蟻

蟻ngai5（ant；學名：Formicidae），北方話叫螞蟻，係一科嘅昆蟲。世界上有好多蟻種群，如紅蟻、黃絲蟻、黑蟻。

How to read a taxobox

蟻

蟻

物種分類

界	動物界 Animalia
門	節肢動物門 Arthropoda
綱	昆蟲綱 Insecta
目	膜翅目 Hymenoptera
科	蟻科 Formicidae

蟻有真社會性，種種蟻群入面，都有蟻后，佢哋中意羣居生活，齊齊做嘢。

行為

蟻其中一樣出名嘅嘢，係有真社會性（eusociality）：蟻乸分做工蟻同蟻后，當中蟻后通常成個竇得一隻，而工蟻數量就閒閒哋成千上萬；蟻后會係噉生幼蟲，同時啲工蟻冇生殖能力，要合力照顧蟻后啲幼蟲，唔同年紀嘅工蟻一齊做呢樣嘢；蟻喺生理上仲高度專化－工蟻淨係負責做嘢，唔曉繁殖，而蟻后就通常淨係識繁殖，唔曉搵食或者照顧幼蟲^[1]。

共生

同蟻共生嘅灰蝶幼蟲；隻蟻喺度照顧緊隻幼蟲。

呢幅 gif 入面啲蟻喺度以死亡旋渦噉嘅方式打圈行。

有部份物種嘅蝴蝶（例如多種嘅灰蝶）會同蟻形成互利共生（mutualism）嘅關係：呢啲灰蝶幼蟲嘅身體有特殊構造，識得釋放一啲特殊化學物質同蟻溝通，吸引啲蟻過嚟^[2]^[3]；同時，隻幼蟲嘅身體曉分泌一啲蜜露（honeydew；一種富含糖份嘅黐立立液體），而呢啲蜜露對於蟻嚟講係好有用嘅糧食，所以啲蟻就會好樂意噉幫手保護隻蝴蝶幼蟲－於是乎隻蝴蝶幼蟲同啲蟻就形成咗一種互惠互利嘅關係^[4]。

另一方面，又有啲物種嘅蝴蝶幼蟲會用呢一點嚟去整蠱同利用啲蟻：大藍蝶（Phengaris arion）嘅幼蟲會吸引啲蟻帶佢返去佢哋嗰個（好安全嘅）蟻丘嗰度，跟住隻大藍蝶幼蟲會寄生喺個蟻丘度，以食啲蟻嘅幼蟲同卵嚟維生^[5]。

殺蟻藥

硼酸

第啲生物

蜜蜂
白蟻^{[註 1]}

語言詞匯

蟻懶（laan1）：形容慢吞吞
一身蟻：形容惹禍上身
蟻多嬲死象：即以多制少
蟻民：（帶貶義）通常指身份地位低微到好似蟻一樣嘅市民，常見於自嘲、自貶

註釋

↑ 雖然佢哋個名叫白「蟻」而且望落似蟻，但喺生物分類上，白蟻查實近曱甴同螳螂多過近蟻，更加唔係蟻嘅一種。

參攷資料

↑ Robinson, G. E., Page, R. E., Strambi, C., & Strambi, A. (1989). Hormonal and genetic control of behavioral integration in honey bee colonies. Science, 246(4926), 109-112.
↑ Devries, P. J. (1988). "The larval Ant-organs of Thisbe irenea (Lepidoptera: Riodinidae) and Their Effects Upon Attending Ants". Zoological Journal of the Linnean Society. 94 (4): 379–393.
↑ Devries, P. J. (June 1990). "Enhancement of Symbioses Between Butterfly Caterpillars and Ants by Vibrational Communication". Science. 248 (4959): 1104–1106.
↑ Fiedler, K.; Holldobler, B.; Seufert, P. (1996). "Butterflies and Ants: The Communicative Domain". Cellular and Molecular Life Sciences. 52: 14–24.
↑ Thomas, Jeremy; Schönrogge, Karsten; Bonelli, Simona; Barbero, Francesca; Balletto, Emilio (2010). "Corruption of Ant Acoustical Signals by Mimetic Social Parasites". Communicative and Integrative Biology. 3 (2): 169-171.

出面網站

螞蟻網站（英文）
關於膜翅目昆蟲（英文）
螞蟻數據（英文）
螞蟻物種介绍（英文）
螞蟻圖片（英文）
關於螞蟻嘅研究（贏得1991年普立茲獎）（英文）
螞蟻嘅網站（英文）
中國啲螞蟻（簡體中文）

[6] 雖然佢哋個名叫白「蟻」而且望落似蟻，但喺生物分類上，白蟻查實近曱甴同螳螂多過近蟻，更加唔係蟻嘅一種。

[1] Robinson, G. E., Page, R. E., Strambi, C., & Strambi, A. (1989). Hormonal and genetic control of behavioral integration in honey bee colonies. Science, 246(4926), 109-112.

[2] Devries, P. J. (1988). "The larval Ant-organs of Thisbe irenea (Lepidoptera: Riodinidae) and Their Effects Upon Attending Ants". Zoological Journal of the Linnean Society. 94 (4): 379–393.

[3] Devries, P. J. (June 1990). "Enhancement of Symbioses Between Butterfly Caterpillars and Ants by Vibrational Communication". Science. 248 (4959): 1104–1106.

[fied1996-4] Fiedler, K.; Holldobler, B.; Seufert, P. (1996). "Butterflies and Ants: The Communicative Domain". Cellular and Molecular Life Sciences. 52: 14–24.

[5] Thomas, Jeremy; Schönrogge, Karsten; Bonelli, Simona; Barbero, Francesca; Balletto, Emilio (2010). "Corruption of Ant Acoustical Signals by Mimetic Social Parasites". Communicative and Integrative Biology. 3 (2): 169-171.

[1]

[2]

[3]

[4]

[5]

[註 1]