大藍蝶

大藍蝶daai6 laam4 dip6（英文：large blue；學名：Phengaris arion）係灰蝶科下嘅一種蝴蝶物種，最出名嘅嘢係佢哋啲毛蟲會寄生响蟻嘅竇裏面。呢種物種廣泛噉分佈喺歐亞大陸多地，喺 1758 年第一次畀人發現同紀綠低。

How to read a taxobox

大藍蝶

2009 年影到嘅一隻大藍蝶

物種分類

界	動物界 Animalia
門	節肢動物門 Arthropoda
綱	昆蟲綱 Insecta
目	鱗翅目 Lepidoptera
科	灰蝶科 Lycaenidae
屬	白灰蝶屬 Phengaris
種	大藍蝶 Phengaris arion

大藍蝶曾經喺英倫嗰頭完全絕嗮跡，但打後生態保育工作者成功噉同大藍蝶做再引入，所以喺廿一世紀初嘅英倫可以搵到呢種蝴蝶嘅蹤影^[1]。

基本外形編輯

大藍蝶啲翼，底面望落花款相當唔同。

2006 年影到，一朵花上面有一隻大藍蝶。

大藍蝶嘅毛蟲可以生到去大約 1.3 cm 咁長。

大藍蝶嘅成蟲個樣同第啲蝴蝶大同小異，有兩對翼，身體分頭胸腹三橛。佢哋蟲如其名，兩對翼向外嗰面望落係藍藍哋噉色嘅，不過佢哋啲翼向內嗰面望落幾唔同－係有啲紅紅哋橙橙哋嘅色而且帶黑色斑點嘅。平均嚟講，大藍蝶乸大隻過公些少－據講大藍蝶乸擘開嗮啲翼可以去到成 5.2 cm 咁長，而大藍蝶公擘開嗮啲翼就可以去到成 4.8 cm 咁長^[2]^[3]。

Phengaris arion ♂
Phengaris arion ♂ △

生命週期編輯

大藍蝶同第啲蝴蝶一樣，係靠完全變態嘅方式嚟發育嘅，一世蟲會經過蛋、幼蟲、蛹同成蟲四大階段。大藍蝶嘅幼蟲期可以有成 9 個月咁長，條蟲生到夠大就會結蛹，變成成蟲之後佢哋就得返幾個禮拜命，要嗱嗱聲去搵伴侶交配，傳宗接代。

大藍蝶最出名嘅係佢哋有竇寄生（brood parasitism）嘅行為同埋有能力整蠱蟻：竇寄生係指一隻動物靠第隻動物（同種或者異種都算）嚟養育佢哋嘅幼體；大藍蝶同好多白灰蝶屬物種一樣，會靠第啲昆蟲養佢哋啲幼體；大藍蝶嘅幼蟲望落好似區內啲蟻物種嘅幼蟲，而且仲曉釋放出一陣好似蟻幼蟲噉嘅除，吸引啲蟻將佢哋搬返蟻竇^{[註 1]}。一返咗竇，條毛蟲就會等啲工蟻餵佢，甚至會捕食佢周圍嗰啲蟻幼蟲；如是者，條毛蟲就會一路食一路生，生到咁上下就會結蛹，變咗成蟲之後隻蝴蝶就會飛去搵伴侶交配。呢種過程唔係互利共生－成個過程入面得大藍蝶攞嗮著數，而啲蟻淨係會有損失^[4]^[5]。