葵扇煙 (遊戲)

《Ace of Spades》（減筆叫做：AOS；又叫做：黑桃A、黑桃As），係一款沙盒建造嘅射擊遊戲，玩家可以喺一個三維世界入面用唔同嘅方塊建建築物擋住敵方攻擊，重可以攻擊對方。呢隻遊戲得賓阿索伊Ben Aksoy自己一個人搞。《Ace of Spades》用網上伺服器玩。遊戲隊伍分成兩隊，藍隊同綠隊，玩家可以選擇加入藍隊定綠隊，再選擇步槍、衝鋒槍、霰彈槍。每名玩家有100生命值，若果生命值少過100，可以去補給站補命。當玩家死咗，需要等重新遊戲。目前最新版本係Beta版0.76。

Ace of Spades
類型	第一人稱射擊
平台	Microsoft Windows，Mac
整	賓阿索伊 (Ben Aksoy)
設計師	賓阿索伊(2011-2012) Jagex(2012-)
最新版本	Beta版：0.76
模式	多人
營運日期	2011年4月4日
分級

最近隻遊戲俾Steam買咗，整個全新嘅黑桃A。由於遊戲地圖同《造個創世神》似，所以又叫做「槍戰版造個創世神」。

遊戲

黑桃A嘅靈感來自《造個創世神》、《絕地要塞2》。重有，俾Steam買咗之後，多咗幾個遊戲模式：團隊死亡競賽、奪旗、領土控制、殭屍同開採鑽石等等。而舊版遊戲就只係得奪旗、領土控制同巴別塔。遊戲入面重可以畀玩家自由建造防禦建築或開發領土，目前嘅遊戲玩家可以選擇四大隊伍：突擊隊、發射火箭、機槍手同埋槍手，槍手可選擇狙擊步槍、半自動步槍同埋手槍；火箭人用衝鋒槍；而使用噴氣背包或滑翔機可部署戰力；鎬係可摧毀同攻擊近戰武器；而突擊隊同槍手，都可以選擇一個挖掘工具，而唔係刀。火箭人可能會選擇收有手榴彈嘅砲塔，特種兵可以選擇使用殺傷人嘅手榴彈。喺聖誕節更新重加咗雪炮，可以造成火災危害。

發展史

Beta版入面，黑桃A係畀玩家免費試玩，但喺2012年12月，英國嘅遊戲開發商Jagex宣布，同原創者合作整個全新嘅黑桃A。

Beta版入面，地圖係用伺服器收錄，但係遊戲都畀自定義地圖，所以可以由地圖編輯器整地圖。喺第一個版本入面，玩家武器只係得半自動步槍同鎬。直到最近嘅版本入面，玩家可以選擇半自動步槍、衝鋒槍、獵槍，所有玩家都可以用三粒手榴彈同一把鐵鍬。遊戲畀玩家用模組改外形同聲音，重特別為模組開咗個討論區。

發行

喺2012年11月，雖然遊戲仍然係一個測試版，但係已經攞到「本月遊戲」喺MPOGD。

遊戲喺12月12號正式發行，但係遭到好多批評，因為遊戲免費測試版變成收費遊戲。目前，呢個遊戲喺Metacritic評分46，理由一般來自不滿嘅評論。

好多不滿者都係要求重開免費版，因為佢由免費遊戲變咗畀錢遊戲。因此測試版就用「Build and Shoot」名稱繼續運行。