座標: 22°30′30″N 114°07′31″E / 22.50833°N 114.12528°E / 22.50833; 114.12528

舊上水警署香港新界上水上水鄉莆上村,喺1902年起好,而家警署已改建做大埔區少年警訊會所。喺1988年被評為三級歷史建築,2009年12月18號改評為香港二級歷史建築

舊上水警署

編輯

舊上水警署喺1902年起好,係英國喺1899年接管新界之後旋即起嘅十三間警署之一。舊上水警署係新界第六個永久警署,所以又叫做「六號警署」,喺1930年代呢間警署曾經係新界各區中僅有電力供應嘅警署。1941年至1945年日本佔領香港期間曾經改做日軍分區總部。1945年投降後繼續由香港警隊使用。1979年,上水警署搬咗去粉嶺嘅新址,原址就改做警民關係組辦公室。1993年之後改做少年警訊會所。

建築 編輯

舊上水警署係典型嘅英國維多利亞時代建築,用新古典主義特色設計。兩層高嘅建築物正面有拱形柱廊,係典型嘅熱帶殖民地建築,有助遮太陽擋雨而唔阻礙通風。柱上面有少量嘅裝飾,例如凸出嘅額枋拱心石同模塊狀嘅柱子頂部等。最初屋頂係用中式瓦磚鋪成嘅斜頂,而家已經改成平頂。建築物兩邊有觀察用嘅塔、防衛用嘅矮墻同觀察窿。部分木門同窗戶仍然保留良好。

出面網頁 編輯