蕭秀香
香港廚師、廚藝節目主持人
蕭秀香（英文：Kitty Siu），人稱三姐，係香港廚師，喺將軍澳經營「三姐海鮮飯店」[1]。
佢亦有喺無綫電視做廚藝節目主持人，比較出名嘅節目有同江美儀主持嘅《女人必學100道菜》、《教煮爭霸》同埋《流行都市》[2]，2022年2月更加宣布同無綫續約[3]。但亦因為佢同無綫嘅關係，有啲黃色經濟圈支持者將佢嘅開設嘅三姐海鮮飯店列作藍店。
經歷
編輯佢10歲左右喺老豆嘅飯堂嗰度幫手，直到18歲佢老豆離世，之後曾經做過司機、美容、工廠，甚至地產行業，但之後都係做番飲食業，以賣飯盒起家，2000年代初期頂手將軍澳田下灣村一間海鮮酒家，但咁啱經歷沙士令生意重創。佢喺2020年接受《經濟日報》訪問嘅時候提到，當時甚至說過晚市零客人，但好彩有一班熟客支持，亦盡力支持伙記嘅生計[4]。
演出
編輯節目主持（無綫電視）
編輯事件
編輯旗下餐廳盆菜質素問題
編輯Facebook新聞專頁Channel C同埋長期關注無綫電視唔同爭議嘅專頁思思 TVB 的二三事喺2022年2月報道，蕭秀香旗下餐廳賣嘅盆菜質素有問題，有人指盆菜味道酸醙臭，食物份量好細，翻熱過後都仲有雪味，而且問題唔係第一年出現[5][6]。之後連《香港01》都有跟進事件，但向蕭秀香再查詢事件嘅時候，蕭秀香就唔回應，而且喺Facebook閂埋留言功能[7][8]。
參考
編輯- ↑ 何匡汶 (2022-01-14)。〈盆菜2022｜保哥三姐10大特色盆菜最平$638 消委會教你翻熱5貼士〉。《香港01》 (香港中文)。喺2022-02-04搵到。
- ↑ 陳芷穎 (2020-07-24)。〈大王安德尊爆三姐蕭秀香脾氣火爆：我好驚佢，唔可以得罪〉。《香港01》 (香港中文)。喺2022-02-04搵到。
- ↑ 黃欣華 (2022-02-03)。〈TVB廚后三姐蕭秀香宣布續約 公司主動加人工：幾廿歲都仲要我〉。《香港01》 (香港中文)。喺2022-02-08搵到。
- ↑ 〈【疫市求生】TVB廚后三姐食店生意重創晚市0客 掟$10萬私己救急感激伙計自動減薪 - 香港經濟日報 - TOPick - 娛樂〉。topick.hket.com。喺2022-02-08搵到。
- ↑ 〈TVB「廚后」三姐盆菜劣評多 苦主大呻料少、味道「又酸又醙」〉。Facebook (英文)。喺2022-02-08搵到。
{{cite web}}: CS1 maint: url-status (link) - ↑ 〈TVB女廚王賣『酸餿』盆菜？三姐蕭秀香為無綫御用廚師〉。Facebook (英文)。喺2022-02-08搵到。
{{cite web}}: CS1 maint: url-status (link) - ↑ 趙允琳 (2022-02-08)。〈TVB廚后三姐賣盆菜劣評如潮 苦主批評：一大陣雪藏味！〉。《香港01》 (香港中文)。喺2022-02-12搵到。
- ↑ 〈【TVB廚后水已潛】1.《香港01》就酸醙盆菜事件去咗搵三姐，三姐以開緊會為由不作回應；2. 三姐決定閂埋Facebook留言功能〉。Facebook (英文)。喺2022-02-12搵到。
{{cite web}}: CS1 maint: url-status (link)