葵青劇院

葵芳嘅官立戲院

葵青劇院Kwai Tsing Theatre)係香港劇院,喺葵芳中部,就近港鐵葵芳站。佢係區域市政局決定起嘅,喺葵青區,所以就叫葵青劇院。戲院一九九六年動工,一九九九年啟用。家下係香港中型表演場地之一。

葵青劇院

興寧路十二號,開朝九晚十一。設施有表演場地,以及演藝廳黑盒劇場廣場演講室舞蹈室排演室

地理 編輯

葵青劇院周圍,四面平坦,三面環路,一面接樓。佢東北係新都會廣場,西北有興芳路,西南有葵福路,東南有興寧路。而佢正門門牌,就係興寧路十二號。東面見葵芳地鐵站,西北見葵涌運動場

編輯

葵青劇院,塊地原本係葵涌對出嘅垃圾灣,卽係海來嘅,有水上人聚居。二十世紀六十年代,垃圾灣填海,是爲葵涌新區。而葵青劇院笪地,連同家下新都會廣場葵涌廣場兩笪地,曾經係葵泰臨時房屋區所在地。葵泰拆咗之後,先後落成葵涌廣場、新都會廣場,而葵青劇院笪地,就一直丟空。

喺新界人口眾多嘅行政區之中,都有大會堂民娛中心等,唯獨葵青區無文藝表演場地。最尾區域市政局決定起葵青劇院。劇院於一九九六年動工,耗資約莫四億七千萬港元。到咗一九九九年十一月十八號,由臨時區域市政局主席劉皇發主持開幕。

後尾香港政府廢區域市政局,場地就交畀政府部門,康樂及文化事務署管。

場地 編輯

葵青劇院家下係康樂及文化事務署之下,新界五個主要演藝場地之一。劇院外表,由幾個弧形組成,牆有曲有直,以圓滑夾埋一個建築。咁嘅外觀,標誌本土藝術多元。劇院主要表演場地,有演藝廳,是爲中型表演場地。此外有展覽場地、排演同埋演講室,種種設施,迎合藝術工作者嘅需要。

實景 編輯

出面網頁 編輯

座標: 22°21′25″N 114°07′34″E / 22.3569°N 114.126°E / 22.3569; 114.126