花園街

花園街係香港油尖旺區一條街，位於九龍旺角東，北去到界限街，南到登打士街，同通菜街、洗衣街平行。

大明同大清嗰陣，花園街係芒角村種花嘅地方。

波鞋街

波鞋街運動用品店舖林立

亞皆老街以南嘅一段花園街俗稱波鞋街。成段波鞋街有超過50間賣運動鞋同埋運動用品嘅舖頭。波鞋街嘅舖頭自1980年代開始，因為香港掀起運動服裝熱潮而開始發展，逐漸形成今日嘅一處特色購物區。

2010年12月6號凌晨喺花園街222號對開賣鞋嘅小販排檔發生三級火，燒咗約莫5個鐘頭，火場面積一度達3米乘70米，超過50個排檔同埋30間鋪頭燒咗。

2011年11月30號凌晨喺花園街188至198號對開嘅小販排檔發生四級火，波及兩座唐樓，造成最少9死34傷，係香港14年嚟死最多人嘅火燭。

呢篇花園街係關於香港道路嘅楔位文章，重未完成嘅。麻煩你幫手補充佢嘅內容。