西洋菜南街（Sai Yeung Choi Street South）係香港旺角一條街，嚮旺角警署以南，大致南北走向，北面同太子道西交匯，南面同登打士街交匯。
西洋菜南街係旺角區最旺嘅一條街，平日兩邊都係賣時尚最潮嘅消費品，尤其係電子影音產品、手機、數碼相機咁，名牌子地鋪包括百老匯攝影器材、豐澤電器、鐳射電器、國美電器、衛訊電訊咁。
嚮夜晚，西洋菜南街曾經係一條行人專用區，人流非常多，唔少市民喺呢度做街頭表演，又擺滿廣告宣傳嘅易拉架，由於聲浪影響到附近嘅居民同商戶，開咗18年嘅行人專用區喺2018年8月4號取消。
