呢篇文講香港女演員葛蘭。想搵播音藝術家嘅話,請睇葛蘭 (播音藝術家)

葛蘭粵拼got3 laan4簡化字葛兰英文Grace Chang1933年6月13號—;本名張玉芳;一說張玉瑛)係香港電影演員,,浙江海寧(依家海寧市)人,1950年代至1960年代間主演過多部華語歌舞片,並以兼具「演歌舞」三者著稱,主演作品中好多歌亦傳唱到依家,佢代表作有《曼波女郎》、《青春兒女》同《野玫瑰之戀》作品。1964年息影後,葛蘭轉而拜師學習京劇同參與相關演出,1989年同好友出版京劇唱片合輯。另外都喺過公開活動入面獻唱或表演。佢侄仔係音樂劇作曲家高世章

葛蘭
女演員
羅馬拼音Ge Lan
英文名Grace Chang
籍貫浙江海寧
出世 (1933-06-13) 1933年6月13號(90歲)
中華民國 中華民國南京市
語言國語吳語粵語英文泰文
活躍年代1952年-1964年、1989年-依家
網路電影資料庫(IMDb)資訊

生平 編輯

祖籍浙江海寧,喺南京出世,喺上海長大。藝名係由佢英文名Grace譯嚟。葛蘭由細個就開始學聲樂,1949年佢跟老豆搬去香港。1952年,佢進入泰山影業公司,出演處女作《七姊妹》。1961年葛蘭同高福全倫敦結婚,1964年退出影壇。

演藝經歷 編輯

1952年4月,重喺香港德明中學念高三嘅葛蘭,報考卜萬蒼泰山影業公司,葛蘭係首個報名嘅,後來以最高嘅分數被錄取。訓練班結束後,泰山影業公司為訓練班的女演員拍攝了影片《七姊妹》,佢同劇中其他嘅6位女主角:鍾情李嬙劉亮華羅婷陳芸容遠菁並叫做「泰山七姊妹」,冇幾耐佢加入卜萬倉嘅泰山影業公司。卜萬蒼特別睇好葛蘭,令佢同俞振飛黃飛然葉冷竹琴學習表演藝術同西洋聲樂。同時,佢京劇唱得幾好,都講到一口流利嘅英語,1954年,好萊塢影帝克拉克·蓋博(Clark Gable)喺香港拍電影《江湖客》英文Soldier of Fortune (1955 film)(Soldier of Fortune),要征演一位會講英語嘅中國女演員飾演漁家女一角,有2000幾人參加考試,但剩係錄咗葛蘭一人。1956年,葛蘭同林黛白光等人去台灣幫蔣介石祝壽,返港後加入國際電影懋業有限公司,冇耐佢主演電影《曼波女郎》,佢飾演李愷玲,同日後女演員樂蒂嘅老公陳厚搭戲,由於佢唱同舞蹈樣樣都得,人們就叫佢「曼波女郎」。佢後嚟又出演《酒色財氣》、《野玫瑰之戀》、《六月新娘》等,都有出色嘅表演。

息影 編輯

1961年6月15號佢同港澳富商高福全喺英國倫敦結婚,高福全喺1916年出世,比葛蘭大17歲,佢係尤敏老公高福球嘅哥哥,所以,葛蘭同尤敏係妯娌關係。喺7個幾月嘅環球蜜月旅行後,佢又返到香港拍《教我如何不想她》、《寶蓮燈》等影片。1964年,葛蘭喺演完《啼笑姻緣》(上、下集)後,正式退出影壇同歌壇,喺屋企專心相夫教子。1989年11月,葛蘭同好友們灌錄咗一張叫《京曲選萃》嘅唱片。1993年4月,香港市政局舉辦第12屆香港國際電影節,主題曲係《國語片與時代曲》,葛蘭應邀出席座談會嘅嘉賓。1994年係京劇泰斗梅蘭芳嘅百年誕辰,葛蘭同18名友人喺香港西灣河文娛中心舉行咗憶梅清唱晚會,所得嘅收益全部用喺慈善用途。1995年2月,佢接受衛視中文台台長甘國亮嘅電視訪問。2002年4月11號,佢應香港電影資料館嘅邀請,出席「舊歡如夢:國泰回顧展」座談會「電懋之星:印象與形象」。7月6號,佢參與出演咗由雅友集中華傳統戲劇學會舉辦嘅京劇清唱晚會以慶祝香港回歸5周年,2004年,葛蘭嘅老公過世,享年88歲,佢哋有一個仔,喺1966年出世[1],2013年8月11號,葛蘭出席「曼波女郎回來了」活動。

電影作品 編輯

  • 1952年:《戀春曲》
  • 1953年:《鑽石花》
  • 1953年:《七姊妹》
  • 1954年:《碧血黃花》
  • 1954年:《再春花》
  • 1955年:《江湖客》
  • 1956年:《雪裡紅》
  • 1956年:《驚魂記》
  • 1956年:《唐伯虎與秋香》
  • 1956年:《長巷》
  • 1956年:《關山行》
  • 1956年:《金縷衣》
  • 1956年:《飛虎將軍》
  • 1957年:《曼波女郎
  • 1957年:《酒色財氣》
  • 1957年:《愛與罪》
  • 1957年:《無頭案》
  • 1958年:《珊瑚》
  • 1958年:《金鳳凰》
  • 1959年:《血灑情花》
  • 1959年:《青春兒女
  • 1959年:《空中小姐
  • 1959年:《香車美人
  • 1959年:《姊妹花》
  • 1959年:《千面女郎》
  • 1960年:《六月新娘》
  • 1960年:《情深似海》
  • 1960年:《心心相印》
  • 1960年:《辮子姑娘》
  • 1960年:《野玫瑰之戀
  • 1961年:《星星、月亮、太陽
  • 1963年:《教我如何不想她
  • 1964年:《寶蓮燈》
  • 1964年:《啼笑姻緣

參考 編輯

  1. . 原著喺2014年3月22號歸檔. 喺2017年7月26號搵到.

出面網頁 編輯