董趙洪娉

董趙洪娉（1937年—），廣東新會人。前香港特首董建華嘅夫人。

董趙洪娉嘅阿爸趙卓如係建築師，一共有三個太太。趙洪娉係二太太所生。趙洪娉曾經喺聖保羅男女中學讀書，後來去咗英國讀護理學。趙洪娉廿二歲嗰陣同董建華喺英國訂婚，兩年之後（1961年）結婚。結婚之後佢哋兩個一直住喺外地，直到1969年至返香港。董趙洪娉同董建華有兩個仔同一個女。

係2003年香港沙士期間，董太一路積極幫手抗炎行動，佢不但止冒險巡區，更親自派防炎包俾各位市民。佢除派咗抗炎包之外，仲提啲市民記住一定要洗手，佢嘅金句「洗手，洗手，洗手」再加埋佢全副抗炎裝備，成為咗一時佳話。

董趙洪娉長期幫香港紅十字會做義工，宜家係紅十字會會長同總監。係董建華做特首期間，董趙洪娉專門負責搞香港禮賓府（前港督府）嘅慈善宴會；佢喺2005年6月離開禮賓府之前出咗一本關於禮賓府歷史嘅書－－《香港禮賓府》。

呢篇同香港人相關係楔位文。歡迎幫維基百科擴寫佢。