。由於當時第二次世界大戰啱啱結束，中國國民黨同中共之間關係緊張，金融狀況唔穩定，因此臺灣未使用當時通行於中國嘅法幣、金圓券，另外再發行臺幣。

關於發行新臺幣原因嘅官方講法，係由於1948年上海爆發金融危機，連帶令舊臺幣幣值大幅貶值，造成臺灣物價急漲。

不過另一種關於發行新台幣原因嘅版本，指出係因為台灣日治時期結束初期，由於國共內戰嘅緣故，國民黨政府將台灣嘅民生物資，例如糖、米之類大量運送到中國大陸以供應戰爭所需物資，造成臺灣內部民生物資銳減、嚴重短缺，令臺灣嘅米價甚至比上海當地嘅米價重高（當時臺灣種米而上海唔種），造成臺灣嚴重通貨膨漲，一日三市，幣值急速貶值，就算有錢亦可能買唔起米。

1949年6月15號台灣省政府公布「臺灣省幣制改革方案」、「新臺幣發行辦法」，正式發行新台幣，明訂40,000元舊台幣兌換1元新台幣。1950年6月21號行政院發布命令，國幣單位保留銀元本位，而記帳單位自1950年7月1號起改為新臺幣，銀元同新臺幣以1949年12月29號最後牌告匯率固定為1銀元=新臺幣3元。

1956年8月29號中華民國「司法院大法官」釋字第63號解釋：「《妨害國幣懲治條例》第三條所稱偽造變造嘅幣券，係指國幣券而言。新臺幣地方性嘅幣券，如有偽造變造情事，應依刑法處斷。」

準國幣

1961年7月1號中央銀行在台復業，依照「中央銀行在臺灣地區委託臺灣銀行發行新臺幣辦法」，由中央銀行委託臺灣銀行發行，紙幣上印「臺灣銀行」字樣，法定地位比照國幣，成為今日中華民國法定貨幣。自1970年12月21號開始，銀紙上印「中華民國」，以昭公信。另外為因應金門、馬祖、大陳島等戰地嘅特殊需要，亦曾經發行限定喺呢啲地區流通嘅新臺幣金門、馬祖、大陳流通券，目前就已經取消。

1962年12月19號中華民國司法院大法官釋字第99號解釋：「臺灣銀行發行之新臺幣，自中央銀行委託代理發行之日起，如有偽造變造等行為者，亦應依妨害國幣懲治條例論科。」（大法官黃正銘有唔同意見書，認為喺程序上，唔應該受理中央銀行呢次聲請解釋，而喺實體上，未經立法程序新臺幣唔可以變為國幣。）

國幣

1992年原「銀元及銀元兌換券發行辦法」公告廢止，作為國幣嘅銀元喪失發行法源。由於國幣依中央銀行法規定由中央銀行發行，於是響2000年7月1號訂頒「中央銀行發行新臺幣辦法」，停止委託臺灣銀行發行，將新臺幣正式訂為國幣。各法律條文中原本以銀元做單位亦修法改做新臺幣。7月3號發行1000圓紙幣，上印字樣改為「中央銀行」，圖案嘅瑕疵喺2004年版已經移除。

2002年6月30號廢止「中央銀行在臺灣地區委託臺灣銀行發行新臺幣辦法」，7月1號起原委託臺灣銀行發行號新臺幣停止流通。

當時曾經有人質疑噉做係唔係為伸張「中華民國在臺灣為主權獨立國家」嘅主張，官方回應為：自1961年7月1號中央銀行在台復業起，新台幣發行單位法定就係中央銀行，中央銀行依據該行組織法規定，委託臺灣銀行發行，銀紙原印「臺灣銀行」僅代表實際發行單位。

目前流通號銀紙同銀仔

内文：第五套橫式新臺幣

1000圓同500圓響2005年7月20號再度改版，增加原本只有2000圓先至有嘅光影變化箔膜，安全線改為光影變化箔膜式安全線。500圓嘅刷色變得更深，其餘圖樣就冇改變。

目前市面上所流通嘅銀紙之中兩佰元以及兩仟圓嘅銀紙，因民眾為避免收到偽鈔嘅風險，都甚少用，所以實屬罕見。

硬幣

圖像	幣值	製造參數			文字圖案		日期
		直徑 （毫米）	質量 （公克）	成分	正面	背面	首次製造	發行
	$0.5	18	3	97% 銅 2.5% 鋅 0.5% 錫	梅花 民國紀年	幣值	1981年	1981年12月8號
	$1	20	3.8	92% 銅 6% 鎳 2% 鋁	蔣中正 民國紀年
	$5	22	4.4	白銅 75% 銅 25% 鎳	蔣中正 民國紀年	幣值	1981年	1981年12月8號
	$10	26	7.5
	Template:Coin-yellow-color rowspan="2"|$20	26.85	8.5	中心：白銅（同$10）	莫那魯道 民國紀年	幣值及達悟族傳統木舟	2001年	Template:Coin-yellow-color rowspan="2"|2001年7月9號
	外環：青鋁銅（同$50）
	$50	28	10	青鋁銅 92% 銅 6% 鋁 2% 鎳	孫文 民國紀年	「50」同埋「五十」隱藏影像	2002年	2002年4月26號

• 0.1圓同埋0.2圓，因為資料唔夠，而冇介紹。

銀紙

圖像	面值	尺寸 （毫米）	主色調	圖像描述			日期
				正面	背面	水印	首次印刷	發行
	$100	145 × 70	紅	孫文 禮記禮運篇大同章	中山樓	梅花同埋「100」	2000年	2001年7月2號
	$200	150 × 70	綠	蔣介石 土地改革和基層教育主題	總統府	蘭花同埋「200」	2001年	2002年1月2號
	$500	155 × 70	深棕	少棒主題	台灣梅花鹿 大霸尖山	竹同埋「500」	2004年	2005年7月20號
	$1000	160 × 70	藍	小學教育主題	帝雉 玉山	菊花同埋「1000」	2004年	2005年7月20號
	$2000	165 × 70	紫	福衛一號 科技主題	台灣鮭魚（櫻花鉤吻鮭） 南湖大山	松同埋「2000」	2001年	2002年7月1號

睇埋

• 貨幣
• 貨幣匯率表
• 舊臺幣
• 臺灣銀行券

出面網頁

• 中央銀行
  • 新臺幣流通銀紙真偽之辨識